Эмланмаган болалар мактабга қабул қилинмайди! ўқувчиларнинг конституциявий ҳуқуқи қаерда қолди?
Эмланмаган болалар мактаб рўйхатига олинмайди. Бу ҳақда Қирғизистон Республикаси таълим ва фан вазирининг ўринбосари Лира Самикбоева маълум қилди.
Унинг таъкидлашича, 15 августдан сўнг ота-оналар фарзандларининг умумий профилактик кўрикдан ўтказилганлиги ва эмланганлик ҳақидаги маълумотномаларни мактабга олиб келишлари керак. Қарорга кўра, эмланмаган болалар мактабга қабул қилинмайди.
Изоҳ:
Қирғизистон Конституциясининг 46-моддасида қуйидаги бандлар мавжуд:
- Ҳар бир киши билим олиш ҳуқуқига эга.
- Асосий умумий таълим мажбурийдир.
- Ҳар бир киши давлат таълим муассасаларида бошланғич таълимни, умумий асосий, ўрта умумий ва бошланғич касб-ҳунар таълимини бепул олиш ҳуқуқига эга.
- Давлат бошланғич таълимдан тортиб ўрта умумий таълим муассасаларигача ҳар бир фуқаронинг расмий давлат тили ва бошқа чет тилларини ўқиб-ўрганиши учун шарт-шароитлар яратади.
Қирғизистон Конституциясида шундай бандлар мавжуд бўлишига қарамай, аҳолисининг 89 фоизи мусулмонлардан иборат бўлган мамлакатда минглаб, балки ўн минглаб талабалар таълим олиш ҳуқуқидан маҳрум бўлиш арафасида турибди. Бундан ташқари, мамлакатдаги вакциналарнинг зарарсизлигини аниқлаш алоҳида бир масала. Зеро, мамлакатимизда турли эмлаш кампаниялари пайтида фуқароларнинг вафот этиши ёки оғир аҳволда касалхонага ётқизилиши ҳолатлари кўп учрайди. Масалан, бундан аввал Ала-Буқада эмланган аскарларнинг ярмидан кўпи касалхонага ётқизилган эди. Боткен шаҳридаги 3 умумтаълим мактабининг 5 синф ўқувчилари ҳам эмланиши ортидан 10 нафар бола оғир аҳволда шифохонага ётқизилган.
Мусулмонлар эмлаш ҳаром бўлгани учун эмас, балки бу вакциналарнинг таркиби шубҳали ва зарарли эканлиги учун рад этишади. Ҳукумат фуқароларнинг шубҳаларини аритиш ўрнига, турли чекловлар ва тақиқлар орқали одамларни вакцина олишга мажбурламоқда. Аслида эса, ҳукумат одамларнинг шубҳаларини аритиш учун вакцина таркибини ўрганиб, унда инсон саломатлиги ва ҳаёти учун хавфли қўшимчалар йўқлигини аниқлаши керак эди. Бироқ, бизда капиталистик ширкатлар томонидан ишлаб чиқарилган вакциналарнинг таркибини текширадиган лабораториялар йўқ. Лабораториялар бўлган тақдирда ҳам Қирғизистонга ўхшаган кичик давлатларга уларни текшириш ҳуқуқи берилмаган. Бундан ташқари, капиталистик фармацевтика ширкатлари вакциналарни азалдан ўзларининг фойдали бизнесига айлантириб олганлари сир эмас. Сўнгги йилларда миллиардерлар қаторига қўшилган тадбиркорларнинг аксарияти фармацевтика, айниқса, вакцина ишлаб чиқарувчи корхоналар эгалари экани ҳам буни тасдиқлайди. Бинобарин, таълим ва фан вазирлигининг ўқувчиларни мажбурий эмлаш йўлидаги ҳаракатлари ана шу капиталистик ширкатларнинг манфаати ва халқаро ташкилотларнинг талаби эканлигини инкор этиб бўлмайди!
Нурдин Асаналиев
