Буюк Британия бош вазири Дэвид Кэмирон НАТОга аъзо давлатлар раҳбарлари ҳамда НАТО бош котиби Андрес фог Расмуссенга йўллаган мактубида, Шимолий альянсни Россия томонидан бўлиши мумкин бўлган ҳарбий таҳдиддан огоҳлантирди ва альянс раҳбариятини Россия билан муносабатларини қайта кўриб чиқишга чақирди.
Кэмерон ўз мактубида, Қримни Россия таркибига қўшиб олинишини танқид қилиб, расмий Москвани Украина шарқида жанг олиб бораётган исёнчиларни қурол-яроқ билан таъминлашда айблади. Бундан ташқари, Кэмерон Донецк вилоятида Малайзияга қарашли “Боинг” самолёти учраган авиаҳалокатга нисбатан Кремл томонидан бўлган муносабатдан норозилигини изҳор қилди.
“Олти ойдан буён давом этаётган Россия-Украина инқирозида ҳар қандай таҳдидларга тезкор жавоб бера олиш имкониятимизни кучайтириш, ўз хавфсизликларидан хавотирга тушаётган иттифоқчиларимизни тинчлантириш ҳамда Россия томонидан вужудга келиши мумкин бўлган ҳар қандай зўровонликларни тўхтатиб қолиш учун бизлар узоқ муддатли чораларни келишиб олишимиз зарур”, – деб ёзди Кэмерон.
Қўлланилиши мумкин бўлган эҳтимолий чоралар сифатида Британия бош вазири НАТО раҳбариятига, ҳарбий ўқув машғулотларини янги жадвалини кўриб чиқиш, янги инфраструктура иншоотларини қуриш ҳамда НАТО тезкор кучларидаги ҳарбийлар сонини 25 мингтага қадар кўпайтиришни таклиф қилди.
Туркистон:
АҚШ Россияни жуда катта вахимали ва тажоввузкор душман қилиб кўрсатишга қаттиқ харакат олиб бормоқда.
Мақсади: – Европани унинг таъсири остидан мутлоқ халос қилиб олиш. Асосан табиий газга бўлган боғликлик Европадаги Россиянинг барча таъсир қувватининг асоси бўлган. Шунинг учун АҚШ ЕИга Россиядан келаётган табиий газнинг ўрнини босиши мумкин бўлган сланс газини таклиф қилмоқда. Бу режаларини амалга оширишда АҚШ, дунё етакчилигига қаттиқ харакат олиб бораётган Германия давлатидан яхши фойдаланиб келмоқда. Хозирда Германиянинг мавқеъи жуда тез суратда ошиб бораётганидан, уни ЕИ давлатлари лидери бўлиб олди десак хам муболаға бўлмайди. Украина эса, шу мақсадга олиб борувчи бир бахона ёки қурбонлик бўлди десак хам бўлаверади. Чунки Россия Украинани тўла топшириш билан Ғарб чангалидан тўла қутила олмаслигини, аксинча баттар бўлишини, яъни навбатда ўзининг федерацияларга бўлиб юбориш аперацияси бошланишини билади. Шунинг учун у хохламаса хам АҚШнинг реъжасига мутаносиб харакатланишга мажбур. У Украина масаласида бир четда қараб тура олмайди. Демак Украина хам Қрим хам тинчимайди. Чунки уларнинг ечими халқаро сиёсатдаги катта давлатлар ўрталаридаги бошқа келишмовчиликларга бориб тақалади.
