АҚШнинг янги мудофаа вазири Эштон Картер илк хорижий сафарини Афғонистондан бошлади. Олдин эълон қилинмаган сафари билан Картер шанба куни Афғонистонга келган эди.
Афғонистон президенти Ашрф Ғани иштирокида бўлиб ўтган матбуот анжуманида Картер, АҚШ Афғонистондаги терроризмага қарши кураш бўйича янги миссиясининг айрим қисмларини, жумладан, қўшинларни олиб чиқишни ортга суриш масаласини қайта кўриб чиқаётганини маълум қилди.
Унинг сўзларига кўра, Афғонистон президенти Ашраф Ғанининг кейинги ойда Вашингтонга қиладиган сафари мобайнида бу масала ҳам мухокама қилинади.
Ўз навбатида Ашраф Ғанининг журналистларга, охирги ўттиз йил давомида ҳукм сурган вазиятга қараганда ҳозир Толибон билан тинчликка эришиш истиқболлари яхшилигини айтиб ўтди, аммо тафсилотларга тўхталмади.
Ашраф Ғани, АҚШ маъмурияти ўз қўшинларини олиб чиқиб кетиш масаласини албатта, Афғонистон раҳбарияти билан мухокама қилиши кераклигини айтиб, мамлакатда тинчлик ва барқарорликка эришиш учун афғон ҳукумати тўғри йўлдан бораётганини белгилаб ўтди.
Мамлакат пойтахти Қобулда афғон расмийлари ва АҚШ ҳарбий кучлари қўмондонлари билан бўлиб ўтган қатор учрашувлардан сўнг Эштон Картер сафарининг иккинчи куни Қондохорга учиб кетди. Мамлакат жанубидаги Қондахорда бўлган вақтида Картер кейинги икки йил давомида АҚШ кучларини Афғонистондан олиб чиқиш бўйича режаларни қайта кўриб чиқди.
Америкалик ҳарбийлар олдида қилган чиқишида Картер, уларнинг афғон армиясида маслахатчи сифатида бажарадиган ишлари бу – хавфсизлик соҳасида эришилган ютуқларни мустахкамлаш учун калит, эканлигини айтиб ўтди.
“Биз бу нарса доимий ва узоқ муддатли бўлишини хоҳлаймиз”,- деди Эштон Картер.
