بِسْمِ اللهِ الرَّحْمٰنِ الرَّحِيمِ
Германия билан Ғарб юртимиздан нима истайди?!
Устоз Назир Муҳаммадҳусайн (Абу Минҳож)
Ҳизб ут-Таҳрирнинг Судан вилоятидаги
алоқалар қўмитаси раиси (Кордофан-Судан)
Кoрдофаннинг уч вилоятидаги фуқаролик маъмуриятлари иштирок этган семинар 2022 йил 18 сентябр чоршанба куни ниҳоясига етди. Семинарни Германия ҳукумати молиялаштирди ва Хартумдаги элчихонаси орқали қўллаб-қувватлади. 2022 йил 24 сентябр шанба куни Кордофан ахборот тармоғида нашр қилинган хабарда бундай дейилади: «Судан Республикасида ер ва минерал ресурслардан фойдаланиш ҳамда ваколат ва имтиёзларни тақсимлаш бўйича конституциявий жараённи қўллаб-қувватлаш билан боғлиқ семинар бошланди. Семинар Германия Федератив Республикасининг Хартумдаги элчихонаси кўмагида вa Германия ҳукумати томонидан қўллаб-қувватланган ҳолда, Кoрдофаннинг уч вилояти фуқаролик маъмуриятлари иштирокида, Макс Бланк Халқаро тинчлик ва Германия қонун устуворлиги Жамғармаси томонидан ташкил этилди. Унга Федерал ҳукумат вазири муҳандис Муҳаммад Карткила Солиҳ ва Шимолий ва Жанубий икки вилоят раислари ташриф буюрдилар. Тўрт кун давом этадиган ушбу семинарда минерал ресурслардан фойдаланишда ваколат ва имтиёзларни тақсимлаш, шу билан бирга, ҳам қиёсий ҳуқуқ нуқтаи назаридан, ҳам Судан нуқтаи назаридан ердан фойдаланиш билан боғлиқ бир қатор тезис ва ҳужжатлар муҳокама қилинади».
Хўш, бундай семинарлардан нима натижа кутилмоқда?! Бу Ғарб ҳукуматлари шу каби семинарларни молиялаштириш ва Хартумдаги ўз элчихоналари орқали қўллаб-қувватлаш, ўз ташкилотларидан бири ёрдамида уларни ташкиллаштириш билан Судан маҳаллий идораларидан, бизнинг ерларимиз ва минерал ресурсларимиздан нима истайди?!
Маълумки, мустамлакачи давлатлар ўз мустамлака давлатларининг сиёсий қарорларига эгалик қилиш учун ҳукмронликларини тўхтатмасликка ва нуфузларини сақлаб туришга ҳаракат қилишяпти. Токи, уларга мустамлака бўлган давлатлар тобеликдан қутулиб, озод бўлиб, қайта ўз сақофат ва ҳазоратларини тикламасинлар, ўз ишлари тизгинини қўлларига олмасинлар… Ўзлар эса бу халқларнинг бойлик ва ресурсларини талон-торож этишда давом этсинлар. Уларнинг ҳукмронлик қилиш ва бойликларни талон-торож этиш услуби эса қонунчиликлар, конституциялар ва тузумлардир. Мисол учун Британия парламентида Керзон – нега Туркияга мустақиллик берилди, ахир у Ислом давлатининг маркази бўлган-ку? – дея танқид қилинганда «биз уларнинг маънавий қудрати бўлган Халифалиги ва Исломини ағдардик», деб жавоб қилган. Дарҳақиқат, иттифоқчилар қўшинлари Истанбулга киргач, бу мустамлакачи асосий эътиборини Исломдаги бошқарув тузуми бўлмиш Халифаликка қаратди ва уни бекор қилиб, ўрнига республика бошқарувини тиклади, Усмоний Исломий конституция ва қонунларни ҳам бекор қилиб, ўрнига инсон ўйлаб топган қонунларни ўрнатди. Оқибатда, мустамлакачи Туркиядан ва бошқа мусулмон юртларидан хавфсирамайдиган бўлди, чунки уларни ўзи истаган аҳволга келтириб олди, энди бу ёғига мустамлакачининг асосий кураши айни вазиятни сақлаб, назорат қилиб туришдан иборат, токи исломий юртлар ва мусулмонлар озод бўлиш учун унинг ҳукмронлигидан чиқмасинлар.
Бу бизни мустамлакачининг асосларидан бўлган иккинчи масалага олиб келмоқда. Қаранг, Жан-Поль ўзининг «Ернинг бечоралари» китоби муқаддимасида Ғарбда Шарқ мутафаккирларини пайдо қилиш ва ундан фойдаланиш кўлами ҳақида сўз юритиб, нима деган: «Биз Африка ва Осиёдан қабила оқсоқолларини, зодагон, бой ва хўжаларининг фарзандларини олиб келиб, Амстердам, Лондон, Норвегия, Белгия ва Парижни сайр қилдирар эдик. Улар ўз кийинишларини ўзгартирар, ижтимоий муносабатларнинг янги шаклларини олишар ва биздан янги ҳаёт тарзи, эртанги кунга қараш ҳақида ўрганардилар, тилимиз, рақс санъатимиз, араваларга минишимиздан таълим олардилар. Ҳатто баъзиларига европача никоҳни, сўнг ғарбча яшаш тарзини ҳам ўргатганмиз… Уларнинг юракларига Европа соғинчини жойлаб, юртларига жўнатиб юборар эдик. Қандай юртларига биласизми?! Дарвозалари биз учун доим ёпиқ бўлган, кириш учун биз бирорта дарча тополмаган, бизга ифлос нажас, деб қарашган юртларига. Бироқ, уларнинг муфаккирларини юртларимизда обдан тарбиялаб жўнатганимиздан кейин Амстердам, Берлин ва Париждан туриб «инсоний биродарлик», деб бақирсак, овозимиз акс-садоси Африка, Яқин Шарқ ва Шимоли Африкадан келадиган бўлиб қолди… Биз «турли динлар ўрнига инсонпарварлик ёки инсонийлик дини алмашсин!» десак, уларнинг оғзидан ҳам шу сўзлар такрорланадиган бўлиб қолди, улар биз гапирсак-гапирадиган, жим турсак-жим турадиган бўлиб қолдилар. Бу муфаккирларда биз мияларига қуйиб қўйган фикрлардан бошқа ҳеч қандай фикр қолмаганига аниқ ишондик».
Шубҳасиз, Германия ҳукумати молиялаштирган ва Хартумдаги элчихонаси орқали қўллаб-қувватлаган ушбу сессия ҳам айни шу мақсадга қаратилган. Яъни мустамлакачининг истаги шуки, инсонларнинг қўзғолон қилишига сабаб бўлган ва инсон ўйлаб топган унинг адолатсиз конституцияси давом этиб, доим қўллаб-қувватлансин ва шундай ҳолатда туриши назорат қилиб борилсин. Бизнинг айни конституцияларидан қутулиб, Аллоҳнинг аҳкомларига ва мусаффо шариатига қайтишимизни олдини олиб турмоқчи. Чунки Аллоҳнинг аҳкому шариати тугамас минераллардан тортиб, оз минералларгача, ушрий ерлардан тортиб, хирожий ерларгача барчасини баён қилиб берган. Ерларнинг шахс, давлат, омма мулки бўлиши ва ундан ҳар бир инсон фойдаланиши мумкинлиги ёритиб берилган. Хоҳ ер мулкчилиги бўлсин, хоҳ минерал бойликлар мулкчилиги бўлсин, фарқсиз, Исломда қабила учун хусусий мулк, деган нарса йўқлиги баён этилган. Инсон ўйлаб топган қонунга кўра, мустамлакачилар одамлар ўртасида ирқчилик, ер ва бойликлар устида ўзаро урушлар бўлиб туришини истайди. Токи, у шу уруш ва низоларни келтириб чиқариш орқали уларнинг бойликларини талон-торож эта олишга ва конституцияю қонунлари ва раҳбарлари орқали сиёсий ҳукмронликни сақлаб туришга доим имкон топа олсин. Чунки мустамлакачи айни раҳбарларни ўзининг овозига акс-садо бўлишларини, бир оғиз ҳам сўзларига эга бўлмасликларини, фақат мияларига қуйиб қўйилган фикрнигина гапиришларини истамоқда. Унинг мақсади мана шу.
Бас, шундай бўлгач, сиз Судан аҳли, хусусан семинарда қатнашган маҳаллий раҳбар ва расмийлар нима қиляпсиз?! Динингиз борасида шундай разилликка рози бўлиб, мустамлакачининг Исломингиз, юртингиз ва аҳлингиз ҳисобига истаётган нарсаларини бераверасизми?! Ёки Аллоҳга ўзингиздан бир яхшилик кўрсатиб, бу мустамлакачини юртимиздан қувиб соласизми, барчамиз ўз дастур, шариат ва Халифалигимизга ва шу орқали бу дунёю охират азизлигига ноил бўламизми?!
Роя газетасининг 2022 йил 19 октябр чоршанба кунги 413-сонидан
