Матбуот баёноти
Ҳизб ут-Таҳрир – Танзания қайта ҳибсга олинган 12 маҳбуснинг озод этилишини талаб қилади
Ҳизб ут-Таҳрир – Танзания ўн йил ноҳақ ҳибсда сақлангандан сўнг 2025 йил 4 март куни озод этилган 12 шахснинг қайта ҳибсга олинишини кескин қоралайди. Ҳибсга олинган шахслар қуйидагилардир:
1 – Али Муҳаммад Авлатули (70 ёш);
2 – Хамис Муҳаммад Авлатули (61 ёш);
3 – Насуру Сулаймон Авлатули;
4 – Ражабали Муҳаммад Авлатули;
5 – На Рамазоний Хамис Муҳаммад Авлатули;
6 – Саъдий Абдуллоҳ Шамбита;
7 – Фазлий Шаъбоний Локумбий;
8 – Маниму Қосим Матун;
9 – Абдуллоҳ Бушерий Калукула;
10 – Хамис Али Масамба;
11 – Умрий Абдуллоҳ Макута;
12 – Муҳаммад Ҳасан Унжанду.
Бош прокурор айбловларни бекор қилгани учун ўтган ҳафта озод қилинган барча маҳбуслар ушбу муборак рамазон ойида яна шафқатсизларча қўлга олинди.
Давлат хизматининг «тергов давом этмоқда» деган баҳона билан узоқ йиллардан бери ҳибсда сақланган бу шахсларни яна ҳибсга олиши инсонпарварлик нуқтаи назаридан ниҳоятда оғир. Шундоқ ҳам айримлари ёши кекса, айримлари битта оиладан. Дастлаб етти киши бўлган бўлса-да улардан иккитаси ҳибсда вафот этди. Энг ёмони шунча шафқатсизликка қарамай, уларга ҳеч қандай товон тўланмайди.
Ҳизб ут-Таҳрир – Танзания терроризмга қарши кураш қонуни хорижий ва мустамлакачилик нуқтаи назаридан ишлаб чиқилганини ва айниқса Танзаниядаги мусулмонларга қарши қўзғатилган террорчилик ишларида жиддий шубҳали унсурлар борлигини бир неча бор таъкидлаб келган. Бу ҳолат кўплаб сиёсий саволларни туғдирмоқда: агар улар ҳақиқатдан ҳам айбдор бўлса, нега судга ҳеч қандай далил тақдим этилмаяпти? Нима учун ҳибсга олинганлар маъқул бир муддат ичида ишлари судга оширилишдан иборат ҳуқуқларидан маҳрум қилиняпти? Нега улар гаров эвазига озод қилинмаяпти? Нега озод қилингандан кейин яна ҳибсга олиняпти? Ва бошқа шу каби саволлар…
Бу ҳолат терроризмга қарши кураш ниқоби остида тизимли зулм сиёсати олиб борилаётганидан далолат беради. Биз Ҳизб ут-Таҳрир – Танзания аъзолари мусулмонларни ва барча виждонли кишиларни бундай адолатсизликка қарши овозларини баланд қилишга даъват қиламиз. Шунингдек, Танзанияда барча адлия муассасаларини прокурор қарорига риоя қилишга ва 12 маҳбусни зудлик билан озод қилишга чақирамиз.
Масъуд Мусаллим
Ҳизб ут-Таҳрирнинг Танзаниядаги
матбуот бўлими раиси
