Франция президенти Франсуа Олланд Халқаро ҳамжамиятни Суриядаги ўзгаришлар борасида ўз вақтида ҳаракатга киришмаганликда айблади. Олланд Халқаро ҳамжамиятнинг Сурия масаласига нисбатан эътиборсизлиги ўта қайғули эканлигини таъкидлар экан, Франция “террор”га қарши курашда қарори қатъий эканлигини билдирди.
Шарль де Голль номли учоқ ташувчи кемада (авианосецда) армиянинг янги йилини қутлаган Олланд Ироқда ИШИД ташкилотига қарши ҳаводан ҳужум кучайган ҳолда давом этиши ҳақида қарор қабул қилганлигини билдирди.
Олланд Ўрта Шарқда амалга оширилган битимлар авианосец Шарль де Голльнинг ушбу минтақада мавжуд бўлиши лозимлигини яна бир бор исботлаганлигини урғулади. Унга кўра, бу жанговор кема соясида Франция Ироқдаги амалиётларини давом эттиради.
Шунингдек Олланд Франция армиясининг эҳтиёжини қоплаш учун барча чора тадбирларни кўришини қайд этди.
“Мудофаа вазири Жан-Ив Ле Дриандан мудофаа сарф-харажатлари билан боғлиқ ўзгаришларни шу ҳафта ичида менга маълум қилишни талаб қилдим”, деди Франция президенти.
Олланднинг билдиришича, Халқаро хавфсизлик кенгаши келгуси ҳафта чоршанба куни айни мавзу устида йиғилиш ўтказади. У мудофаа сарф-харажатлари учун аввал сўз берганидек, армияга 31,4 миллиард евро ажратишини қайд этди.
Олланд Бирлашган миллатлар ташкилотининг қарорлари ортидан Франциянинг Марказий Африкадаги кучларини камайтиришини ҳам айтиб ўтди.
Франция 12 кишининг ўлимига сабаб бўлган Charlie Hebdo таҳририятига уюштирилган ҳужумдан сўнг Ироққа ҳужум бошлаш учун Ўрта Шарққа учоқ кемаси (авианосец) юбориш ҳақида қарор қабул қилган.
Туркистон:
Франция АҚШнинг 11 сентябрь воқеаси сценарийсини қайталамоқчи. Бу унга фақат АҚШ ёрдам берсагина мувоффаққиятли амалга ошади. Чунки унинг ўзида АҚШникидек халқаро вазн хам, босим бериш имкониятлари хам йўқ. Демак Франция хам Германия сингари АҚШга кўппакдек хизмат қилиш эвазига халқаро мавқеъини тиклаб олиш учун, унга хизматга ёлланган.
