Атамбаев: ОАВ туҳмат кампаниясини олиб боришмоқда
Президент сайтида эълон қилинган баёнотда Алмазбек Атамбаев “бир қатор мустақил журналистлар, ОАВ ва сиёсатчилар” мамлакатда ёлғон ва туҳмат бўйича кампанияни олиб бормоқда, деган фикрда.
“Алоҳида ОАВ ва ҳаттоки ижтимоий тармоқлардаги бундай кампания сўнгги бир неча йилдан бери ўтказилмоқда ва ўтган йилнинг ёзидан айниқса кучайди. Ёлғон, туҳмат ва бадном қилиш бўйича кампания. Халқимиз учун муқаддас бўлган сўз эркинлиги принципларини ёлғон ва туҳмат билан алмаштириш”, – дея ёзади Атамбаев.
Шунингдек, унинг журналистларга эслатишича, уларнинг вазифаси – сохта хабарларни эмас, балки ҳаққоний маълумотни етказишдир. Атамбаев бу “кампания”нинг мақсадини республикадаги вазиятни ноябрда бўлиб ўтиши режалаштирилган сайловлардан аввал беқарорлаштириш, деб атади.
“Тегишли идоралар озодлик учун бу сохта курашувчиларга қонун барча учун баробар эканини эслатиб қўйишларининг вақти келди”, – деган Атамбаев.
Бунга қадар Бош прократура президентнинг шаънига путур етказганлик даъвоси билан “24 kg” ахборот агентлиги, “Заноза” сайти ва “Азаттык” радиосини судга бериб, бир неча миллион сомлик товон тўлашни талаб қилган эди.
Туркистон:
Авторитар режим ўрнатиш учун аввал матбуот манаполияси жорий этилади. Бу жараённи оламий система тажрибаларида ва тарихдаги деярли барча режимларда кўриш мумкин. Қўшни Ўзбекистон режимидан мисол келтирадиган бўлсак, аввал 16 феврал воқеасини уюштириб, ортидан диний репрессияни кучайтириб юборди. Репрессия инсонийлик чегарасидан чиқиб бораётган бир пайтда, Ўзбек режими Андижон воқеасини уюштирди. Сўнг, мамлакатдан деярли барча оммавий ахборот воситалари ва нодавлат ташкилотларни қувиб чиқарди. Маҳаллий матбуот хизматларини эса, давлат назорати остига олиб, бутунлай матбуот манаполиясини ўрнатиб олди.
МДҲ давлатлатларининг деярли барчаси авторитар режим ўрнатиб олишди. Навбат Қирғизистонга келди. Лекин Қирғизистон ўзини, МДҲга аъзо авторитар давлатлар орасида қолиб кетаётган “демократик оролча” деб номлаб олиб, бунинг эвазига Ғарб давлатлари ва халқаро ташкилотлардан миллиардлаган доллар қарз олиб еб юборган. Шу ва яна бошқа бир қатор сабабларга кўра, Қирғизистон давлатининг авторитар ёки диктаторлик давлатига ўзгариши бир оз қийин кечиши мумкин.
Халқ Атамбаев ва унинг командасининг ҳар қандай репрессив ёки диктарорлик ҳаракатларини ёмон қабул қиляпти. Негаки Қирғизистонда авроритаризм сақофати халқ ичида қувватга эга эмас. Бу диктатурага мойил сақофий фикрга нисбатан жамоий муҳитни пайдо қилиш учун узоқроқ вақт ва инқилобий ўзгариш ясаш керак бўлади. Атамбаев тўғри айтаяпти, халқ интернетдан туриб, сиёсий жараёнларга ўз дунёқарашидан келиб чиқиб муносабат билдиряпти. У бир томоннинг сиёсий позициясини қўлламаётган бўлса ҳам, зулм ва ғирромга асосланган сиёсий ҳаракатларни, халқ берган салоҳиятдан фойдаланиб ва унинг номидан олиб борилаётган ёлғон сиёсий ўйинларнинг ҳақиқий моҳияти ва мақсадларини кўриб тушиниб турипти.
Ҳокимиятнинг матбуот тизимига зарба беришдан ўзга чораси йўқ. Бу ишни амалга ошираётиб, диний муҳитга, исломий жамоа ва шахсларга ҳам асоссиз зулмлар уюштирилади. Лекин шу ишларнинг ҳаммаси қисқа вақт ичида амалга оширилиши кутилаётгани ўта хавфлидир. Авваламбор ҳокимиятнинг ўзи учун ўта хавфли вазиятлар пайдо қилиши мумкин!
