Ҳарбий инқилобга қарши Мисрнинг бир қанча шаҳарларида уюштирилган намойишларда 29 киши қамоққа олинди. Улар “Мусулмон биродарлар” жамоасига мансубликда айбланмоқда. Миср ички ишлар вазирлигидан берилган ёзма баёнотда маълум қилинишича, хавфсизлик кучлари Қоҳира, Ғиза, Искандария, Сувайш, ва Шарқия шаҳарларида “террор гуруҳи”, дея ман этилган “Мусулмон биродарлар” жамоасининг аъзолари таъқиб қилиниб, улардан 29 киши қамоққа олинган.
Қоҳира, Искандария, Димят, Аш-Шарқия, Калюбия, Кафер Шайх, Ғарбийя, Сувайш, Порт Саид, Бани Сувайф, ва Миня шаҳарларида, “Миср эгасиз эмас” номи билан ташкил қилинган намойишларда Миллий иттифоққа қарата Ҳарбий инқилобни рад этиш ва қонуний ҳукуматни дастаклаш чақириқлари янгради.
Мисрда 2013 йил 3 июлда бўлиб ўтган ҳарбий тўнтаришдан бугунги кунга қадар давлат хавфсизлик кучлари тарафидан “Мусулмон биродарлар” жамоасининг раҳбарлари ва аъзоларини терроризмда айблаб, қамоққа олиш амалиётлари давом этиб келмоқда.
Туркистон:
Ислом душманлари Тунисда, Ливияда ва Яманда бўлгани каби Мисрда ҳам уммат қўзғолонини ҳақиқий мақсадидан буриб юборишга йўл топа олди. Бу эса барча мусулмонлар учун аламлидир.
Мисрда “Мусулмон биродарлар” жамоасини ҳокимиятга тортишдан мақсад Исломга зарба бериш ва уни давлат бошқарувига яроқсиз қилиб кўрсатиш ҳамда Ислом аҳкомларини ҳаётга қайтаришга чақираётган мусулмонларни бўғиб ташлаш эди. Яъни “бугунги кунда Ислом бошқаришга ярамайди”, “Исломий ҳаракатлар давлат бошқарувига нолойиқдир”, “улар давлат тепасига келса мана шундай тартибсизликлар давом этаверади”, “сиёсий Исломнинг даври битган”, деган тасаввурни уммат онгига сингдириш эди. Бу эса ҳақиқатдан чалғитиш ва адаштиришдир, адаштириш бўлганда ҳам жуда қаттиқ адаштиришдир.
Қўзғолон ортидан бу юртда ҳақиқий ўзгариш юзага келишига йўл қўймаслик, Исломни хунук кўрсатиш ва уни бошқарувдан ожиз қилиб кўрсатиш учун Ислом душманлари “Мусулмон биродарлар” жамоасини ҳокимиятга тортиш орқали ушбу режани тузишди. Афсуски Ихвон бу ўйинга кирди. Натижада Ихвон аъзоси бўлган президент бошчилигида Мисрда аламли манзара вужудга келди.
