Расмий Вашингтон дунё мамлакатларини Москва билан ҳамкорлик қилишдан воз кечишга чақириб, Россия билан эришилаётган янги келишувларни кузатиб бораётганлиги тўғрисида огоҳлантирди.
АҚШ давлат департаменти вакиласи Жен Псаки Вашингтонда бўлиб ўтган брифингда, “Биз аввалгидек барча мамлакатларни Россия билан тижорат қилмасликка чақирамиз”, – деди ва Вашингтон Москванинг янги келишувларини кузатишда давом этаётганини қўшимча қилди.
Унинг мазкур сўзлари Россияга қарши қўлланилаётган санкцияларга дунё давлатларини ҳам қўшилишга чақириқми, деб берилган саволга “йўқ” деб жавоб берган Псаки, “вазиятни ҳисобга олиб” айни вақтда Россия билан одатдагидек иш олиб бориш керак эмас, -деди.
Жен Псакининг мазкур баёноти Россия президенти Владимир Путинни куни кеча Ҳиндистонга амалга оширган ташрифидан сўнг янгради. Мазкур ташриф давомида Ҳиндистон ва Россия ўртасида 16 ҳужжат имзоланди. Имзоланган ҳужжатлар қаторида “Куданкулам” АЭСини учинчи ва тўртинчи блокларини барпо этиш тўғрисидаги келишув ҳам бор.
Брифинг давомида Жен Псаки Ҳинтистонни АҚШнинг “муҳим ҳамкори” сифатида баҳолаб, Дехли ва Москва ўртасидаги ҳамкорлик Барак Обаманинг мазкур мамлакатга амалга ошириши режалаштирилган ташрифига тўсқинлик қилмаслигини таъкидлаб ўтди.
Туркистон:
АҚШ хаддидан ошиб бораяптими, ёки хақиқатдан хам дунё хамжамияти унинг манфаати учун ўз манфаатларидан воз кечиб юборадиган даражада унга тобеъ бўлиб қолдими?
Россия тарихда Асад, Муборак, Каззофий Саддам каби диктаторларга қурол сотиш ва бошқа махфий иқтисодий алоқалар олиб борган. У Хизбуллох каби АҚШнинг террористик рўйхатида турган жамоаъларга ёрдам бериб келади. Эрон билан ядро энергетик алоқаларидан ташқари Сурия масаласида АҚШнинг баъзи чораларига қарши чиқишга журъат қилган эди. Россия Афғонистонда Толибон хукуматига қарши бир неча жангари жамоъаларни очиқдан очиқ қўллаб келгани хеч кимга сир эмас.
Нега энди Украина масаласида унга қарши жиддий чоралар қўллана бошлади. Эътибор берсанггиз, бу чоралар жуда сезиларли натижаларга қараб кетаётганини кўрамиз. Россия яқинда, шу кетиш давом этаверса, жиддий муаммоларга учраши аниқ. Демак у шу холатидан чиқиш учун, АҚШнинг талабларига юришга мажбур бўлиши мумкин.
Савол туғилади, нега юқоридаги халқаро босим бериш чораларини, Россия Сурияда минглаган бегунох инсонлар, жумладан болаларнинг ўлимида Асадни қўллаб қувватлаётганида фойдаланмади. АҚШ ўшанда, Россияга буюк давлат сингари муомила қилиб, у қўйган барча ветоларини қаттиқ инобатга олиб, унинг ёнида қўллаб турган Хитой ва Эрон каби ўзига тобеъ давлатларни хам Россия билан алоқаларига зарба қилган эмас эди.
Демак АҚШ, халқаро сиёсатда гегемон, якка етакчи давлатга айланди. Россия эса аксинча, заиф аграр давлатлар даражасига қараб қулаб бормоқда. АҚШ хар қандай давлатни, фақат ўз манфаатлари томон йўналаётган харакатларинигина қўллаб қувватлайди. Шунда у уларни ўз холига ташлаб қўяди ёки зимдан қўллаб юборади. Баъзи давлатлар хатто ўз харакатларини АҚШнинг манфаатларига мутаносиб олиб бораётганини яшириш мақсадида, баёнотлар қилиб АҚШга фикран қарши эканларини номоён қилишади Эрон Туркия…. каби.
Россия охирги вақтда Туркия Хитой ва Индия каби бир неча йўналишлардаги гиополитик ахволини ўнглашга қаттиқ харакат қила бошлади. Бу эса АҚШни хавотирлантирмай қўймайди. У албатта шу давлатларга босим бериш ричагларидан фойдаланиб, Россиянинг режаларини бузишга урунади.
