Ҳиндистон шарқи шимолида жойлашган Ассам вилоятида қуролланган бутпараст террорчилар мусулмонларга ҳужум уюштирди. Бутпарастларнинг ҳужумлари натижасида мусулмон аҳоли ўртасида кўпгина талафотлар юз берди. Ҳиндистон полицияси чиқарган баёнотда айтилишича, мусулмонлар яшайдиган қишлоққа уюштирилган ҳужумда 56 нафар мусулмон турли шаклда ўлрилиган.
Франция ахборот агентлигининг хабар беришича, Генерал Синг Ҳиндистоннинг Ассам штатида юз берган тўқнашувлар ҳақида баёнот берган. Юқори мартабали полиция офицери Мусулмонлар истиқомат қиладиган Кокражҳар ва Сонитпур минтақасида алохида-алоҳида 5 марта ҳужум уюштирилганлигини ва ҳужум чоғида ўлдирилганлар орасида аёллар ва ёш болалар ҳам борлигини очиқлади. Генералга кўра, Сон-саноқсиз кишилар турли оғир жароҳатлар олган. Ўлганларнинг сони яна ортиши борасида хавотирлар мавжуд.
Шу йилнинг апрел ойида Ҳиндистоннинг Будо қабиласи Ассам вилоятининг озчиликдан иборат бўлган асли Бангладешлик мусулмонлардан 11 нафарини, жумладан олти нафар аёл ва бир нафар ёш гўдакни ваҳшийларча қатл қилган эди.
Шунингдек, жорий йилнинг ёз ойларида ҳам Будо қабиласининг қуролланган жангарилари Ассам вилоятининг мусулмонларига қарши ҳужум уюштириши ортидан 73 нафар мусулмонлар ўлдирилган эди. 400 мингдан кўпроқ мусулмонлар Будо қабиласининг экстремист жангариларининг ҳужумларидан қўрқиб ўз уйларини ва туғилган юртларини ташлаб кетишга мажбур бўлишган.
Будо қабиласи эскидан мусулмонларга қутуриб ҳужум қилишни давом эттириб келади. Ҳукумат эса ўзини кўрмаганга олиб тураверади. Масалан, 2012 йилда мусулмонларга қарши қуролли ҳужумларни амалга ошириб юзлаган мусулмонларни аёвсиз қирғин қилди.
Охирги ойларда Ҳидистоннинг Ассам вилоятида мусулмонларга қарата Будо қабиласининг ҳужумлари шиддат билан кучайиб бормоқда. Шундай вазиятда Ассам минтақаси аҳолисининг талабларига қарамасдан, ушбу минтақада истиқомат қиладиган мусулмонларни ҳимоя қилиш учун Ҳиндистон давлати шу кунгача ўз армиясини ёки хавфсизлик кучларини жалб қилган эмас.
