Россия президенти матбуот хизматининг хабар беришича, 10 декабр куни Россия президенти Владимир Путин Ислом Каримов таклифи билан Ўзбекистонга расмий ташриф билан келади.
Хабар қилинишича, музокаралар чоғида Россия-Ўзбекистон стратегик шериклигининг бош масалалари, жумладан савдо-инвестициявий ва маданий-гуманитар соҳалардаги шериклик масалалари муҳокама қилиниши кутилмоқда.
Россия президенти ёрдамчиси Юрий Ушаковнинг маълум қилишича, ташриф давомида ўзаро молиявий даъволар ва мажбуриятларни тартибга солиш тўғрисидаги ҳукуматлараро келишув имзоланиши режалаштирилган.
Ушаковнинг айтишича, жорий йилнинг ноябригача Ўзбекистоннинг Россияга қайтариш муддати ўтиб кетган қарзи қарийб 890 миллион доллар бўлиб, бу бу миқдорнинг 500 миллиони қарзнинг ўзи, 388 миллиони тўпланиб қолган устама фоиздир.
Путиннинг Тошкент сафари давомида икки давлат ўртасидаги иқтисодий ҳамкорликни ривожлантириш юзасидан 2015-2019 йилларга мўлжалланган келишув имзоланиши режалаштирилган. Шунингдек минтақавий хавфсизликка оид долзарб муаммолар, шу жумладан Афғонистондаги вазият юзасидан фикр алмашиниши кўзда тутилган.
Туркистон:
Путин 6 декабрь куни, Франция призиденти Француа Оланд билан Внукова аеропортида учрашишга рози бўлди. Учрашув Оландни Қозоғистондан қайтаётганида, йўл йўлакай уюштирилди.
Путин Россияни қай ахволга олиб келаётганини тушуниб турибди. Вазиятни ўзгартириш учун кескин ва тубдан ўзгаришлар ясаш вақти келди. Путин халқаро сиёсатни, унинг режимига нисбатан олиб бораётган стротегиясини ўзгартириш учун, хар бир шароитлардан фойдаланишга харакат қилади. Ўзбекистондаги учрашувда хам, Путин Каримов билан эмас, балки Абаманинг кўланкаси билан шартномалар олиб боришга уриниб кўради. Чунки Путинни, Россиянинг хозирги ахволида, Ўзбекистон ёки бошқа учунчи олам давлатлари билан ўз аро манфаатлари устида олиб борадиган иқтисодий шартномалар сақлаб қола олмайди. Путин Ўзбекистонда, АҚШни рози қилиш асосида фикрлайди ва шу асосида харакат ва шартномалар олиб боради. Эвазига Украина муаммоларидан келиб чиқиб келаётган Россияни бўғизлашга қаратилган санкцияларини олиб ташлашга эришишдан умид боғлайди. Худди чўкиб бораётган инсон, хар бир хаст чўпдан умид қилганидек.
