بسم الله الرحمن الرحيم
Инсон чиқарган қонунлар зўрнинг фойдасига, заифнинг зиёнига ишлайди
Қонун жамиятнинг асосларидан бири, уни тўғри бўлиши ва ўз вазифасини тўлиқ бажариши жамиятнинг тараққиёти учун жуда зарур. Қонун ижро қилинмаса, қонунни ижросини назорат қилувчилар, яъни раҳбарлар, судя-прокурорлар, хуқуқ-тартибот орган ҳодимлари ўзлари бош бўлиб қонунларни бузишлиги билан бундай жамият тараққиёт топмайди, бундай жамиятда ҳақиқат эмас, кучлиларга тилёғламалик, лаганбардорлик кучаяди. Масалан: президент К. Бакиев халқ қаҳрамони эди, президентликдан қочиб кетгандан кейин эл душманига айланди, бу иккиси ҳам халқнинг баҳоси, қайси бири тўғри?
Ҳозирдаги қаҳрамонларга ҳам мансабидан кетгандан кейин бошқача баҳо берилади. Ҳақни тан олиш осон иш эмас, у ҳақиқий эр йигитларнинг иши, ўзига қарши бўлса ҳам ёки кўпчилик қаршилик қилса ҳам ҳақда собит туриш, халқни фойдасига ҳақиқатни тан олиш учун “шер” юрак керак, иймон керак, ҳақиқат инсонга зафар келтиради, ҳақни тан олиш инсонни қадрини тушунмайди, аксинча, уни янада қардли инсонга айлантиради, масалан, Абу Бакр р.а. халифа бўлганларида 17 ёшлик Усома ибн Зайд Румга қарши катта қўшиннинг қўмандони бўлиб сафарга чиқаётган эди, ҳолбуки Абу Бакр р.а. энг катта раҳбар-биринчи халифа эди. Шунда саҳобаи-киромлар: Росулуллоҳ с.а.в. вафотларидан кейин муртадлар кўпайяпти, мунофиқлар бош кўтариб қолишди, аввал ички муаммоларимизни ҳал қилайлик, Усамо ёш бола бўлса, Рум катта душман, Усомадан каттароқ, тажрибали мужоҳидлар борку – деб Абу Бакр р.а.дан жиҳодни вақтинчалик тўҳтатишни, лоақал каттароқ ёшдаги бошқасини қўмандон қилишини талаб қилишганида ҳам Росулуллоҳ с.а.в. чиқарган қарорини, яъни Румга қарши бўлган уришни ҳам, армияни қўмандони Усома ибн Зайдни ҳам ўзгартирмасликда қатъий эканини:
والذي لا إله غيره، لو جرت الكلاب بأرجل أزواج رسول الله، ما رددت جيشا وجهه رسول الله، ولا حللت لواء عقده رسول الله
Ягона Аллоҳ номига қасам ичиб айтаманки, агар Росулуллоҳ с.а.в.нинг завжаларининг оёқларини – ҳимоя қиладиган ҳеч ким йўқлигидан – итлар тишлаб-талаб ташлаганда ҳам Росулуллоҳ с.а.в. юборган армияни қайтармайман, У Зод боғлаган байроқни ечмайман – деб қатъий жавобини айтади. Шундай қаршиликларга қарамасдан ҳақда собит туриши билан Исломга бўлган ишончини ва Росулуллоҳга бўлган ҳурмати, У Зодни яхши кўришлиги қай даражада эканини ҳаммага кўрсатади. Муртадлар ҳам тўҳтайди, Усома ибн Зайд р.а. ҳам ғалаба билан қайтади. Абу Бакр р.а. Росулуллоҳ с.а.в.дан кейин Уммат ичидаги энг мўътабар инсон эканини ҳақда қатъий туриши билан исботлаб қўйди. Ёки Умар р.а. бир аёлни танбеҳини эшитган заҳоти минбарга яна чиқиб, (маҳрни ҳаддан зиёд оширмаслик тўғрисида)чиқарган қарорини бекор қилиши билан Умар р.а. обрўсизланиб қолдими?! Йўқ, аксинча, ўшандек адолатли ишлари билан минг йиллардан бери тарихнинг зар варақларида “Одил Умар” р.а бўлиб келмоқда, буни душманлар ҳам ҳасад билан тан олишиб келади.
Шунинг учун қонун ҳаммага бирдек тадбиқ қилиниши керак, айниқса, қонун заиф қатламнинг фойдасига ҳам ишласа шунда бу жамият тараққий эта бошлайди. Тараққий этган юртларни кўздан кечирилса, нисбатан қонун уларда яхшироқ тадбиқ қилинади, ожиз-заифлар ҳам қонун асосида ўзидан кучли(яъни жисмонан кучлини эмас, нуфузи кучли)ни енга олади.
Бизда бу нарса эртакка ўҳшайди. Ҳеч қачон кучли билан кучсиз судда рақобатлаша олмайди, рақобатлашса ҳам албатта кучли енгиб чиқади. Заиф ё тақдирга рози бўлади ёки курашда давом этиб, қамалиб кетади ёки автохалокатга учрайди.
Аслида, куфр қонунларнинг асоси аслида шундай, доимо кучли кучсизни енгади. Бунга яқин тарихдан ҳам бир неча мисоллар келтириш мумкин, масалан: АҚШ Ироққа, Афғонистонга бостириб келаётганда Халқаро қонунларни ҳам, БМТ Ховфсизлик Кенгашининг вето ҳуқуқи бўлган доимий аъзоларига ҳам, ҳатто бутун оламга тупуриб, ўз билгани қилаверди. Ёки лаънати Исроил вужудини Ғазога қилаётган иши қайси қонунга тўғри келади? БМТ, Олам қаёқа қараяпти? Бу вахшийликлар қайси қонун асосида бўляпти? Афғонистонда аёлларни ҳақ-ҳуқуқлари поймол бўлаяпти деб айблаётган БМТнинг тинчликпарвар кучлари қани? Изроил шунчалик кучликми-ки, дунёга аҳамият бермай, ўз вахшийлигини давом эттираверса?! Ҳозирда Изроил кучли бўлиб кўриняпти, чунки у АҚШнинг яқин шарқдаги панжаси халос, аслида бу АҚШнинг ваҳшийлиги, фақат лаънати сионистларга бажартиряпти.
Ёки Россия Украинага қайси қонун билан бостириб кирди? Россияни босқинчиликда айблаётган АҚШ ўзи ундан баттарини Ғазодаги мусулмонларга қиляпти.
Ички сиёсатда ҳам ҳар куни ноҳақликларни кўраяпмиз, Тожикистон, Ўзбекистонда қанчалаган бегуноҳ инсонлар “юрак харужи”дан ўляпти, 20-25 йиллардан бери умри қамоқларда ўтмоқда. Қирғистонда уч марта халқ кўтарилиши билан президентлар алмашди, лекин 2003 йили А. Ақаевнинг хоинлиги асосида даъватчиларни “ноқонуний” деб қонун чиқариб, уларга қарши курашди. Ҳолбуки улар СССР вақтида унутилган Исломимизга қайтайлик деб, Исломни тушуниш, намоз, рўза каби ибодатлар билан бирга ийд кунларни нишоллашдан бошлашдан эди. К.Бакиев ҳам ўша сиёсатни давом эттирди, ҳатто новқат шахридаги ийд байрамини тўҳтатиш учун халққа қарши Ўшдан махсус куч жўнатди…
Хозир ҳам ўша сиёсат ўзгаргани йўқ, даъватчи “ҳақ”ни гапириш учун комиссия рухсати бўлишини шарт қилди, ҳолбуки, динда билганини ўргатиш учун ҳеч нарса шарт қилинмайди, аниқ билиши кифоя, хатоси бўлса амру-маруф ва наҳий-мункар билан тўғриланади, фақат янги ҳукм ишлаб чиқиш учунгина Исломнинг маҳсус шартлари бор, конституция бўйича дин давлатдан ажратилган бўлсада, орган ҳодимлари назорат қилиб, ҳақни гапиришга тўсиқ бўлишмоқда, ҳатто ҳақни гапирган депутатлар ҳам бирин кетин мандатидан ажраяпти. Депутат бўла туриб КР.нинг қонунлари билан ўз ҳаққини ҳамоя қилолмаса қолган инсонлар қандай қонунга ишонади?! Бундай ишлар Халқнинг умидсилигига, норозилигини кучайишига олиб келади.
Ё зўрга қуллик қиласан ёки йўқ бўласан деган сиёсат тўғри сиёсат эмас. Ҳамиятсиз, ғурури йўқ, нафсига қул бўлиб қолган инсонларга фарқи йўқ, хайвонлардек бўлса ҳам яшаб қолсам, менга тегмаса бўлди. Россиягами, Хитойгами ёки “Турон” проекти билан Эрдуғон бошчилигида АҚШга қуллик қиламизми, фарқи йўқ. Асосийси мен тинч бўлсам, шу етарли деб билади. Бу янгилик эмас, ўтмишда ҳам, яқин тарихдан ҳам бунга жуда кўп мисоллар келтириш мумкин, лекин сизга савол, зулмга қарши қонун билан ҳаққингизни олишга ақлингиз етадими? Қанча ҳақ-ҳуқуқларингиз поймол бўлаяпти?
Бундай жамиятда зулмга қарши якка ҳолда қаршилик қилиш билан ҳеч нарсага эришиб бўлмайди, лекин кўпчилик ҳақиқат томон бўлса, лоақал ҳақни кўтарган инсонни шу одам тўғри иш қиляпти деб ўз томонини ошкор қилса, унда зулм ортга чекинади. Оммани қаршилигидан ҳар қандай золим ҳам ҳисоблашади.
Зулмларни йўқ қилиш учун Аллоҳ Таоло Исломни нозил қилди, шунга қайтишга чақиряпмиз. Ислом билан золим тузумлардан ҳам, босқинчи куфр державалар(Россия, Хитой, АҚШ, ЕИ)ни ҳукмронлигидан ҳам сақлана оламиз, бошқа йўл йўқ. Аллоҳ Таоло айтади:
بِسۡمِ ٱللَّهِ ٱلرَّحۡمَـٰنِ ٱلرَّحِیمِ الۤرۚ كِتَـٰبٌ أَنزَلۡنَـٰهُ إِلَیۡكَ لِتُخۡرِجَ ٱلنَّاسَ مِنَ ٱلظُّلُمَـٰتِ إِلَى ٱلنُّورِ بِإِذۡنِ رَبِّهِمۡ إِلَىٰ صِرَ ٰطِ ٱلۡعَزِیزِ ٱلۡحَمِیدِ
Алиф. Лом. Ро. Бу китобни сенга одамларни Роббиларининг изни ила зулматлардан нурга, азиз ва мақталган зотнинг йўлига чиқаришинг учун нозил қилдик. [14:1].
Ҳозирда нима учун золимлар кучли деб олданманглар, бу дунё синов дунёси, ким ҳақ томон, ким ноҳақ томон эканини ҳаммага ошкор қилиш учун Аллоҳ Таоло уларни ваҳшийликларини жазосини кейинга қолдиряпти. Аллоҳ Таоло айтади:
وَلَا تَحۡسَبَنَّ ٱللَّهَ غَـٰفِلًا عَمَّا یَعۡمَلُ ٱلظَّـٰلِمُونَۚ إِنَّمَا یُؤَخِّرُهُمۡ لِیَوۡمࣲ تَشۡخَصُ فِیهِ ٱلۡأَبۡصَـٰرُ
Сен ҳаргиз, Аллоҳ золимлар қилаётган нарсадан ғофил, деб гумон қилма. Фақатгина уларни кўзлар қотиб қоладиган кунгача қўйиб қўяди, холос. [14:42].
Энди кимга икки дунё саодати керак, кимга хорлигу-Охиратдаги аламли жазо керак эканини танлаш имконияти ўз қўлида, Аллоҳ Таоло айтади:
وَقُلِ ٱلۡحَقُّ مِن رَّبِّكُمۡۖ فَمَن شَاۤءَ فَلۡیُؤۡمِن وَمَن شَاۤءَ فَلۡیَكۡفُرۡۚ إِنَّاۤ أَعۡتَدۡنَا لِلظَّـٰلِمِینَ نَارًا أَحَاطَ بِهِمۡ سُرَادِقُهَاۚ وَإِن یَسۡتَغِیثُوا۟ یُغَاثُوا۟ بِمَاۤءࣲ كَٱلۡمُهۡلِ یَشۡوِی ٱلۡوُجُوهَۚ بِئۡسَ ٱلشَّرَابُ وَسَاۤءَتۡ مُرۡتَفَقًا
Сен: «Бу ҳақ Роббингиз томонидандир. Бас, ким хоҳласа, иймон келтирсин, ким хоҳласа, куфр келтирсин», дегин. Албатта, Биз золимларга деворлари уларни ўраб оладиган оловни тайёрлаб қўйганмиз. Агар ёрдам сўрасалар, эритилган маъдан каби юзларни қўғирувчи сув билан «ёрдам» берилур. Нақадар ёмон шароб ва нақадар ёмон жой [18:29].
Абдуллоҳ ибн Муҳаммад
