Матбуот баёноти
Мустамлакачи ташкилотлар, жумладан, БМТнинг Инсон ҳуқуқлари бўйича комиссариати Америка манфаатларига хизмат қилувчи воситалардир
Исломни, инсонлар манфаатини ва мамлакат суверенитетини фақат Пайғамбарлик минҳожи асосидаги Халифалик ҳимоя қилиб, бундай ташкилотларни илдизи билан йўқ қилади
Турли ижтимоий қатламлар ва сиёсий партияларнинг норозилик ва хавотирларига қарамай, Бангладешдаги муваққат ҳукумат Америка нуфузига хизмат қилувчи мустамлакачи тузилма – БМТнинг Инсон ҳуқуқлари бўйича олий комиссариати учун идора очиш ҳақидаги келишувни охир-оқибат имзолади. Бу қадамни Исломга қарши душманона фаолият юритувчи ва Ғарбча «гендер тенглик» тушунчасини тарғиб қилувчи феминист ташкилотлар мамнуният билан қарши олди. Айни ташкилотлар жирканч ва ифлос фоҳишалик касбининг «ижтимоий тан олиниши»ни талаб қилаётган ҳамда инсон ҳуқуқи деб кўрсатиладиган жинсий бузуқлик, яъни гомосексуализм ва LGBTQ иллатларини ҳимоя қилаётган ташкилотлардир. Бу каби бузғунчи ишлар жамиятни емириб, унинг маънавий асосларини вайрон қилмоқда. Шунинг учун бу ташкилотлар жамиятнинг барча қатламлари томонидан доимий танқидга учраб келмоқда ва баҳс марказига айланган. Чунки улар на аёлларнинг адолатли ҳақ-ҳуқуқлари ҳимояси учун ҳайқиради, на оғир меҳнатда уларнинг эксплуатация қилинишига қарши чиқади ва на ҳаёт шароитларини яхшилаш учун ҳаракат қилади.
Айни ташкилотлар учун идора очиш қадами мамлакат ичида тортишувларни келтириб чиқаришга мойил баъзи етакчилар томонидан ҳам олқиш билан қарши олинди. Улар мазҳабий фитналар қўзғатиб, «этник озчиликлар қатағон қилинмоқда» деган баҳона орқали мамлакат ишларига Америка ва Ҳиндистоннинг аралашувига чақириб келаётган кимсалардир. Гарчи муваққат ҳукумат халқнинг жони ва мол-мулкини ҳимоя қилиш ҳамда мамлакатни ларзага солаётган сиёсий кризисни ҳал этиш борасида ҳеч қандай самарали чора кўрмаган бўлса-да, Америка манфаатларини ҳимоя қилиш йўлида бирин-кетин қадамларни ташламоқда. Бу эса халқнинг ғазабини кучайтирди. Муваққат ҳукумат жуда қисқа вақт ичидаёқ Америкага бўлган шармандали садоқатини намоён этувчи қатор мисолларни кўрсатиб улгурди.
Эй инсонлар!
Билиб қўйингки, БМТнинг Инсон ҳуқуқлари бўйича кенгаши эълон қилган сўнгги ҳисобот – Американинг пасткаш сиёсий кун тартибини амалга ошириш доирасида – қуролли кучларимизни инсон ҳуқуқларини поймол қилувчилар сифатида тасвирлади. Бундан қуролли кучларимизни халқаро миқёсда баҳс ва танқид марказига айлантириш, сўнг эса қасддан обрўсини тўкиш мақсад қилинган. Шунга қарамасдан, бу кенгаш Пилхона қатли омидаги Ҳиндистон тил бириктируви тўғрисида ҳам, армия офицерларининг оилаларига нисбатан қўлланган ваҳший қийноқлар ҳақида ҳам миқ этмади. Америка эса бизнинг баъзи ҳарбий ва хавфсизлик кучларимизга, жумладан «Рап» деб номланган махсус бўлинмага, Ислом даъватига чақирувчи ва мамлакат манфаатини ҳимоя қилувчи сиёсий шахсларни бостириш ҳамда ғайриинсоний мақсадларда ишлатилиш учун тайёргарлик, технология ва қурол-аслаҳалар тақдим этди.
Инсон ҳуқуқлари шиорини ўзига ниқоб қилиб олган ушбу ташкилотнинг энг хавфли иллатларидан бири шуки, у давлатнинг энг нозик идораларига, жумладан суд тизимигача тўсиқсиз киришга ва муҳим маълумотларни тўплашга муваффақ бўлди. Шунингдек, тоғутларга қарши турган холис сиёсий шахслар ҳақида маълумот базалари тузди ва сиёсий ютуқларни қўлга киритиш мақсадида айни маълумотларни ўз иттифоқчиларига тақдим этди. Бу ташкилот ўзининг Суриядаги офиси орқали золим Башар Асадга қарши курашаётган мужоҳидлар ва сиёсий фаоллар ҳақидаги маълумотларни тўғридан-тўғри Асад режими ва унинг иттифоқчиси Россияга етказиб, ана шу мужоҳид ва сиёсий фаолларни бостиришда фаол ёрдам берди. Худди шундай, бу ташкилотнинг Фаластинда ҳам офиси бор, шу офиси орқали жиноятчи яҳудий вужудига мусулмонларни бостириш ва ўлдиришда фойдаланиши учун махфий маълумотлар бериб турибди. Бу хиёнаткор ҳаракатлари дунё жамоатчилигига аллақачон фош бўлган. БМТнинг Инсон ҳуқуқлари бўйича кенгашида фаолият юритган ҳуқуқшунос Эмма Райли Британия оммавий ахборот воситасига берган интервьюсида бундай деган: «Кенгашимиздаги юқори лавозимли расмийлар Хитойдан сиёсий ютуқ олиш мақсадида уйғур мухолифларининг исм-шарифларини Хитой режимига топширмоқда». Бу эса Хитойнинг Шарқий Туркистон мусулмонларига нисбатан юритаётган геноцид сиёсатига қарамасдан амалга ошириляпти.
Шу боис АҚШнинг Инсон ҳуқуқлари ташкилотидан ўзининг геосиёсий манфаатлари йўлида роҳинга мусулмон биродарларимиздан ҳам фойдаланаётганига асло шубҳа йўқ. Шу мақсадда «Инсон ҳуқуқларини ҳимоя қилиш» ниқоби остида уларни алдаяпти ва «гуманитар йўлаклар» каби хатарли лойиҳаларни амалга оширяпти. БМТга қарашли бўлган ва Америка таъсири остида фаолият юритаётган ушбу Инсон ҳуқуқлари бўйича кенгаш ташқаридан беғубор кўринса-да, аслида эса бузғунчи бир ташкилотдир. Шу сабабли, унинг масъуллари ва ходимлари давлатлар билан келишувларни имзолаш пайтида ҳуқуқий жавобгарликдан озод қилувчи шартларни киритишни талаб қилмоқдалар.
﴿وَإِذَا قِيلَ لَهُمۡ لَا تُفۡسِدُواْ فِي ٱلۡأَرۡضِ قَالُوٓاْ إِنَّمَا نَحۡنُ مُصۡلِحُونَ * أَلَآ إِنَّهُمۡ هُمُ ٱلۡمُفۡسِدُونَ وَلَٰكِن لَّا يَشۡعُرُونَ﴾
«Уларга – ер юзида бузғунчилик қилманглар, дейилса, биз ислоҳ қилувчилармиз, дейдилар» [Бақара 11]
Эй инсонлар!
Бу ташкилот мусулмонлар яшайдиган юртларда Исломга қарши очиқ кураш олиб бормоқда. У ўз агентларига, жумладан молиявий кўмак шаклида, турли ёрдамларни кўрсатиб, исломий қадриятларни емирувчи бузғунчи лойиҳаларни амалга оширяпти. Шу нарса очиқ равшанки, бугун Ғарб жамиятлари ўзларининг бузуқ ғоялари ва сохта қадриятлари туфайли емирилиб бормоқда. Шунга қарамай, Ғарб халқаро шартномалар орқали гендер тенглиги, жирканч фоҳишалик, гомосексуализм ва жинсий бузуқликни мажбуран тиқиштирмоқда. У либерал эркинлик шиори ортига яшириниб, Ислом қадриятларини йўқ қилишга қаратилган режасини босқичма-босқич амалга оширмоқда. Бу бузғунчи лойиҳага қарши чиққанларга эса «экстремист» тамғаси ёпиштирилиб, уларнинг таъқиб қилиниши қўллаб қувватланмоқда. Аллоҳ Таоло бундай деди:
﴿وَلَن تَرۡضَىٰ عَنكَ ٱلۡيَهُودُ وَلَا ٱلنَّصَٰرَىٰ حَتَّىٰ تَتَّبِعَ مِلَّتَهُمۡۗ قُلۡ إِنَّ هُدَى ٱللَّهِ هُوَ ٱلۡهُدَىٰ﴾
«Яҳудий ва насронийлар уларнинг динига кирмагунингизча ҳаргиз сиздан рози бўлмайдилар»
[Бақара 120]
Эй армиядаги холис зобитлар!
Ўзингиз гувоҳ бўлиб турибсиз, бу америкапараст ҳукмрон элита халқнинг туйғуларини менсимай, норозиликларидан кўз юмяпти, Америка режаларини қадамма-қадам амалга оширяпти. Американинг Ислом ва мусулмонларга қарши тузган лойиҳаларини амалга ошириб, Умматга қарши турибди. Халқ учун норозилик намойишлари фойда бермай қолган пайтда эса, сўнгги умид армиядаги куч-қудратга эга, жасур фарзандлари бўлиб турибди. Сиз «гуманитар йўлак» лойиҳасини тўхтатиб қолишга ва ҳукуматни бундан воз кечишга мажбур қилиб, халқнинг таҳсинига сазовор бўлдингиз, бас, бугун ҳам худди шундай жасорат билан қайта майдонга чиқишингиз керак. Америка мустамлакачи кофирнинг барча хатарли лойиҳаларига, жумладан, БМТнинг Инсон ҳуқуқлари бўйича олий комиссариати учун идора очиш, Америка билан қўшма ҳарбий машқлар ўтказиш ва мамлакат устида унинг ҳукмронлигини мустаҳкамлаш каби ташаббусларига қатъий қарши туришингиз лозим. Росулуллоҳ ﷺ марҳамат қилганлар:
«إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»
«Дарҳақиқат, имом-халифа қалқондир. Унинг ортида туриб жанг қилинади ва у билан ҳимояланилади». Ушбу муборак ҳадис Ислом Умматининг ҳақиқий ҳимоячиси фақат Халифалик эканини очиқ-ойдин кўрсатиб турибди. Мустамлакачиларнинг барча ташкилотлари, жумладан, БМТнинг Инсон ҳуқуқлари бўйича кенгаши Америка манфаатларига хизмат қилувчи воситалардир. Бу каби ташкилотларни илдизи билан қўпориб ташлаб, Исломни, одамлар манфаатини ва юрт суверенитетини ҳимоя қиладиган ягона тузум фақатгина Халифаликдир. Шу боис, бу аҳмоқ ҳукмдорлар ва Америкага эргашувчи сиёсатчиларга итоат қилманг. Аксинча, Исломни, халқ манфаатларини ва мамлакат суверенитетини ҳимоя қилиш учун Халифаликни барпо этиш йўлида ансорлар бўлинг ва ушбу буюк вазифани зиммасига олган, содиқ ва лаёқатли сиёсий партия – Ҳизб ут-Таҳрирга нусрат-ёрдам беринг.
Аллоҳ Таоло бундай деган:
﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡۖ وَٱعۡلَمُوٓاْ أَنَّ ٱللَّهَ يَحُولُ بَيۡنَ ٱلۡمَرۡءِ وَقَلۡبِهِۦ وَأَنَّهُۥٓ إِلَيۡهِ تُحۡشَرُونَ﴾
«Эй мўминлар, Аллоҳ ва Унинг Пайғамбари сизларни абадий ҳаёт берадиган нарсага даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар» [Анфол 24]
Ҳизб ут-Таҳрирнинг Бангладешдаги
матбуот бўлими
