“РИА Новости” нашрининг Ўзбекистон МХХ чегарани қўриқлаш қўмитасидаги манбага таянган ҳолда хабар қилишича, Ўзбекистон 2015 йилнинг биринчи ҳафтасида қўшни Афғонистоннинг чегараолди ҳудудида қуролли тузилмалар ва наркотрафик фаоллашиб қолгани муносабати билан чегарани кучайтириш бўйича қатор чораларни амалга оширган.
Манбанинг сўзларига кўра, “Оператив маълумотлар Афғонистон ҳукуматига бўйсунмайдиган қуролли тузилмаларнинг кўпайиб бораётганини кўрсатмоқда”.
Унинг айтишича, Ўзбекистонга қўшни мамлакатларда вазият ўзгариб бораётган даврда чегара постларининг ўзаро ҳаракатининг схемаси ишлаб чиқарилган бўлиб, бу чегарани белгиланган тартибда, қўшимча кучларни жалб этмасдан қўриқлашга имконият беради. “Бу чоралар, биринчи навбатда, техник ҳамкорликни кучайтириш, разведканинг қўшимча махсус воситаларидан фойдаланиш, ахборот тўплаш билан боғлиқ”, – дея аниқлики киритди манба.
Ўзбекистон махсус хизматидаги манба берган хабар ортидан Тожикистон махсус хизматлари ҳам ўз давлат чегаралари яқинида қуролланган жангариларнинг хавфли катта гуруҳи тўплангани ҳақида ахборотга эга эканликлари ҳамда чегара ҳудудларини мустахкамлаш учун бир қатор чораларни кўраётгани ҳақида хабар қилди.
Тожикистон миллий хавфсизлигидаги манба, “Биз Афғонистон билан чегара ҳудудларимиздаги айниқса, Бадахшон ва Панж йўналишларидаги чегараларимиздаги вазиятни синчковлик билан кузатиб боряпмиз. Разведка маълумотига кўра, бу ерда расмий ҳукуматга бўйсунмайдиган “Толибон” ва “Ўзбекистон Ислом ҳаракати” террорчи гуруҳларнинг қуролланган жангарилари гуруҳи тўпланган”,- деди.
Туркистон:
Россия Ўрта Осиёда ўз нуфузини сақлаб қолиш учун бу минтақадаги мустабид ҳокимларни ваҳимага солиш орқали уларни жиддий хатога йўл қўйишга ва шу орқали минтақада беқорорликни вужудга келтиришга ҳаракат қилмоқда.
Аввалроқ, Россиянинг Афғонистон бўйича махсус вакили Замир Қобулов Афғонистоннинг Тожикистон ва Туркманистон билан чегарасида мужоҳидларнинг йирик кучлари ўрнашиб олгани ҳамда улар баҳорда фаол ҳаракатга тушиб қолишлари мумкинлиги ҳақида башорат қилган эди.
Албатта Ўрта Осиёда беқарорлик ҳукм суришидан Россия манфаатдор эмас, аммо мана шу йўл билан Путин ўз сиёсати натижасида Россиянинг бугунги кунда тушиб қолган ҳолатидан ва фуқороларининг яшаш даражаси пасайиши ортидан пайдо бўлиши мумкин бўлган кескинликлардан қутулиш учун Ўрта Осиё ёки Қримда уруш қилиш режасини ишлаб чиқмоқчи бўляпти.
