Босқинчи Хитой ҳукумати Шарқий Туркистоннинг пойтахти Урумчи шаҳридаги маҳаллий мусулмонларни турли баҳоналар билан кўчиб кетишга мажбур қилмоқда. Агар улар қабул қилишмаса Исроил услубини қўллаб, бульдозерлар билан уйларини бузиб, ўзларини қамоққа тиқяпти.
Исмини ошкор қилишни истамаган урумчилик бир мусулмоннинг билдиришича, Хитой ҳукумати 2009 йил 5 июлда амалга оширган қатлиомдан сўнг Урумчи шаҳрини мусулмонлардан тозалаш сиёсатини мунтазам равишда давом эттирмоқда. Бу ишни амалга ошириш учун турли баҳоналарни тўқиб чиқариш одат тусига айланган.
Мусулмонларнинг уйлари бузиб ташланар экан, уй жиҳозларини сотадиган ва таъмирчилик билан шуғулланадиган кичик дўконлар ҳам бундан омон қолмаяпти. Гувоҳларнинг билдиришича, ҳатто дўконлардаги товарларни олишга ҳам рухсат берилмаяпти. Мулк эгаларининг норозилиги ва қаршилигига қарамай, ахлат ташувчи мошиналар юз минглаган юанга тўғри келадиган дўконлардаги ашёларни ахлатга олиб кетишмоқда.
“Дўконлар ва иш жойларига ҳар кун полициялар келиб турли сўровлар ўтказишади ва ўзларини террорга алоқадор қилиб кўрсатишга уриниб таҳдидлар қилади. Ундан сўнгра молия ва налог идорасидан одамлар келишади. Олди-сотди ҳисобларини текшириб, налогдан қочиш учун пул миқдорини яширганлик ва ноқонуний ташқи тижорат билан шуғулланганлигини даъво қилади. Бунин жазоси учун мусулмонлар тўлай олмайдиган катта пулни уларнинг бўйнига илиб қўйишади. Яна бир неча кундан кейин келишиб агар дўконларини бекитиб Урумчидан кўчиб кетишни қабул қилишса жазодан қутилишини айтишади. Мусулмонлар ҳам умр бўйи тўлай олмайдиган жаримадан қутилиш учун дўконларини бекитиб Урумчидан кетишга мажбур бўлишади”, дея ҳикоя қилади мусулмон тадбиркорлардан бири.
