Матбуот баёноти
Ҳайит табассуми билан Ғазо кўз ёшлари орасида: офицер ва аскарларга нидо
Мусулмонлар фарзандлари ва рафиқалари билан биргаликда Қурбон ҳайитини нишонлашга ҳозирланар эканлар, биз хусусан Покистоннинг ядровий армиясидаги фидоий аскарлар ва Ислом Умматининг барча армияларидаги холис жангчиларга мурожаат қиламиз. Уларга шуни эслатиб қўймоқчимизки, улар бугун, ҳайит арафасида муборак Фаластин заминидаги аёллар, болалар, қариялар ва эркаклардан иборат ўз биродарларини ёлғиз, ҳимоясиз аҳволда ташлаб қўйишди. Уларга ёрдам беришмади, ҳолбуки, бунга қодир эдилар!
Уларни ҳақиқий қаҳрамон ва ҳарбий саркарда – Салоҳиддин Айюбийни эслашга ундаймиз. Салоҳиддин (ҳижрий 583, милодий 1187 йили) Қуддус қулаганидан сўнг бир марта ҳам табассум қилмаган, балки қаттиқ қайғу сабабли оғир хасталикка дучор бўлиб, бундай деган эди: «Ислом шаҳарларининг бирин-кетин қулаши юрагимни парчалади». Ҳатто Ҳиттин жангидан кейин Қуддусни салибчилардан озод қилганида ҳам у шаҳарга ғамгин юз билан кириб борди, улуғ ғалабага қарамасдан қувонмади. Ундан нега қувонмаганини сўрашганида, «қандай қувонай, бу шаҳарда мусулмонларга нисбатан шунча мусибатлар содир бўлди, қандай табассум қилай, ахир бу шаҳарга қалбимдаги оғриқ билан кирдим», деган. Қуддусни озод қилишни у ўзининг вазифаси деб билган, шараф ёки қаҳрамонлик, деб ҳисобламаган. Унинг бутун ғам-ташвиши мусулмонларнинг номуси ва муқаддасликларини ҳимоя қилиш бўлган.
Салоҳиддиннинг позицияси шундай бўлган, Қуддус озод этилишидан олдин ҳам, кейин ҳам шундай ҳолатда турган. Ажабланарлиси шундаки, салибчилар Қуддусни босиб олганда етмиш минг мусулмонни қириб ташлаган ва бугун ушбу рақам сўнгги икки йилда Ғазо ва Ғарбий соҳилда яҳудийлар томонидан қириб ташланган мусулмонлар сонидан кам ёки тенгдир. Эй офицер ва жангчи биродарлар! Сиз ўзингизга Салоҳиддинни ўрнак қилиб олдингизми?! Ёки ҳайитни фарзандларингиз ва рафиқаларингиз билан бирга шод-хуррам ўтказишга шошиляпсизми, гўё Ғазодаги қирғинлар сиз учун Лоҳур, Дакка ёки Қоҳирадаги оддий қурбонлик қассобхоналаридаги қонли манзаралардан фарқ қилмайдигандек?!
Агар Салоҳиддинни ўрнак деб билсангиз, у ҳолда қандай қилиб яқинларингизни зиёрат қилишни ва рафиқаларингиз бағрида хотиржам ухлашни хуш кўряпсиз?! Ҳолбуки, сиз Салоҳиддин икки қибланинг биринчиси ва икки Ҳарамнинг учинчиси саналган даргоҳ учун қилган ишларнинг ўндан бир қисмини ҳам қилмадингиз! Агар сиз «улар қаёқда-ю, биз қаёқда!», десангиз, у ҳолда сиз мусулмонларни ёлғиз ташлаб қўйган, уларга қарши фитна уюштирган, яҳудийлар сафини танлаб, уларни қўллаб-қувватлаган кимсаларданмисиз?! Ахир бунинг натижасида Фиръавн ёки Ҳомон билан бўлган Фиръавннинг аскарларига ўхшаб қолмайсизми?! Дарҳақиқат, Аллоҳ Таоло улар ҳақида бундай деган:
﴿إِنَّ فِرۡعَوۡنَ وَهَٰمَٰنَ وَجُنُودَهُمَا كَانُواْ خَٰطِِٔينَ﴾
«Албатта Фиръавн, Ҳомон ва уларнинг лашкарлари гуноҳкор эдилар» [Қасос 8]
Наҳотки, сиз ҳам ўшалар билан бирга дўзахга тушишни истасангиз?! Аллоҳ асрасин! Сиз, эй оға-инилар, Салоҳиддиндансиз, у на пайғамбар, на подшоҳ бўлган, балки сиздек инсон бўлган, сиздек иймон келтирган, Аллоҳдан нимани умид қилган бўлсангиз, у ҳам шуларни умид қилган. Бас, қўрқоқ ҳукмдорларнинг иғвосига алданманг! Улар охиратларини йўқ ўткинчи, ҳалокатга маҳкум ва алдамчи дунё эвазига сотган кимсалардир.
Салоҳиддиннинг ғам-алами фақат қўмондон ва аскарлардан иборат мужоҳидларга хос эмас, балки бутун Ислом Умматига тегишли. Тарихчилар бунда ёзади: Андалус (Испания) қулаганида Шимолий Африка ва Шарқ мусулмонлари Андалус учун узоқ вақт аза тутиб, қувончдан воз кечганлар. Қуддус ва Ақсо масжиди қўлдан кетганда ҳам Ислом ўлкаларини қаттиқ ғам қоплаган, мусулмонлар байрам ва тўй қилишдан воз кечганлар. Ҳатто Усмоний давлат султонлари Европа давлатларидан айримларини қўлдан беришган пайтда саройларида байрамларни тўхтатиб, расмий мотам эълон қилишган. Султон Салим Iнинг бундай дегани ривоят қилинади: «Мудом Ислом замини таҳдид остида экан, на овқатнинг таъми бор, на ухлашнинг лаззати, на қалбнинг шодиёнаси».
Ушбу позициядан аён бўлмоқдаки, мусулмон замининг босиб олиниши, номусларининг оёқ ости қилиниши, эркак ва аёлларининг қирилиши, булар учун аламланиш иймоннинг бир бўлагидир. Имомлар ва саркардалар мушкул вақтдаги қувончни – Аллоҳга, Расулига ва мусулмонларга хиёнат деб билар эдилар. У ҳолда, ер юзидаги энг разил махлуқ бўлмиш яҳудийларнинг муборак заминда амалга ошираётган зўравонлигига сукут ва бепарволик қилинишини қандай баҳолаш мумкин?! Росулуллоҳ ﷺ рост сўз айтганлар:
«مَنْ لَا يَهْتَمُّ بِأَمْرِ الْمُسْلِمِينَ فَلَيْسَ مِنْهُمْ، وَمَنْ لَا يُصْبِحُ وَيُمْسِي نَاصِحاً لِلَّهِ وَلِرَسُولِهِ وَلِكِتَابِهِ وَلِإِمَامِهِ وَلِعَامَّةِ الْمُسْلِمِينَ فَلَيْسَ مِنْهُمْ»
«Ким мусулмонларнинг ишига ғамхўрлик қилмаса, улардан эмас. Ким Аллоҳга, Росулига, Китобига, халифасига ва умумий мусулмонларга нисбатан холис маслаҳатчи сифатида ҳаёт кечирмаса, улардан эмас». (Табароний ривояти).
Эй мусулмонлар! Ғазодаги шифокор – Алоа Нажжор ҳақидаги воқеадан барчангиз хабардор бўлсангиз керак. Бу аёл ўн нафар фарзандидан тўққизтасини йўқотди, ўнинчиси яраланган, турмуш ўртоғи ҳам жароҳатланган (кейин эри ҳам шаҳид бўлган)… Алоа жигарпораларини қурбон қилган бир пайтда, сиз қурбон Ҳайитида таом ейишингиз ёки аёлингиз тўшагида ухлашингиз мумкинми?! Биласизми, Ғазода минглаб Алоалар бор! Ҳар бири сўнгги икки йилда фарзандларини, яқинларини йўқотди. Дарвоқе, бир замонлар Амурия шаҳридан бир аёлнинг «эй Мўътасим, қанисиз!» деган фарёди учун халифа Мўътасим бу шаҳарга бутун бир қўшинни сафарбар қилган. Шунингдек, Синддаги бир аёлнинг золим Зоҳиршоҳ зулмидан нажот сўраб ёзган биргина мактуби Ҳажжож ибн Юсуф учун кифоя қилган. Ҳажжож аёлнинг нидосига жавобан қўшин юбориб, подшоҳни ўлдирган ва ундан қасос олган. Аллоҳ ҳаққи, айтингчи, эй армиялар аскарлари, сизга Фаластиндан қанча аёлларнинг фарёди келсаю, қанчаси ёрдам сўрасаю, қандай қилиб томоғингиздан овқат ўтяпти, қандай қилиб ухлаяпсиз?!
«Сийрати Набавия»да ҳамда хулафои рошидин даври ҳақида бундай келган: айрим аёллар – эрларини жиҳодга ундаш учун ёки уларнинг жиҳоддан ўзини олиб қочганликларига норозилик сифатида – улардан ўзларини узоқ тутар эдилар. Табук ғазотида баъзи аёллар агар эрлари жиҳоддан ўзларини олиб қочишса, улар билан яқинлик қилишни рад этар эдилар, уларни жиҳодга чиқишга мажбурлаш учун шундай йўл тутганлар. Ҳатто улардан бири эрига «Аллоҳ йўлида жангга чиқмагунингизча, менинг ётоғимга келмайсиз!», деган. Умар ибн Хаттоб розияллоҳу анҳу жиҳоддан ўзини олиб қочганларни жазолар эди, аёлларни эрларини жиҳодга ундашга тарғиб қиларди. Ҳатто аёллардан бири эрига «агар жиҳодга чиқмасангиз, сиз талоқсиз (мендан ажрашган бўласиз) деган. Умму Ҳаким бинт Ҳорис ҳақида шундай ривоят қилинган: «У ўз турмуш ўртоғи – Икрима ибн Абу Жаҳлни (маълумки, Икрима Исломга қаттиқ адоватдан сўнг иймон келтирган) Аллоҳ йўлида жангга ундади. Жиҳодга чиқмагунча уни яқинликдан маҳрум этди. Ниҳоят, Икрима мужоҳид сифатида майдонга чиқди ва Ярмук жангида шаҳид бўлди».
Мусулмон армияларидаги аскар ва офицерларнинг ёрдамсиз қолдириши оғир оқибатларга сабаб бўлади. Чунки айнан улар қудрат эгаларидир. Улардан заифларга ёрдам бериш, мусулмон аёлларнинг номусини муҳофаза қилиш, душманга қарши туриш кутилади. Зеро, улар бошқа оддий одамлар каби эмаслар! Уларнинг лоқайдлик қилишлари ва ортга чекинишлари эр кишилик ва ғайратни йўққа чиқаради! Умар ибн Хаттоб розияллоҳу анҳу жиҳоддан узрсиз чекинганларни очиқ шаклда шарманда қилган ва қатъий тарзда «Ким жиҳодни тарк қилса, унинг гувоҳлиги қабул қилинмайди», деган.
Биз сизларга – фурсат кетишидан олдин ҳолатингизни ўнгланг, балки «фурсат аллақачон кетиб бўлди, деяпмиз! Бироқ сиз бу кечиккан ҳолатни тўғриланг, қилган камчиликларингиз учун Аллоҳга тавба қилинг, енгил ва оғир ҳолингизда Аллоҳ йўлида жиҳод қилинг, Ҳизб ут-Таҳрир сафида Ислом давлатини барпо этиш учун фаолият қилаётган биродарларингизга нусрат-ёрдам беринг! Зеро, Ислом давлати Аллоҳ нозил қилган низом асосида ҳукм юритади. У, шунингдек, мусулмон юртларни озод этиш ҳамда Фаластин, Кашмир, Бирма ва бошқа жойлардаги золим ҳукмдорлар ёрдамидан умидсизланган мазлумларга ёрдам бериш учун армияларни сафарбар этади. Бу мазлумлар сизларнинг сафингиздаги холис инсонларга умид боғламоқдалар. Бас, Аллоҳ йўлида фарзандларини қурбон қилган Алоа Нажжор ва бу Умматнинг бошқа тул қолган аёлларининг фарёдига жавоб берасизми?! Уларга жавоб қилиш билан Салоҳиддин, Муҳаммад ибн Қосим, Холид ибн Валидлар билан бирга Мустафо ﷺнинг ҳавзида бўлишни истайсизми?! Ёки ҳозирги зараркунанда ҳукмдорлар ва уларнинг қўшин қўмондонлари, Фиръавн ва Ҳомонлар билан бирга дўзахга ташланишни истайсизми?! Ҳар бир ақл соҳиби ва қалбида зарра қадар иймони бор киши учун бу кунлар синов-имтиҳон кунларидир, уларни танлов кутиб турибди, унутманг, охир оқибат тақводорларникидир.
﴿وَسَارِعُوٓاْ إِلَىٰ مَغۡفِرَةٖ مِّن رَّبِّكُمۡ وَجَنَّةٍ عَرۡضُهَا ٱلسَّمَٰوَٰتُ وَٱلۡأَرۡضُ أُعِدَّتۡ لِلۡمُتَّقِينَ﴾
«Парвардигорингиз томонидан бўлгувчи мағфиратга ҳамда тақводорлар учун тайёрлаб қўйилган жаннатга шошилинглар» [Оли Имрон 133]
﴿ٱنفِرُواْ خِفَافٗا وَثِقَالٗا وَجَٰهِدُواْ بِأَمۡوَٰلِكُمۡ وَأَنفُسِكُمۡ فِي سَبِيلِ ٱللَّهِۚ ذَٰلِكُمۡ خَيۡرٞ لَّكُمۡ إِن كُنتُمۡ تَعۡلَمُونَ﴾
«(Эй мўминлар), хоҳ енгил, хоҳ оғир ҳолингизда (яъни, истасангиз, истамасангиз жиҳодга) чиқингиз ва молу жонларингиз билан Аллоҳ йўлида жиҳод қилинг! Агар билсангиз, мана шу сиз учун яхшироқдир» [Тавба 41]
Ҳизб ут-Таҳрирнинг Покистондаги
матбуот бўлими
