Россия ташқи ишлар вазирлиги матбуот хизматининг хабар қилишича, Россия ташқи ишлар вазири Сергей Лавров ва АҚШ давлат котиби Жон Керри телефон орқали сўзлашувларида Европада хавфсизлик ва ҳамкорлик ташкилоти (ЕХҲТ)нинг Украина инқирозини хал этиш бўйича 2014 йил 17 апрел куни Женевада бўлиб ўтган учрашувда тайёрланган “йўл харитаси”нинг бажариш бўйича кўрсатаётган сайи-ҳаракатларини қўллаб-қувватлашларини маълум қилишди.
Хабарда айтилишича, суҳбат мобайнида асосий эътибор Украинадаги кучли ички инқирозини хал этишда халқаро ёрдам кўрсатиш масаласига қаратилган.
Сергей Лавров Украина жанубий шарқида расмий Киев томонидан амалга оширилаётган ҳарбий амалиётлар тезроқ тўхтатиш, ўт очишни тўхтатиш шартларини келишиш, гуманитар ёрдам муаммоларини хал этиш ва Украина келажагини тузиш тўғрисидаги умумхалқ диалогини йўлга қўйиш зарурлигини таъкидлаб ўтди. Ушбу йўналишларда ўзаро курашаётган томонларни тўғридан-тўғри музокаралар бошлаш зарурлигига эътибор қаратилди.
