Агар уялмасанг, билганингни қил

Қирғизистон республикаси Миллий хавфсизлик давлат қўмитаси 27 ноябр куни тарқатган матбуот баёнотида, “Ҳизб ут-Таҳрир халқаро тармоғи ўз фаолиятини Сурия ва Ироқдаги жиҳодий ҳаракатнинг асоси Халифалик фикратига эргашишликка ҳамда “Ироқ ва Шом Ислом Давлати” халқаро-террористик ташкилот тарафида туриб жанговор ҳаракатларда иштирок этишликка чақирув бўлган мафкуравий қувватлаш тарафга қараб ўзгартирди” деб, Ҳизбга нисбатан очиқдан-очиқ туҳмат қилди.

 Бундан ташқари ўз бўҳтонида давом этган МХДҚ баёнотида, “Ҳизб ут-Таҳрир стратегик режаларининг муҳим жихатларидан бири Қирғизистонда маърифатли ёшлар орасига сизиб киришни ва ўқув масканларида экстремистик тармоқ ташкил қилишни кўзда тутувчи қўпорувчилик вазифаларини амалга ошириш бўлиб қолмоқда”, дейилади.

 МХДҚ ўз иддаосини қувватлаш учун мисол тариқасида, ҳукумат идораларини обрўсизлантириш ва аҳолининг диндор вакилларини ҳукуматга қарши қўйиш  мақсадида  дин ва инсон ҳуқуқлари ниқоби билан ҳижоб масаласи бўйича Қирғизистон Таълим вазирлиги ва мусулмонлар ўртасида зиддиятни вужудга келтириш учун мақсадли фаолият олиб борилаётганини келтириб ўтди.

 Биз, дастлаб МХДҚнинг бу баёнотига муносабат билдирмоқчи эдик, чунки Қирғизистон халқи ва қолаверса бутун дунё Ҳизб ут-Таҳрир ўз ғоясига, яъни исломий Халифалик давлатини қайта тиклаш йўлида моддий ишлар билан шуғулланмаслигини, балки пайғамбаримиз Муҳаммад саллоллаҳу алайҳи ва саллам тариқатига суянишини жуда яхши билади. Аммо шундай бўлсада Ҳизбга моддий ишларни ёпиширишга бўлган беҳуда ҳаракатлар ҳозирга қадар давом этмоқда. Бу йўлда нафақат Қирғизистон ҳукумати балки, Ўзбекистон, Тожикистон, Россия… давлати сингари мустабид тузумлар ҳам ҳаракат қилиб кўришган. Бундан ташқари Ҳизб ут-Таҳрирдан бирор “айб” топиш илинжида Ғарб давлатлари ҳам Ҳизб фаолиятини жиддийлик билан кузатиб боришмоқда.

  Лекин шундай бўлса ҳам Қирғизистон куч органларига Ҳизб ут-Таҳрир ўз ғоясига етиш йўлида ҳеч қандай моддий ишлар, қўпорувчилик амалиётлари билан шуғулланмаслигини эслатиб ўтишни лозим топдик. МХДҚнинг Ҳизб ут-Таҳрир “ИШИД” ташкилотини қўллаб-қувватламоқда деган иддоси қуруқ туҳматдан бошқа нарса эмас. Чунки бу ташкилот “Халифалик” давлатини эълон қилган дастлабки кунлардаёқ Ҳизб унга нисбатан ўз муносибатини билдирган ва бу ташкилот томонидан эълон қилинган “Халифалик” шаръий асосда эмаслигини маълум қилган эди.

 Ҳизб ут-Таҳрир амири олим, шайх Ато ибн Халил Абу Раштанинг Фейсбук саҳифасидаги зиёратчиларнинг “ИШИД” ташкилотининг Халифалик тиклагани тўғрисидаги эълони тўғрисидаги

берган саволларига 4 рамазон 1435ҳ (2 июл 2014м) жавоб берган ва Туркистон сайти 7 июл куни бу жавобни ўз саҳифасида чоп этган эди. Ҳизб амири берган жавобда жумладан шундай дейилган;

  Қадрли биродарлар!

 1 – Ҳар қандай ташкилот бирор жойда Халифалик эълон қилмоқчи бўлса, у албатта Росулуллоҳ саллоллаҳу алайҳи ва салламнинг бу тўғридаги тариқатларига эргашиши лозим. Шу жумладан, бу ташкилотнинг ўша жойда очиқ ҳукмронлиги (ҳокимияти) бўлиши, бу ҳукмронлиги унинг ички ва ташқи жиҳатдан хавфсизлигини ҳимоя қилиши ҳамда Халифалик эълон қилинадиган минтақада давлат таянчлари бор бўлиши зарур. Росулуллоҳ саллоллаҳу алайҳи ва саллам Мадинаи Мунавварада Ислом давлатини барпо этган пайтда айнан шу нарсалар мавжуд бўлган: Масалан, Мадинадаги ҳокимият Росулуллоҳ саллоллаҳу алайҳи ва салламда бўлган, ички ва ташқи хавфсизлик Ислом ҳокимияти хавфсизлигида бўлган, атроф минтақадаги давлат таянчлари Мадинада бўлган.

 2 – Аммо Халифалик эълон қилган ИШИД ташкилоти на Сурияда на Ироқда салтанат (ҳокимият)га эга эмас. Бу ташкилот на ичкарида ва на ташқарида хавфсизлик ва омонликни рўёбга чиқара олган эмас. Ҳатто улар халифа деб байъат қилган Абу Бакр Бағдодий у ерда очиқ намоён бўла олмайди ҳам, аксинча, давлат эълон қилинишидан олдин қандай яширин ҳолатда юрган бўлса, ўшандайлигича қолган! Бу эса Росулуллоҳ саллоллаҳу алайҳи ва салламнинг ҳолатларига зиддир. Ул зот Ислом давлатидан олдин Савр ғорида яширинишларига тўғри келган. Бироқ давлат барпо бўлгач, ишларни бошқарганлар, армияга қўмондонлик қилганлар, одамлар ўртасидаги келишмовчиликларни ажрим қилганлар, элчилар юборганлар, ўзлари яширинмасдан очиқ ҳолда элчиларни қабул қилганлар, чунки давлатдан олдинги ҳолат кейинги ҳолатдан фарқ қилган… Хуллас, ИШИДнинг Халифалик эълон қилиши мазмунсиз бемаъни нарсадир. У худди олдинги Халифалик эълон қилганларга ўхшайди, уларнинг воқеда ҳақиқати ҳам, таянчи ҳам бўлмаган. Улар фақат ўзларидаги ички ҳиссиётларни қондиришган, холос. Чунки бири ўзини халифа деб эълон қилган бўлса, бошқаси маҳдий деб эълон қилган… Улар на таянчга, на салтанатга эга бўлишган, на хавфсизлик ва на омонликни рўёбга чиқара олишган…!

  5 – Бироқ бу ерда тўхталиб, баҳс-мунозара қилиш шарт бўлган бошқа нарса, яъни хавф бор. Хавф шуки, ИШИД ташкилотининг бу эълони содда фикрловчи кишиларнинг Халифалик тўғрисидаги фикрларига нисбатан салбий таъсир кўрсатиб, бу фикр ўзининг олий мавқеидан тушиб кетиши ва мусулмонлар наздидаги катта аҳамиятини йўқотиб, жуда ҳам мўрт фикр бўлиб қолиши мумкин. Натижада бирор шаҳар, майдон ё қишлоқдан ҳар қандай кимса чиқиб, ўзини халифа, деб эълон қилавериши, одамлар унга нисбатан яхши гумонда бўлиб, атрофига йиғилиши мумкин. Ана шунда Халифаликнинг соддадил кишилар қалбидаги аҳамияти, буюклиги йўқолади, унинг ҳар қандай киши ҳеч мазмун-моҳиятисиз гапираверадиган чиройли номи қолади, холос… Обдан ўйланиб кўриш шарт бўлган нарса мана шу. Хусусан, унинг шартлиги шундаки, бугун аввалгига нисбатан Халифалик барпо этилишига оз қолди, мусулмонлар унинг барпо этилишини сабр-тоқат билан кутмоқдалар. Улар Ҳизб ут-Таҳрирни бу йўлда Росулуллоҳ саллоллаҳу алайҳи ва салламнинг Мадинаи Мунавварада давлатни барпо этишдаги тариқатларини маҳкам ушлаган Ҳизб деб билмоқдалар… Шу билан бирга, улар Ҳизб билан Ҳизбни ўз бағрига олган Уммат ўртасидаги жонли таъсирли алоқа вужудга келганини ҳам кўриб турибдилар. Мусулмонлар ушбу таъсирли алоқадан исломий биродарликни англаб етмоқдалар ва Ҳизбнинг Халифалик барпо этишга муваффақ бўлади, ишларни яхши бошқаради, албатта Пайғамбарлик минҳожи асосида Халифалик бўлади, дея яхши умидда турибдилар. Мана шундай бир пайтда бу эълон чиқиб, ушбу содда одамлар зеҳнларидаги Халифаликни хиралаштириб кўрсатмоқда, балки айтиш мумкинки, унинг воқеини қора қилиб кўрсатаётган бўлиши ҳам мумкин…

  Бизнинг Қирғизистон МХДҚ айтадиган сўзимиз, Пайғамбаримиз Муҳаммад саллоллаҳу алайҳи ва салламнинг, “Агар уялмасанг, билганингни қил!”, деганларидан иборат (Имом Бухорий ривояти).

 Ҳизб ут-Таҳрирнинг Қирғизистондаги матбуот бўлими