Матбуот баёноти
«Умид ҳукумати» жунайҳ қийматининг қулаши натижасида халқ ҳаёти учун даҳшатли тушга айланмоқда!
Комил Идрис бош вазирликка қасамёд келтирганидан сўнг қилган нутқида «бизнинг шиоримиз умид, миссиямиз ҳар бир суданлик фуқарони хавфсизлик, фаровонлик ва осуда ҳаёт билан таъминлаш», деди. Ўзининг илк матбуот баёнотида эса, ҳар бир суданликнинг муносиб ҳаётга эришиши йўлида вақтини ҳам, куч-ғайратини ҳам аямаслигини таъкидлади.
Мана, биз учинчи ойга кирдик, лекин ҳозиргача унинг «Умид ҳукумати» тўлиқ шаклланмади. Одамларга ваъда қилинган «умид» эса уларнинг ҳаловатини бузувчи қўрқинчли тушга айланди. Бу ҳолат Судан жунайҳининг бошқа валюталар, айниқса долларга нисбатан қулаши билан бошланди. Қора бозорда 1 доллар 3000 Судан жунайҳидан ошиб кетди.
Маҳаллий валютанинг қадрсизланиши ёнилғи ва асосий озиқ-овқат маҳсулотлари нархининг кескин ошишига олиб келди. Бу эса уруш ва унинг оқибатлари сабабли аллақачон тангликда яшаб келаётган халқ ҳаётини янада оғирлаштирди. Аммо бундай ҳалокатли вазиятда молия вазири қоринни тўйдирмайдиган, очликдан асрай олмайдиган қуруқ ваъдалар ва фойдасиз тасаллилар билан кифояланмоқда!
Биз, Ҳизб ут-Таҳрир – Судан вилояти аъзолари халқ бошига тушаётган бу танглик ва зулм ҳолати олдида қуйидаги ҳақиқатларни очиқ баён қиламиз:
Биринчидан:
Бу ҳалокатли иқтисодий вазиятга олиб келган ва ҳануз олиб келаётган асосий сабаблар қуйидагилардан иборат:
а) Валюта алмаштириш шиори остида, ҳеч қандай қопламасиз қоғоз пуллар босилди. Сўнгра ушбу алмаштириш жараёни Жазира, Хартум ва бошқа вилоятларда тўлиқ амалга оширилди.
б) Маълум бўлишича, алмаштирилган эски пуллардан бир қисми бозорга сизиб кирган ва яна муомалага киритилган. Бу эса пулнинг харид қуввати пасайишини янада кучайтирмоқда.
в) Урушнинг давом этиши ва унинг ортиб бораётган харажатлари, шунингдек, Текзор Қўллаб-қувватлаш кучларининг жиноятлари, яъни пул босиш типографияларини вайрон қилиш, уларни ўғирлаш ва маҳаллий валютага нисбатан кенг кўламли қалбакилаштириш ишлари.
Иккинчидан:
Шариат пул муомала воситаси сифатида олтин ва кумушни белгилаган. Чунки улар ўз қийматига эга бўлган моддалар бўлиб, алмашинув курсини барқарор сақлаш хусусиятига эгадир. Аммо ҳукумат олтин билан қопланмаган қоғоз пулларни босиш, сўнг Халқаро Валюта Фонди ва Жаҳон Банкининг буйруқларига бўйсуниш ҳамда «валютани эркинлаштириш» сиёсатини қабул қилиш орқали кофир мустамлакачи Ғарб сиёсатларига эргашди. Натижада, валютамиз ҳар куни долларга нисбатан қулаб бормоқда. Ҳолбуки, долларнинг қиймати фақат қоғоз ва уни босиш харажатидан иборат, холос. Ҳукуматнинг мана шу сиёсатларга эргашиши, мамлакатимиз очиқ ва яширин бойликларга тўла бўлишига қарамай, бизни шундай даҳшатли инқирозга олиб келди.
Учинчидан:
Шариат қатъий ман этган бўлса-да, биз мустамлакачи кофирга устимиздан ҳукмронлик ва устунлик йўлини очиб бердик. Аллоҳ Таоло бундай деган:
﴿وَلَن يَجۡعَلَ ٱللَّهُ لِلۡكَٰفِرِينَ عَلَى ٱلۡمُؤۡمِنِينَ سَبِيلًا﴾
«Аллоҳ ҳаргиз кофирлар учун мўминлар устига йўл бермагай» [Нисо 141]
Мана, кофирлар тинчлик анжуманлари, деб аталадиган сохта йиғилишлар орқали ишларимизга очиқ аралашишяпти, зотан, Судан жануби айнан шу анжуманлар орқали бўлиб ташланган эди. Энди эса шу ой охирида Вашингтонда анжуман ўтказиш учун тарғибот ва тайёргарлик ишлари олиб борилмоқда. Бизни энг кўп хавотирга солаётган нарса, афтидан, бу иқтисодий танглик деган нарса қасддан қилинаётган кўринади. Мақсадлари, айни анжуманнинг натижаси ўлароқ, Дарфур минтақасини ҳам Судандан бўлишга қаратилган хатарли қарорларга халқни кўндирувчи муҳит тайёрлашдир.
Хулоса қилиб айтганда, биз Судандаги азиз халқимизга бундай мурожаат қиламиз: бу оғир тангликни ҳам, мустамлакачи кофирларнинг ўз малайлари орқали ҳаётимизга қилаётган аралашларини ҳам, барчасини Пайғамбарлик минҳожи асосидаги рошид Халифаликдан ўзга ҳеч қайси тузум тўхтата олмайди. Шундай экан, рошид Халифаликни барпо этиш учун сиз ҳам ўз аҳлини асло алдамайдиган ҳақиқий етакчи – Ҳизб ут-Таҳрир билан бир сафда ҳаракат қилинг!
﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡ﴾
«Эй мўминлар, Аллоҳ ва Унинг Пайғамбари сизни абадий ҳаёт берадиган нарсага даъват қилар экан, уни қабул қилинглар» [Анфол 24]
Иброҳим Усмон (Абу Халил)
Ҳизб ут-Таҳрирнинг Судан
вилоятидаги расмий нотиғи
