Обама: Исроил ўзини ҳимоя қилишга ҳаққи бор

 Телефон орқали Исроил бош вазири Бенямин Нетаняҳу билан сўзлашган АҚШ президенти Барак Обама Исроилнинг Ғазога қилган ҳужумини оқлаб, Исроил давлати ўзини ҳимоя қилишга ҳаққи борлигини урғулади. Обама Исроилга қарата отилган ракеталарни танқид остига олар экан, Ғазода минглаган уйларни вайрон қилиб, юзлаган одамларнинг ўлимига сабаб бўлган Исроил ракеталари “ўзини ҳимоя қилиш” эканлигини билдирди.

“Оқденгиз-Европа” нисон ҳуқуқлари ташкилоти тарафидан очиқланишича, Исроил тарафидан отилган 2061 дона ракета 400дан ортиқ мусулмонларнинг яшаш жойларини вайрон қилиб, юздан ортиқ бегуноҳ инсонларнинг ўлимига сабаб бўлган. Аммо хабарларга кўра, Ҳамас тарафидан Исроилга атиги 12 дона ракета отилган бўлса, ундан 8 донасини “Темир гумбаз” ҳимоя тизими орқали зарарсиз ҳолга келтирилган.

Шунингдек, Обама Ғарбий қирғоқда ўлик ҳолда топилган уч яҳудий боланинг оила аъзоларига таъзия билдирар экан, Исроил тарафидан отилган ракеталар туфайли Ғазода юздан ортиқ мусулмонларнинг ўлдирилиши ҳақида сукут сақлашни афзал билди.

Обама орадаги қаршилик ортиб бориши хатарли оқибатларга сабаб бўлишини  билдириб, АҚШ ҳукумати тарафлар ўртасидаги душманликни бартараф қилиш учун ёрдам қилишга тайёр эканлигини маълум қилди.

Исроил бош вазири Бенямин Нетаняҳу Ғазога уюштирилаётган ҳужумлар ҳақида матбуот анжумани ташкил қилиб, Исроил ҳукумати халқаро ҳамжамиятнинг ҳужумларга қарши босимини эътиборга олмаслигини билдирди.

“Бир қанча давлатларнинг президентлари билан гаплашдим. Барак Обама, Ангела Меркел ва Франсуа Ҳолланд билан гаплашиб, ҳаммасига шундай дедим: ҳеч қандай давлат ўз фуқаролари устига ракета отилар экан, индамай қараб ўтирмайди. Бизни нишонга олганларга кучлироқ шаклда зарба беришда давом этамиз. Ҳеч бир ҳалқаро босим бизни тўхтата олмайди. Ҳарбий амалиётларни давом эттираверамиз. Мудофаа тизимимиз ишончлидир ва уни янада ривожлантирамиз. Ғазодаги ўлганлар ва барча зарарларга Ҳамас жавобгардир”, деди Исроил бош вазири.

Нетаняҳу исроил армиясига ҳам мурожаат қилди.

“Ватандошларимизни ҳимоя қилиш учун қўлимиздан келган ишни қиламиз. Давлат бошчиси сифатида сизлар билан фахрланаман. Қўрқманг, саросимага тушманг, сизлар билан фахрланаман. Барча вариантларни кўриб чиқамиз. Мақсадимиз ватандошларимизни ҳимоя қилиш ва минтақа хавфсизлигини сақлашдир”, деди у аскарларга қарата.