Трамп: Яқин Шарқ давлатлари Исроилнинг ролини тан олиши лозим
Саудиядан сўнг Исроилга йўл олган АҚШ президенти Доналд Трамп шимолий Қуддусда берган баёнотида АҚШ ва Исроил ўртасидаги ҳамкорлик ҳар доимгидан ҳам кучлироқ бўлишини таъкидлади. Трампга кўра, энди Исроилга ҳеч ким таҳдид қила олмайди.
“Терроризмни (Исломни) йўқ қилиб, фарзандларимиз учун хавфсизлик ва тинчлик яратиб бергунга қадар ёнингизда туришга Қўшма Штатлар номидан сўз бераман”, “Мен иқтидорда эканман, Эрон давлати Исроил халқини йўқ қилиш билан таҳдид қила олмайди” деди Трамп.
Саудия Арабистони пойтахти ар-Риёдда Исломий ўлкалар раҳбарлари билан ўтказган учрашувига ишора қилган АҚШ президенти “Терроризмга (Исломга) нуқта қўйиш ҳамда фарзандларимиз учун гўзал ва порлоқ келажак тақдим қилиш учун (Исломий ўлкаардан иборат) ҳамкорларимиз билан иттифоқ тузишимиз лозим. Яқин Шарқ давлатлари Исроилнинг минтақадаги жўшқин ролини тан олишлари керак”, дея қайд этди.
Трамп ўзининг президентлик даврида АҚШ ҳукумати Исроилни қўллаб-қувватлаш борасида аввалгиларидан кўра эътиборлироқ бўлишига урғу берар экан, “АҚШ ва Исроилнинг хавфсизлик бўйича ҳамкорлиги ҳар қачонгидан ҳам кучли бўлишини ва бунинг ўзгача даражаларини менинг давримда кўрасиз”, дея қўшимча қиди.
Трамп Яқин Шарқ сафарини бошламасдан аввал берган интервьюсида Исроил халқини жуда-жуда севишини таъкидлаган эди.
