مِنْ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا
Мўминлардан Аллоҳга берган ваъдаларига содиқ қолган кишилар бордир. Бас, улардан баъзилари ажалини топди. Баъзилари эса, интизор бўлиб турибди. Улар бирор нарсани алмаштирмадилар.
Муборак Шом ерларида Халифалик давлатини тиклаш йўлида уқоб байроғини тик кўтарган Адҳам Диёб Абу Қусай шаҳидлик шарафига муяссар бўлди, инша Аллоҳ. У даъватни кўтариб чиқишдек улкан вазифани адо этаётган чоғида қонхўр Асаднинг ваҳший аскарлари томонидан уюштирилган ҳужум оқибатида ҳаётдан кўз юмди.
Адҳам (Аллоҳ раҳматига олсин) маломатчининг маломатидан қўрқмасдан ҳақни баралла айтар ва ўзи шунга амал қиларди. Дамашқдаги университетлардан бирида жиноятчи Асад режимига қарши турган биринчи йигитлардан эди. У инсонлар ва жамоалар билан муттасил боғланиб Жинева1 ва Жинева2 конференцияларини ҳамда мустамлакачи кофирлар ва уларнинг малайлари лойиҳаларини рад қилишга ундарди. АҚШ, Россия ва европанинг ечимларини тиқиштираётган кимсалардан узоқ туришга чақирарди.
Адҳам Парвардигорига йўлиқишидан аввал Исломий ҳаётни қайта бошлаш учун сидқи дилдан фаолият қилди. Аллоҳнинг зикри унинг тилидан тушмас, “Аллоҳдан бошқага эгилмаймиз”, дея ҳайқирарди. Буларнинг барчаси Аллоҳ Таолонинг
وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمْ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَنْ كَفَرَ بَعْدَ ذَلِكَ فَأُوْلَئِكَ هُمْ الْفَاسِقُونَ
Аллоҳ сизлардан иймон келтириб, солиҳ амалларни қилганларга уларни ер юзида худди улардан олдин ўтганларни халифа қилганидек халифа қилишни, улар учун Ўзи рози бўлган динни мустаҳкамлашни ва уларнинг хавф-хатарларидан сўнг омонликни бадал қилиб беришни ваъда қилди. Менгагина ибодат қилурлар ва Менга ҳеч нарсани ширк келтирмаслар. Шундан кейин ҳам ким куфр келтирса, бас, ана ўшалар, ўзлари фосиқлардир.
деган ваъдасига бўлган ишончидан дарак берарди.
Эй паҳлавон, Аллоҳ сени раҳматига олсин. Сенинг Шарқий Ғутадаги даъватинг инсонлар ҳақни ботилдан ажратиб олишлари учун Шом қўзғолонини ёритган нур бўлди. Аллоҳ мақомингни улуғ қилсин. Оила аъзоларинга ва дўстларинга сабр тилаймиз. Аллоҳ Таолодан бизни сен билан, сени эса яхши кўрган кишиларинг билан Наим Жаннатида бирга қилишни сўраймиз. Сендан ажралиб қолганимиз учун қалбларимиз ғамларга тўлди. Биз фақатгина Аллоҳни рози қиладиган сўзни айтиб қоламиз:
إِنَّا لِلَّهِ وَإِنَّا إِلَيْهِ رَاجِعُونَ
