Матбуот баёноти
Иорданияда НАТО офисининг очилиши Уммат душманларининг мустамлакачилик манфаатларига хизмат қилиш мақсадида мамлакатни гаровга қўйиш ва бутунлай бўйсуниш демакдир
Иордания ва НАТО Брюсселда 2025 йил 12 июн куни НАТОнинг Амман шаҳрида дипломатик алоқа офисини очиш бўйича келишув имзолади. Шартонмани Иордания томонидан НАТОдаги доимий элчиси Юсуф Батаина НАТО томонидан Жанубий қўшнилар бўйича махсус вакил Хавьер Коломина имзолашди. Коломина Иордания билан алоқаларни алоҳида таъкидлаб, ушбу давлатни НАТОнинг минтақадаги ишончли ва фаол ҳамкори сифатида баҳолади. Шу билан бирга, Амманда офис очилишини юқори баҳолаб, Иорданиянинг минтақа учун «стратегик аҳамиятга эга марказий ўрин тутаётгани»ни қайд этди.
Иордания вазирлар маҳкамаси 2025 йил 4 май куни бош вазир Жаъфар Ҳассан раҳбарлигида йиғилиш ўтказди. Йиғилишда қабул қилинган қарорда НАТО билан келишувга розилик бериш Иордания давлат манфаатлари ва мамлакатнинг НАТОнинг алоқа офисини очишга қаратилган йўналиши билан ҳамоҳанг эканлиги таъкидланди. Ушбу қарор Иорданияни халқаро ва минтақавий ташкилотлар марказига айлантириш мақсадида илoжи борича кўпроқ халқаро ташкилотларни жалб этиш сиёсати доирасида қабул қилингани билдирилди.
Бу офис минтақадаги илк шундай ваколатхона ҳисобланади. НАТО Иорданияда ўзининг алоқа офисини очиш қарорини 2024 йили Вашингтонда ўтказилган саммитида қабул қилган. Ўша пайтда Иордания ташқи ишлар ва чет элдаги фуқаролар ишлари вазирлиги ушбу қарорни шарҳлар экан, уни «НАТО ва Иордания ўртасидаги чуқур стратегик шериклик бўйича янги босқич» деб атаган ҳамда «бу ҳамкорликнинг терроризм ва зўравон экстремизм каби чегарабилмас таҳдид ва хатарларга қарши курашдаги самарали натижаларини алоҳида таъкидлаган эди».
Ушбу глобал ҳарбий иттифоқ бўлмиш НАТОнинг ташкил топиши АҚШ билан Европа етакчилигида Ғарбнинг мустамлакачилик йўли билан ҳукмронлик ўрнатишига, геосиёсий таъсирини кенгайтиришига ҳамда маҳаллий ва минтақавий урушларни қўзғатишига қаратилган. Бу иттифоқ 1949 йилда тузилган ва ўша йили ушбу Шимолий Атлантика Шартномасига 12 давлат имзо чекиб қўшилишган ва шу орқали НАТО ташкил топган. Унинг ташкил топган вақтдаги мақсади Совет Иттифоқидан келаётган таҳдиддан Европани ҳимоя қилиш эди. Шу боис Совет Иттифоқи қулаши ва Варшава шартномаси тугаши ортидан, НАТО тарқатиб юборилиши керак эди. Бироқ АҚШ ўзининг Ғарб — айниқса Европа Иттифоқи — устидаги таъсирини сақлаб қолиш ва бошқа давлатларга қарши стратегик восита сифатида фойдаланиш мақсадида айни Иттифоқни сақлаб қолишга қатъий интилди. НАТОнинг тарқатилмаганини оқлаш мақсадида Америка сунъий баҳоналар, жумладан «терроризмга қарши кураш» каби шиорларни ўйлаб топди. Ҳолбуки, бу шиор аслида Исломга қарши курашни англади. Шу мақсадда НАТО «шерикликлар» ва «иттифоқлар» деб аталувчи ташаббуслар орқали, жумладан «Яқин Шарқ келишувлари» ва «Истанбул альянси» каби блок кўринишидаги келишувлар асосида, ҳамкорлик муносабатларини йўлга қўйди. Шунингдек, Иордания каби баъзи давлатлар билан алоҳида илғор шериклик муносабатларини ўрнатди. Америка қўлидаги мустамлакачилик воситасига айланган НАТО шу орқали ўзининг стратегик манфаатларини амалга оширмоқда.
Аммандаги НАТО офисининг қандай мақсадларга хизмат қилишига келсак, буни Альянс бош котиби Йенс Столтенбергнинг «Иордания НАТО учун қадрли ва узоқ муддатли ҳамкор ҳисобланади», деган гапидан аниқ тушуниб олиш мумкин. Шунингдек, АҚШ ташқи ишлар ва чет элдаги фуқаролар ишлари вазирлигининг минтақавий матбуот котиби Сэм Уорберг ҳам НАТО саммити доирасида Иордания ахборот агентлигига берган интервьюсида, Америка Иорданиянинг минтақада барқарорликни сақлашдаги фаол ролини юксак баҳолашини таъкидлади. НАТО ва Америка расмийларининг бу баёнотлари Иордания режими ўзини Америка ва Европа етакчилигидаги Ғарбнинг мустамлакачилик манфаатларига хизмат қилувчи восита сифатида тутаётганини очиқ кўрсатмоқда. Бу манфаатларнинг марказида эса яҳудий вужудини қўллаб-қувватлаш ва уни сақлаб қолиш турибди. Британия, қолаверса Америка ва Европанинг минтақадаги лойиҳаларига хизмат қилиш, шу орқали Умматнинг исломий қайта тикланиш лойиҳаси бўлмиш Халифаликнинг барпо этилиши йўлида тўсиқ бўлиш вазифаси айнан шу режимга юклатилмоқда. Иордания режими Ғазо аҳлига ёрдам қўлини чўзишдан бош тортаётганлиги унинг Ғарб мустамлакачисига садоқат билан хизмат қилаётганининг яққол далилидир. Мана шу малайлик туфайли у мамлакатнинг бойликлари ва фарзандларини НАТО манфаатларига сафарбар қилмоқда ҳамда шу йўлда альянс учун алоқа офисини очишга ҳеч иккиланмасдан розилик бермоқда.
Иордания режими АҚШ билан қўшма мудофаа шартномасини имзолаш билан чекланиб қолмай, Америка ва Европага ҳарбий базалар қуриб берди ҳамда уларнинг минглаб аскарларини ўз ҳудудига жойлаштиришларига имкон яратди. Бу қўшма мудофаа шартномасидан ягона мақсад – яҳудий вужудини ва Ғарб мустамлакачилик манфаатларини ҳимоя қилишдир. НАТО алоқа офисини очиш орқали амалга оширилаётган «ҳамкорлик»нинг асл моҳияти ҳам айнан мана шу. Бу Иорданиянинг хавфсизлик, ҳарбий, логистика ва киберхавфсизлик салоҳиятини Ғарб хизматларига сафарбар қилишга қаратилган бўлиб, Америкага ўзининг геосиёсий рақобати ва ҳукмронлик урушларига тўла эътибор қаратиш имконини беради.
Иордания режими мамлакатни янада оғир хатарлар гирдобига ташлаб, унинг имкониятлари ва ҳарбий кучларини душман манфаатини ҳимоя қилишга, Ислом ва унинг даъватчиларига қарши йўналтиришга бутунлай сафарбар этмоқда. Ҳақиқатни очиқ айтганларни таъқиб қилиб, қамоққа ташлаш, қийноққа солиш ва тазйиқ ўтказиш билан жазоламоқда. Шу билан бирга, ўз хиёнати ва жирканч ишларини яшириш ишига баъзи пасткашларни жалб қилмоқда, ваҳоланки, Уммат уларни яхши танийди. Бир мусулмон ўлкасида ҳарбий иттифоқлар, жумладан НАТО офисини очиш, хавфсизлик ва киберхавфсизлик соҳасида «ҳамкорлик» олиб бориш ҳамда Иорданияда ўн йилдан ортиқ давом этган «Ўқчи арслон» номли ҳарбий машғулотлар ўтказиш, буларнинг барчаси Ғарб давлатларининг ҳарбий тажрибасини оширишга хизмат қилмоқда. Бундан ташқари, Ғарб билан ҳарбий базалар, аэропортлар ва портлар қуриш бўйича тузилган келишувлар душманлар учун Ислом юртида таъсир ва ҳукмронликларини мустаҳкамлаш имконини бермоқда. Бу эса, шубҳасиз, мусулмонларнинг жонлари, қонлари ва номусларига бевосита таҳдид солиб, мусулмон юртнинг ўз ҳудудидаги суверенитетини поймол этмоқда. Бу шаръан ножоиз. Чунки у кофирларга мўминлар устидан ҳукмронлик беради, Ислом эса буни ҳаром қилган:
﴿وَلَن يَجۡعَلَ ٱللَّهُ لِلۡكَٰفِرِينَ عَلَى ٱلۡمُؤۡمِنِينَ سَبِيلًا﴾
«Аллоҳ ҳаргиз кофирлар учун мўминлар устига йўл бермагай» [Нисо 141]
Ҳизб ут-Таҳрирнинг
Иордания вилоятидаги
матбуот бўлими
