بِسْمِ اللهِ الرَّحْمٰنِ الرَّحِيمِ
Ҳадиси Шариф билан
Бу Уммат жаннат аҳлининг ярмидир
Азиз мухлислар, “Ҳадиси Шариф билан” номли рукнимизнинг янги сонини самимий саломлар билан бошлаймиз. Сизларга Аллоҳ Таолонинг саломи, раҳмати ва баракоти бўлсин.
Имом ан-Нававий «Саҳиҳи Муслим»га ёзган шарҳининг “Бу Уммат жаннат аҳлининг ярмидир” бўлимида шундай дейди:
حدثنا هناد بن السري حدثنا أبو الأحوص عن أبي إسحق، عن عمرو بن ميمون عن عبد الله قال: قال لنا رسول الله صلى الله عليه وسلم: “أما ترضون أن تكونوا ربع أهل الجنة؟ قال: فكبرنا، ثم قال أما ترضون أن تكونوا ثلث أهل الجنة؟ قال: فكبرنا، ثم قال: إني لأرجو أن تكونوا شطر أهل الجنة وسأخبركم عن ذلك، ما المسلمون في الكفار إلا كشعرة بيضاء في ثور أسود، أو كشعرة سوداء في ثور أبيض“.
“Ҳанад ибн Саррий Ибн Абдуллоҳ розияллоҳу анҳудан шундай ривоят қилади: Расулуллоҳ соллаллоҳу алайҳи васаллам Бизга “Жаннат аҳлининг тўртдан бир қисми бўлишга рози бўлмайсизми?” дедилар. Биз “Аллоҳу акбар” дедик. Шунда у зот: «Жаннат аҳлининг учдан бир қисми бўлишга рози бўлмайсизми?”, дедилар. Биз яна: «Аллоҳу акбар», дедик. Сўнг У зот шундай дедилар: «Умид қиламанки, сиз жаннат аҳлининг ярми бўласиз. Мен сизга бунинг хабарини бераман. Мусулмонлар сони кофирларга қараганда худди қора ҳўкиздаги оқ тук каби ёки оқ ҳўкиздаги қора тук каби (оз бўлади).
Азиз биродарлар!
Бу Аллоҳ Таоло томонидан бизга берилган алоҳида шарафдир. Турли ҳил элатлар орасида бу Умматга берилган бу шарафдан ортиқроқ шараф борми? Демак, Расулуллоҳ соллаллоҳу алайҳи васалламнинг саҳобалари такбир айтганидек, сиз ҳам такбир айтинг. Ҳа, бу ҳадис Аллоҳ Таолонинг кўп оятларида баён қилинган нарсанинг тасдиғи сифатида келмоқда. Аллоҳ Таоло айтади:
وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُون
“Ер юзидаги кимсаларнинг жуда кўпларига итоат қиладиган бўлсангиз, сизни Аллоҳнинг йўлидан оздирурлар. (Зотан) улар фақат гумонларигагина эргашурлар ва фақат алдайдилар, холос”. (Анъом:116).
Аллоҳ Таоло Нуҳ (алайҳиссалом)нинг қавми ҳақида шундай дейди:
وَمَا آَمَنَ مَعَهُ إِلَّا قَلِيلٌ
Унга иймон келтирган кишилар эса жуда оз эдилар.
Яна айтади:
وَمَا يُؤْمِنُ أَكْثَرُهُمْ بِاللَّهِ إِلَّا وَهُمْ مُشْرِكُون
“Уларнинг кўплари Аллоҳга фақат мушрик бўлган ҳолларидагина иймон келтирадилар”. (Юсуф:106).
Яна айтади:
إِلَّا الَّذِينَ آَمَنُوا وَعَمِلُوا الصَّالِحَاتِ وَقَلِيلٌ مَا هُمْ
“Фақат иймон келтирган ва яхши амаллар қилган кишиларгина (зулм қилмаслар. Аммо) улар жуда оздирлар”. (Сод:24).
Яна айтади:
وَقَلِيلٌ مِنْ عِبَادِيَ الشَّكُورُ
“Бандаларим орасида шукр қилгувчи (зотлар жуда) оздир”. (Саба:13).
Эй мусулмонлар!
Бу севимли Пайғамбаримиз соллаллоҳу алайҳи васалламнинг хушхабаридир. Бу хушхабар сизда ўзгариш пайдо қилмайдими? Жаннат аҳлидан бўлиш учун қалбингиздан ўрин олмайдими? Айниқса, Аллоҳ Таолонинг ҳукми ер юзида йўқ бўлиб, уммат бир асрдан бери азоб чекаётган бир пайтда ер юзида Аллоҳнинг ҳукмини қайта тиклаш йўлида холис ҳаракат қилувчи инсонлар билан бирга ҳаракат қилишга ундамайдими? Аллоҳ Таоло ва Расули томонидан жаннат ваъда қилинган одамнинг ўзгартириш зарур бўлган пайтда жимгина ўтириши тўғрими?
Шундай экан, келинг, енг шимариб, Ҳизб ут-Таҳрир билан биргаликда Исломни тўлиқ ҳаётга татбиқ этиш учун ҳаракат қилайлик. Бунинг учун бор кучимизни аямасликка ваъда берганмиз. Буюк Аршнинг Роббиси бўлган Аллоҳдан сўзларимизни эшитиб, бизни уларнинг энг яхшиларига эргашувчилардан қилишини сўраймиз.
Азиз биродарлар, навбатдаги «Ҳадиси Шариф билан» номли рукнимизгача Аллоҳ Таолонинг паноҳида бўлинг. Сизларга Аллоҳ Таолонинг саломи, раҳмати ва баракоти бўлсин.
14 Ражаб, 1446ҳ йил.
14 январ, 2025м йил.
