Европада хавфсизлик ва ҳамкорлик ташкилотининг Украинада назорат олиб бораётган кузатувчилари Россиядан Украинага кириб келаётган юк машиналарида миномётлар ва ракета тизимлари борлигини аниқлаганлиги ҳақида хабар қилди.
Ташкилот тарафидан чиқарилган баёнотда айтилишича, назорат олиб бораётган гуруҳ вакиллари россияпараст айирмачилар назорати остидаги Донецк минтақасида 34та юк машинаси устидан текширув ўтказган. Текширув чоғида юк машиналардан 19 тасида миномётлар ва ракета тизимлари борлигини аниқлаган.
Донецкнинг 15 км шарқида жойлашган Свердлов минтақасида кетаётган юк машиналари орасидаги 5та фургон ичида ракета мосламалари ва яна иккита машинада эса ўқ-дори қутилари топилганлиги билдирилмоқда. Шунингдек, Донецнинг 41 км шарқида жойлашган Зугрэс шаҳри яқинида кетаётган 12та юк машина ичида 122 миллиметрлик минамиётлар борлиги аниқланган.
Ўт очишни тўхтатиш қарорини ўз ичига олган Минск протоколи ва меморендуми бўлишига қарамай, Украина шарқида давлат армияси ва россияпараст айирмачилар ўртасида жанглар давом этмоқда.
Европада хавфсизлик ва ҳамкорлик ташкилотининг доимий кенгаши Украина шарқидаги россияпараст айирмачилар Россия тарафидан қурол яроқ билан дастакланиб келаётганлигини даъво қилиб, Россия-Украина чегарасини назоарт остига олиш мақсадида махсус кузатувчилар миссиясини ташкил қилишга қарор қилган эди.
АҚШ Давлат департаменти вакли Жен Псаки Вашингтонда Россиянинг айримачиларга танклар ва бошқа оғир ҳарбий техникаларни етказиб бераётганидан норозилик билдирди. Псакининг билдиришича, Европада хавфсизлик ва ҳамкорлик ташкилотининг кузатувчилари россияпараст айирмачилар томонидан назорат қилинаётган Донецк вилояти ҳудудида оғир танклар жамланаётганига гувоҳ бўлган. Псаки Россия ҳукуматини Украина шарқидаги россияпараст айирмачиларга қурол яроқ етказиб бериш орқали ёнаётган оловга ёғ сепишликда айблади.
