ТИВ матбуот хизматининг хабар қилишича, Ислом ҳамкорлик ташкилоти бош котиби Ияд Амин Маданий илк бор Қирғизистонга ташриф буюрди.
Бош котибнинг расмий сафари 30 апрелдан 3 майга қадар давом этади. Сафари давомида Ияд Амин Маданий президент Алмазбек Атамбаев, Жогорку Кенеш спикери Чинибой Турсинбеков, бош вазир Сооронбой Жээнбеков ва ташқи ишлар вазири Эрлан Абдилдаевлар билан учрашади.
Музокаралар давомида ташкилот доирасида ҳамкорлик масалаларини кенг кўламли муҳокама қилиш режалаштирилмоқда. Жумладан, турли халқаро масалалар, ИҲТ турли дастурларида Қирғизистонни иштирок этиши ҳамда халқаро ва минтақавий хавфсизлик муаммолари бўйича фикр алмашилинади.
Туркистон:
Қирғизистон халқаро фирибгар мамлакатлар ва ташкилотлар таъсирлари остида қолиб бораяпти. Уларни ҳаммаси ўзларининг муайян мақсадларига эга бўлиб, Қирғизистонни манфаатлар тўқнашувида рақобатлашиш майдонига айлантириб боришаяпти. “Халқ парламенти” ҳаракатини восита қилиб Россия ўз таъсирини намоён қилиб, Атамбаев кетсин деб чиқиб келяпти. АҚШпараст кучлар ҳам Қирғизистон фуқороларини ўз маданияти ва Ғарб сақофати билан суғориб, Америкача кўз қарашдаги сиёсий элитани яратиб бораяпти. Энди юқоридаги “Ислом ҳамкорлик ташкилоти” кириб кела бошлаяпти.
Охирги вақтларда Яқин Шарқдаги мамлакатлар устида АҚШнинг Англия билан бир оз келишмовчиликлари ва тўқнашувлари сезила бошлади. Бу асосан Саудия қироллиги билан АҚШ ўрталаридаги муомилаларда кўриниб боряпти. Яна Туркияда ҳам, АҚШпараст ҳукумат билан Англиянинг бир оз бўлса ҳам таъсири қолган турк армияси ўртасидаги муомилаларида совуқлик сезила бошлаётганида кўринаяпти. Энди Қирғизистонга Саудиянинг Жиддада жойлашган ИҲТ ташкилоти кириб келаяпти. Саудларнинг Англия билан алоқалари ўта кучли эканини инобатга олсак, Қирғизистонга яна битта оламий йирик мустамлакачи давлат қизиқа бошлаганидан хавфсирай бошлаймиз. Агар гумонимиз ўринсиз бўлса, ИҲТ АҚШнинг Қирғизистонни Ғарблаштириш амалиётининг бир бўлаги бўлиб чиқади. Чунки Ислом ниқоби остида бўлса ҳам, ҳар қандай оламий ташкилот, куфр системаси таъсири остида ва унинг манфаатига хизмат қилади. Қирғизистон давлатчилиги йўқ бўлиб кетиш арафасида тургандек.
Биз бу давлатнинг бор бўлиб туришидан манфаатдор эмасмиз. Лекин юртимиз мусулмонлари онгларини ва мол мулкларини куфр олами ва мамлакатлари босиб келишаётганларидан ўта хавотирдамиз. Фосиқ ҳокимларимиз эса, вазиятларни деярли бой бериб бўлишди. Энди, айбларини яшириш йўлида яна мусулмонларни қамаш, уларга ҳар хил куфр атамаларини ёпиштириб, ўз фуқороларини чалғитиш ишларини давом эттиришаяпти.
