Президент Путин мулоқот чоғида таъкидлашича, Украинада куч ишлатишни ва жанговор ҳаракатларни тўхтатиб, тарафлар ўртасида очиқ музокараларни бошлаш зарур. Путинга кўра, тарафлар ўртасида музокараларни бошлаш Украинанинг жанубий шарқидаги минтақаларда вазиятни тинчлантириш учун биринчи даражадаги ишдир.
Шунингдек, Путин инсоний муаммоларни дарҳол ҳал қилиш муҳим эканлигига, жумладан тўқнашувда зарар кўрган тинч фуқароларга зудлик билан ёрдам кўрсатиш зарур эканлигига ишора қилди.
Владримир Путин АҚШ президенти Барак Обама билан бошқа масалалар ҳақида ҳам фикр алмашар экан, террорчи (Исломий) гуруҳларнинг фаолиятидан ўта хавотирда эканлигини билдирди. Россия президенти мамлакатда “тинчлик” ва “хавфсизлик”ни таъминлаш учун террорчи (исломий) гуруҳларга қарши курашда бор кучини сарф қилаётган Ироқ ҳукуматини қўллаб қувватлашини қайд этди.
Эроннинг ядровий дастури устида ҳам мунозара олиб борган икки раҳбар кимёвий қуроллар захирасини йўқ қилиш каби Суриядаги вазиятга ҳам тўхталишди