بِسْمِ اللهِ الرَّحْمٰنِ الرَّحِيم
Эй азиз Уммат, Рамазон ҳайитингиз муборак бўлсин!
Бутун олам Парвардигори Аллоҳга ҳамд бўлсин. Сарвари олам Муҳаммад Мустафога, у кишининг аҳли оилаларига, улуғ саҳобаларига ва қиёмат кунига қадар ул зотга гўзал тарзда эргашган зотларга салоту саломлар ёғилсин, аммо баъд.
Ассаламу алайкум ва роҳматуллоҳи ва барокатуҳ.
Биз Ҳизб ут-Таҳрир Қирғизистон вилояти аъзолари бутун мусулмонларни, хусусан Мавароуннаҳр мусулмонларини муборак Рамазон ҳайити билан муборакбод этамиз. Аллоҳ Субҳанаҳу ва Таоло иймон ва ихлос билан тутган рўзаларимизни, қилган ибодатларимизни Ўз даргоҳида қабул айлаб, барчаларимизни Лайлатул Қадрнинг ажрига ноил бўлган кишилар жумласидан қилсин. У Зот ҳаммамизни мана шу улуғ байрам баракотидан насиби рўзи айласин.
Бу йилги рамазон ҳайитини қарши олар эканмиз, юртимиз барча соҳада абгор ҳолатга тушиб қолганини гувоҳи бўлиб турибмиз. Зеро, капитализм системаси татбиқ қилиниши натижасида юрт иқтисоди аввал кузатилмаган энг қуйи даражага тушиб кетди. Барча мусулмонлар шерик бўлиши лозим бўлган умумий мулклар ҳамда юрт бойликлари хорижий ширкатлар томонидан талон-тарож қилинмоқда. Юртимиз табиий ресурсларга бой бўлишига қарамай, одамлар кундан кунга қашшоқлашиб кетмоқда.
Аллоҳнинг ҳукмини қўйиб, ўзлари ўйлаб топган қонунлар асосида бошқараётган мамлакат раҳбарлари эса, юртимизни Россиянинг бир федерацияси бўлиб қолиши учун ҳаракат қилишаётгандек, гўё. Мана, яқиндан бери, Қирғизистон ҳарбийларининг Сурияга жўнатилиши тўғрисида гап-сўзлар чиқиб қолди. Аллоҳ сақласин бу иш амалга ошгудек бўлса, бизнинг мусулмон қуролли кучларимиз Суриядаги мазлумларга ёрдам бериш ҳамда уларнинг аламларини аритиш учун эмас, балки азоб-уқубатларини янада кучайтириш учун сафарбар қилинган бўлади. Аллоҳ Субҳанаҳу ва Таоло мусулмоннинг бошқа бир мусулмонга қарши кофирлар билан ҳамкорлик қилишини, улар билан бу борада музокаралар олиб боришини қатъий ҳаром қилган. Аллоҳ Таоло кофирлардан огоҳлантириб айтади:
«Аниқки, кофирлар сизларга очиқ душман бўлган кимсалардир» [Нисо 101]
«Эй мўминлар, мўминларни қўйиб, кофирларни дўст тутманглар! Аллоҳ учун ўз зарарларингизга очиқ ҳужжат қилиб беришни истайсизми?» [Нисо 144]
Азиз мўмин-мусулмон биродарлар!
Келинг, Аллоҳ Субҳанаҳудан сўрайлик, бутун Ислом Умматини Исломда жамлаб қалбларини бирлаштирсин. Бизнинг қуролли кучларимиз ҳам шу Умматнинг фарзандлари эканлар, яхши-ёмон кунларида мусулмонларга ҳамдард бўладиган биродарлар бўлишини, дўстларига кўмак қўлини чўзишда ҳамкорлигини, душманларига қарши эса елкама елка бир тан бўлиб курашишини Аллоҳдан илтижо қиламиз. Яна илтижо қиламизки, бутун дунёдаги мазлум ва мазлума биродарларимизга шу байрам хурсандчилигини қалбларига сингдирадиган нусратини тезлаштирсин, токи Сурия, Ироқ, Афғонистон каби бўмбалар остида Роббисидан ёрдам излаётган, Россия, Ўзбекистон, Қирғизистон, Тожикистон ва бошқа золим режимларини зиндонларида азоб чекиб Роббисига илтижо қилаётган, Хитой, Бирма, Кашмир ва Қримдаги кофирларни мудҳиш тазйиқлари остида Аллоҳдан офият сўраётган биродарларимиз ҳам бу улуғ байрамларни ўз оилалари бағрида, яқинлари қучоғида байрам суруридан баҳраманд бўлсинлар. Сендан ёлвориб сўраймиз Парвардигорим, шу улуғ кунларда мусулмон юртларидаги қуролли кучлар қўмондонларига инсоф ва тавфиқ бер, Росулуллоҳ алайҳис саломга муносиб Уммат бўладиган, кофир етакчиларини рози қилиш учун Саудия-Қатар бўлиб хусуматлашмайдиган, Туркия-Ироқ бўлиб урушмайдиган, Ўзбекистон-Қирғизистон бўлиб чегара талашмайдиган, кофир кўтарган ташаббус устида эмас балки Роббисини сўзини олий қилишда бир бирларига ҳамкор бўладиган холисликни бер, Уларни мусулмонларни битта давлат соясида бирлаштириш учун бўлган даъватга лаббай деб жавоб берадиганлардан қил! Бу азиз Умматга азизлигини қайтар, дўстлари билан мазҳаб ёки жамоат талашиб тортишмай, бор нафратларини Роббилари ва динларининг душмани бўлган кимсаларга қаратишини насиб эт! Яна Сендан мўминни қалбига оро берадиган ва уни муаммоларини энг чиройли ҳал қиладиган гўзал аҳкомларингни ҳаётимизга дастур сифатида қайтаришингни сўраймиз. Инсонлар ўйлаб топган демократия сингари нопок режимлардан ва уларни бузуқ оқибатларидан бизларни халос эт! Юқорида сендан тилаганимиз аҳкомларни ҳаётга олиб келадиган, мўминга дўст бўлиб куфрга душман бўладиган, Умматни бошини бирлаштириб ихтилофотларини кўтарадиган ягона Халифалик давлатимиз бўлишини бизларга насиб эт. Албатта бу каби рахматингни беришда зоҳиран бандаларингни қўллари билан амалга оширасан Парвардигорим, ўша дийнингни ҳукмларини қоим қиладиган ва Сени сўзларингни олий қиладиган бандалар бизлар бўлишимизни насиб эт. Ўтган улуғ зотларни қўли билан Исломни оламга ёйганинг сингари бизларни қўлимиз билан ҳам дунёни барча жойларига ҳидоятингни улаш. Сенинг қалбларгаю ишларга ечим бўлган ҳукмларинг инсониятни барча қатламига азизни азиз қилиб, хорни хор қилиб кириб борсин. Шу даъватларни кўтариб чиқаётган биродарларимизни дунёю охиратда саботли қил. Бизларни ҳам бу эзгу ишларда пешқадамлардан қил!
Ҳизб ут-Таҳрир Қирғизистон
1 шаввол 1438ҳ
25 июн 2017м
