بِسْمِ اللهِ الرَّحْمٰنِ الرَّحِيمِ
Ҳадиси Шариф билан
Аллоҳ Таоло мужоҳидлар учун жаннатда тайёрлаб қўйган даражалар
Азиз мухлислар, “Ҳадиси Шариф билан” номли рукнимизнинг янги сонини самимий саломлар билан бошлаймиз. Сизларга Аллоҳ Таолонинг саломи, раҳмати ва баракоти бўлсин.
Имом ан-Нававий «Саҳиҳи Муслим»га ёзган шарҳининг “Аллоҳ Таоло жаннатда мужоҳидлар учун тайёрлаб қўйган даражалар” бўлимида шундай дейди:
حدثنا سعيد بن منصور حدثنا عبد الله بن وهب حدثني أبو هانئ الخولاني عن أبي عبد الرحمن الحبلي عن أبي سعيد الخدري أن رسول الله صلى الله عليه وسلم قال:” يا أبا سعيد من رضي بالله ربا، وبالإسلام دينا، وبمحمد نبيا، وجبت له الجنة، فعجب لها أبو سعيد فقال: أعدها علي يا رسول الله. ففعل ثم قال: وأخرى يرفع بها العبد مائة درجة في الجنة، ما بين كل درجتين كما بين السماء والأرض. قال: وما هي يا رسول الله قال الجهاد في سبيل الله الجهاد في سبيل الله“
Саид ибн Мансур бизга Абу Саид ал-Худрийдан ривоят қилган ҳадисда Расулуллоҳ соллаллоҳу алайҳи васаллам: “Эй Абу Саид, ким Аллоҳни Роббим деб, Исломни диним деб ва Муҳаммадни пайғамбарим деб рози бўлса, унга жаннат вожиб бўлади”, дедилар. Абу Саид бундан ажабланиб: “Яна бир марта такрорланг, ё Расулуллоҳ”, деди. Расулуллоҳ соллаллоҳу алайҳи васаллам сўзларини такрорлаб, сўнг: “Яна бир нарса борки, у бандани Жаннатда юз даражага кўтаради, ҳар бир даража орасидаги масофа осмон билан ер орасидаги масофага тенгдир” дедилар. Абу Саид: “У нима ё Расулуллоҳ?” деб сўради. У зот: “Аллоҳ йўлидаги жиҳод, Аллоҳ йўлидаги жиҳод”, дедилар.
Қози Иёзд роҳмаҳуллоҳ айтадилар: “Бу ерда маъно ташқи кўриниш билан боғлиқ бўлиши мумкин. Даражалар ташқаридан қараганда бир-биридан юқори турадиган ва жаннатда очиқ кўриниб турадиган жойлардир. Жаннатдаги жойларнинг ўзгачалиги ҳам мана шунда. Чунки унинг хоналари ёрқин юлдузларга ўхшайди, дейилган. Шунингдек, у ҳеч қачон инсоннинг ҳаёлига келмаган мўл-кўл бахт ва буюк эзгулик маъносида ботиний кўринишга оид бўлиши ҳам мумкин. Аллоҳ Таоло инсониятга берган буюк эзгулик ва қадр-қиммат ҳар хил бўлади. Инсонлар ўз фазилати билан бир-биридан фарқ қилиши осмон билан ер орасидаги масофага тенг бўлади. Қози Иязд: “Биринчи маънонинг эҳтимоли кучли ва аниқдир, Валлоҳу аълам”, дейди.
Азиз биродарлар:
Жиҳод қилаётган мусулмонлар учун эшикларини очадиган жаннат мана шундайдир. Улар малай ҳукмдорлар қўйган барча тўсиқларни супуриб ташлаб, баланд овозда: “Биз жаннатга ошиқмиз, миллионлаган шаҳидлар” деб ҳайқиришди. Умматнинг рижоллари Аллоҳга берган ваъдаларини бажариш учун Шомда ушбу инқилобларни амалга оширди. Шундай экан, Шом аҳлини жаннатдаги мана бу мақомлари муборак бўлсин! Севимли Пайғамбаримиз соллаллоҳу алайҳи васаллам шундай дедилар:
”إذا فسد أهل الشام فلا خير فيكم، لا تزال طائفة من أمتي منصورين لا يضرهم من خَذَلَهُمْ حتى تقوم الساعة“
“Агар Шом аҳли бузилса сизларда ҳеч бир яхшилик қолмайди, Умматимдан бир тоифа нусрат қучишда давом этади, уларни ёрдамсиз ташлаб қўйган кимсалар уларга зарар етказолмайди, (бу ҳол) то қиёмат қоим бўлгунча (давом этади)”.
Пайғамбаримиз соллаллоҳу алайҳи васалламнинг бу хушхабарлари сизга муборак бўлсин. Бу жаннат ва унинг даражалари сизлар учун ва бу Умматдан сизга қўшиладиганлар учун ҳозирдир.
Эй мусулмонлар!
Шомдаги биродарларингизни ёрдамсиз қолдирмаслик ва жаннатдаги даражаларга эришиш учун Тунис, Ливия, Миср ва Яманда ҳам Шомдаги биродарларингиз каби ҳукмдорларингизни қулатинг. Бу инқилобларни бирлаштириб, Умматни Аллоҳнинг қонуни асосида бошқарадиган халифаликни барпо этиш мақсадида сизлар билан бирга малай ҳукмдорларни ағдариш учун армия сафидаги ўғлонларингизни ҳам исёнга чақиринг. Сунъий тортилган чегараларни олиб ташлаш орқали ўлкаларингизни бирлаштиринг. Бу билан Раббингизнинг қонунига бўйсунмаган золим ҳукмдорлар даврида бошингизга тушган оғир йилларнинг шармандалигидан қутиласиз. Аллоҳга қасамки, буни қилганлар Аллоҳга ва Унинг Расулига иймон келтирган бўлиб, жаннат ва унинг даражаларига эришадилар.
Азиз биродарлар, навбатдаги «Ҳадиси Шариф билан» номли рукнимизгача Аллоҳ Таолонинг паноҳида бўлинг. Сизларга Аллоҳ Таолонинг саломи, раҳмати ва баракоти бўлсин.
26 Жуммадус Саани, 1446ҳ йил.
28 декабр, 2024м йил.