Қирғизистон ҳукумати ўз ҳокимиятига “хавф солиши” мумкин бўлган “ашаддий жиноятчи”ларга қарши курашини 2014 йилга келиб янада кучайтирди. Бу курашда расмий ҳукумат ўзига рақиб сифатида ожиза муслима аёлларни танлади.
Дастлаб, расмий ҳукумат Жалолобод вилоятида туғилган ва Бишкек шаҳрида яшаб келган 1960 йилнинг 16 ноябрида туғилган, иккинчи гуруҳ ногирони бўлган Қипчакбоева Сайрахон Кенжетаевнани 2014 йилнинг 27 март куни Бишкек шаҳар Биринчи май туман судига чақиртирди ва суд қарори билан Бишкек шаҳридаги 1 сонли вақтинчалик сақлаш ҳибсхонасига ташлади. Кейинчалик, 2014 йилнинг 10 сентябр куни бўлиб ўтган суд мажлисида Биринчи май туман суди Қипчақбоева Сайрахонни Қирғизистон жиноят кодексининг 299 – (этник, диний ва миллатлараро низо келтириб чиқаришга уриниш) моддаси билан айбдор деб топиб, саккиз йилга озодликдан маҳрум этди. Мазкур суд ишида Қипчақбоева билан биргаликда яна бир “ҳукуматга жиддий хавф туғдириши мумкин бўлган” 1986 йилнинг 17 мартида Норин вилоятида туғилган, оилали, икки ёш фарзандни онаси Ўрозбекова Гулзина Қочқиновнанинг ҳам иши кўриб чиқилди. Ўрозбекова Гулзина биринчи маротаба судланаётгани, қарамоғида икки нафар ёш боласи борлиги эътиборга олиниб, уч йил муддатга шартли равишда озодликдан маҳрум этиш жазоси белгиланиб, бир йиллик синов муддати тайинланди.
Қипчакбоева Сайрахондан сўнг расмий ҳукумат Омонова Зулфияни ҳам қамоққа олди. Қарйиб икки ой қамоқда сақлагандан сўнг, Зулфияга нисбатан эҳтиёт чораси 20 май куни уй қамоғига алмаштирилди ва кейинчалик бўлиб ўтган бир нечта судларда Зулфия Омоновани айби исботланмаган бўлсада, 50 минг сом жарима солиб озодликка чиқарилди.
Бундан ташқари, Миллий хавфсизлик давлат қўмитаси ходимлари томонидан 2014 йилнинг 1 апрел куни 1976 йил 5 март куни Жалолобод шаҳрида туғилган Тўхтабоева Жумазиё Суютбековнанинг Бишкек шаҳридаги яшаб турган хонадонида тинтув ўтказилган ва тинтув вақтида унинг уйидан Ҳизб ут-Таҳрирга тегишли бўлган адабиётлар топилгани учун Қирғизистон жиноят кодексининг 299 – (этник, диний ва миллатлараро низо келтириб чиқаришга уриниш) моддаси бўйича айблаб қамоққа олган эди. Кейинчалик 2014 йил 24 июн куни Биринчи май туман суди Тўхтабоева Жумазиёни 4 йилга озодликдан маҳрум этиш жазоси тайинланди.
Ўз курашини янада кучайтиришга қарор қилган расмий ҳукуматнинг куч органлари 2014 йилнинг 30 сентябр куни Жалолобод вилоятининг Тошкўмир шаҳрида “антитеррор” амалиёти доирасида бир нечта хонадонларда тинтув ишларини ўтказди. Бу амалиётлар натижасида 20 ёшдан 25 ёшгача бўлган 7 нафар аёл Ҳизб ут-Таҳрир ташкилотига аъзоликда гумонланиб қўлга олинди ва уларга нисбатан жиноий иш қўзғатилди.
Ислом ва мусулмонларга қарши курашиш учун ўз хожаларидан олаётган пулларни оқлаш ва мавжуд бўлмаган хавфни бўртириб кўрсатиб, улардан янада кўпроқ пул ундириш мақсадида ҳамда нафақат эр, ака-ука ёки оталар, балки барча мусулмонлар томонидан номус сифатида сақланиши вожиб бўлган ожиза аёлларга қарши олиб бораётган таъқибларига ҳеч қандай салбий муносабат билдирилмаётганидан руҳланган расмий ҳукумат куч органлари томонидан 2014 йилнинг 18 ноябр куни пойтахт Бишкек шаҳри ва Чуй вилоятида Ҳизб ут-Таҳрир ташкилотига аъзоликда гумон қилинган бир нечта ожиза аёллар уйида тинтув ўтказилди. Бу тинтув ва қўлга олиш амалиётни ИИВ 10-бўлими ва МХДҚ ходимлари ҳамкорликда амалга оширди.
ИИВ матбуот хизматининг хабар қилишича, Ўш вилояти Аравон туманининг Манғит қишлоғида туғилган, айни вақтда Бишкек шаҳрида яшовчи 1989 йилда туғилган К.Б нинг уйидан катта миқдорда Ҳизб ут-Таҳрига тегишли адабиётлар топилган.
Яна бошқа бир муслима, 1988 йилда Норин вилоятининг Ак-Талин туманида туғилган ва Бишкек шаҳрида яшаб, мактаб-гимназияда ўқитувчилик қилувчи Ж.Анинг уйида олиб борилган тинтув натижасида ҳам “таъқиқланган адабиётлар” борлиги аниқланган.
Чуй вилояти Иссиқота туманида яшовчи, 1987 йили Иссиқкўл вилояти Туп туманининг Ичке-Суу қишлоғида туғилган Ж.Знинг уйида олиб борилган тинтув мобайнида “диний-экстремистик” мазмундаги китоблар, нетбук, ён дафтар ва ноутбук топилган.
Бишкек шаҳар Жал кичик туманида яшовчи 1987 йилда туғилган К.Жнинг уйидан ҳам айни мазмундаги адабиётлар топилган.
Қирғизистонни Божхона иттифоқи ва Евроосиё иқтисодий ташкилотига аъзо бўлиши учун қаттиқ босим ўтказаётган Россия ҳукумати ўз навбатида Атамбоевдан Ислом ва мусулмонларга қарши курашни кучайтиришни ҳам талаб қилмоқда. Россия Ислом ва мусулмонларга қарши курашиш учун қандай йўл тутаётган бўлса, Қирғизистон ҳукумати ҳам унга қадамма-қадам эргашмоқда ва дўст киму, душман кимлигини фарқига бормай ожиза аёллардан ўзи учун “хатар” пайдо қилиб, шу йўл орқали ўз хожасини рози қилишга интилиб келяпти.
Абдураҳмон Одилов
Ҳизб ут-Таҳрирнинг Қирғизистондаги матбуот бўлими аъзоси
20 ноябр 2014 йил