Иссиқкўлда даватчилар жаримага тортилди
“Turmush” нашрининг хабар беришича, Иссиқкўл вилоятининг Туп туманида ноқонуний даъватга чиққан 9 киши МХДҚнинг туман бўлими ходимлари томонидан қўлга олинди. Хабарга кўра, қўлга олинганлар Чуй ва Норин вилоятидан келишган.
“Ўзларини Яқин Инкорчилар деб атаганлар билан Туп тумани имоми Бақит Кайкиев тушинтириш ишларини олиб борди. Бироқ, улар ўз фикрларида туриб олишти. Уларнинг орасида айримларининг паспорти йўқ экан. Қирғизистон мусулмонлари диний бошқармалигининг даъват бўлимидан даъватга чиқиш учун махсус рухсат қоғози ҳам йўқ бўлиб чиқди. Энг ачинарлиси, қўлга олинганларнинг орасида 17 ёшга энди тўлган ўсмир ҳам бор экан. 9 одамнинг ҳар бирига 500 сомдан маъмурий жарима солинди. Қонунда бошқа жазо тури назарда тутилмаган. Ўтган йили ҳам шундай икки гуруҳни қўлга олиб, жарима солинганидан сўнг яшаш ерларига жўнатиб юборганмиз”,- деди 10-бўлим бошлиғи Майрамбек Султанов.
Туркистон:
Халқаро сиёсат Ислом ва мусулмонларга қарши ҳаракатланиши ортидан Қирғизистон ҳукумати ҳам Россия ва Қозоғистон босими остида қирғиз жамиятини исломийлашиб боришига қарши курашишга киришди. Жамиятни исломийлашишига ҳисса қўшаётган Таблиғ жамоасини уйма-уй юриб даъватга чақиришини тақиқловчи қонун лойиҳаси ишлаб чиқилиб, қонун лойиҳаси Жогорку Кенешнинг Ижтимоий масалалар, билим, илм, маданият ва саломатликни сақлаш бўйича комитетининг 29-май куни бўлиб ўтган йиғилишида кўриб чиқилди ва тасдиқлаш учун парламентга тақдим қилинди.
Энг ачинарлиси жамиятда исломий муҳитни кучайиб боришга қарши курашаётган ҳукумат ва куч органлари даъватчиларни ёмонотлиқ қилишда ўз имкониятидаги барча воситаларни ишга солишмоқда. ОАВ ҳам ҳукумат ва куч органларининг бу ишида беминнат ёрдам бериб келишмоқда.
10-бўлим бошлиғи Майрамбек Султанов қўлга олинган даъватчилар ичида 17 ёшга эндигина тўлган ўсмир бор эканлигини “энг ачинарли” ҳолат деб баҳолади. Ҳолбуки, 2016-йили 15 ёшли мактаб ўқувчиси бўлган қиз “Мисс бикини 2016” “мақомига” эга бўлгани ва Пекинда бўлиб ўтадиган халқаро мусобақада иштирок этиши ОАВ томонидан Қирғизистон фахри сифатида талқин қилинган эди. Аслида мана шу мусулмонлар учун энг ачинарли ҳолат ҳисобланади.
Бундан ташқари, одамларни яхшиликка буюриб, ёмонликдан қайтариш Аллоҳ томонидан мусулмонлар зиммасига юклатилган фарз амал бўлиб, бунинг учун бандасини рухсати талаб қилинмайди.
Имом Термизий Ҳузайфа ибн ал-Ямон розияллоҳу анҳудан ривоят қилган ҳадисда Расулуллоҳ соллаллоҳу алайҳи ва салам айтдилар: “Жоним қўлида бўлган Зотга қасамки, ё яхшиликка буюриб, ёмонликдан қайтарасизлар ё эса Аллоҳ тез орада устингизга Ўзи тарафидан азоб юборади-да, сўнг Унга ҳар қанча дуо қилманг, ижобат этилмайди”.
