بِسْمِ اللهِ الرَّحْمٰنِ الرَّحِيمِ
Ҳасан Насруллоҳ ўлдирилишининг қисқача обзори
Муҳандис Муждий Али
2024 йил 27 сентябр, жума куни Нетаняху, уни қарсак чалиб олқишлаб туриш учун у билан бирга келганларни ҳисобга олмаганда, деярли расмий делегация ва сиёсатчилардан холи залда ҳаёсизларча, кишини жиғига тегувчи оҳангда нутқ сўзлади. У нутқини тугатар экан, ҳарбий котиби келиб унинг қулоғига пичирлади. Шундан сўнг, у кутилмаганда матбуот брифингини тарк этди. Кўп ўтмай Нетаняхунинг суратлари (тармоқларда) тарқалди ва унинг катта операцияни амалга оширишга буйруқ бергани айтилди. Бироздан кейин яҳудий вужуди мудофаа вазири, бош штаб бошлиғи ва ҳаво кучлари қўмондонининг суратлари тарқалди. Уларнинг қимматли овга қарши операция ижросини кузатиб боришлари айтилди. Мусулмонлар қонини тўкиш учун олиб бориладиган бу жирканчли урушда, улар таърифлагандек, қимматли нишонга, яъни ер ости туннелларига етиб бориш баҳонасида кўп қаватли турар жой мажмуасини, том маънода, ичидаги яшовчилари билан яксон қилиш учун тонналаб бункерларни вайрон қилувчи бомбаларни ташлашга қарор қилинди. Улар айтаётган қимматли нишон Эрон ҳизби бош котиби Ҳасан Насруллоҳ ва кўп сонли раҳбарлар эди. Нетаняхунинг нутқи тугаганидан кўп ўтмай Байрут ва Мадинаи Мунаввара вақти билан соат олтилар атрофида Эрон ҳизбининг таянч нуқтаси бўлган Байрутнинг жанубий чеккасида ўнта кучли портлаш содир бўлди.
Шанба куни эрталаб яҳудийлар Насруллоҳ ўлдирилганини таъкидлашди. Ливандаги Эрон ҳизбининг баёноти эса, ўша куннинг асрига қадар кечикди. Эрон ҳам воқеа жойида юқори мартабали раҳбарлар ўлдирилганини эълон қилди.
Бўлиб ўтган воқеанинг, айниқса, бу зарбада Эрон ҳизбининг раҳбарлик иерархияси йўқ қилинганини эътиборга олганда, Ливан сиёсий саҳнасидаги ва минтақадаги катта қадам эканлигига шубҳа йўқ. Бундан олдин 2024 йил 20 сентябр, жума куни бир жойга тўпланган Ризвон бўлинмаси раҳбарларига зарба берилган эди. Ақсо тўфони бошланганидан бери бошқа раҳбарлар концентрацияланган ҳаво ҳужумлари орқали индивидуал (якка тартибдаги) суиқасд йўли билан йўқ қилинди.
2023 йил 7 октябрда Ақсо тўфони операцияси бошланганидан кейиноқ Эрон ҳизби 2023 йил 8 октябрда «қўллаб-қувватлаш ва машғул қилиш» деб аталган фронт линиясига кирди ва ҳозиргача шу фронтда давом этди. У яҳудий вужудининг ҳарбий объектларига ракета ва дрон зарбаларини беришга таянди. Жанг қоидалари деб аталган қоидалардан ошиб ўтиб кетмаслик учун фуқаровий объектларга зарба беришдан қочди. Яҳудий вужуди эса, ушбу қоидаларнинг барчасини бузиб ўтиб, Ҳасан Насруллоҳни, Ҳизбуллоҳ ва Эроннинг юқори мартабали раҳбарларини ўлдиришгача етиб борди. Бу нишонларга етиб бориш йўлида юзлаб тинч аҳолини ўлдирди.
Ал-Ваъй журналининг 2005 йил март ойида чиққан 217 сонида қуйидагича келади: (Таниқли сиёсий арбобларга қарши суиқасд операциялари маҳаллий қарор билан амалга оширилмайди. Аксинча, бундай операциялар учун бир ёки бир нечта йирик давлатларнинг халқаро ҳимояси керак бўлади ва бу нишондаги шахсдан «сиёсий ҳимояни кўтариш» деб номланади. Баъзи ҳолларда жисмонан йўқ қилиш қарори маҳаллий томонга хориждан келиши ёки аксинча, маҳаллий томон йўқ қилишга рухсат сўраши мумкин. Шунда агар хорижий томон маҳаллий малай фикрининг асослилигига ишонч ҳосил қилса, розилик хориждан келади…).
Биз сиёсий ҳимоя кўтарилишига дуч келдикми?! Биз минтақанинг, айниқса, Фаластин ва Ливанда, янгидан шаклланишига дуч келдикми?! Америка келишувга замин тайёрлаш ва минтақанинг ҳарбий қанотларини йўқ қилиш учун йирик қуролли кучларга тузоқ қўйдими?! Малай ёки орбитадаги (катта давлат таъсир доирасида айланувчи) давлатлар ўзлари унга қарам бўлган ёки узоқ йиллар давомида орбитасида айланган хўжайинларига кўрсатган хизматлари мевасини йиғиб олиш учун ўз тарафдорларини сотдими?». Бундан Фаластин Озодлик Ташкилотининг ҳарбий раҳбарлари йўқ қилиниб, унинг сиёсий раҳбарлари сақланиб қолганида ва ҳамон сақланиб қолаётганида юз берганидек, бу қуролли кучларнинг сиёсий ҳаракатларга чекиниши кўзда тутилганми?! Бу – бошқа йирик гуруҳларни тўкилган қонлар ва сочилган таналар таъсири остида музокара столига ўтиришда ўз ифодасини топган сиёсий ҳаракатлар сари қадам ташлашга қайтариш учун уларнинг ҳарбий ҳаракатлари раҳбарларини йўқ қилишга уринишми?! Эрон бошчилигидаги «қаршилик ўқи»нинг сукут сақлаши ҳамда фақат таъзия ва ҳамдардлик билдириб қўйиш билан кифояланиши наҳотки табиий бўлса?! Эронда ҳокимиятга ислоҳотчи президентнинг келиши, шунингдек, унинг ёнига Америка малайи Жавод Зарифнинг стратегик ишлар бўйича маслаҳатчи бўлиб келиши бежиз эмасми ёки бу шунчаки тасодифми?! Ўзгаришларга тўла келгуси кунлар, шубҳасиз, бу саволларга жавоб беради.
Иймонли жанговар гуруҳнинг зарбаларидан яҳудий вужуди ларзага келган пайт жанговар гуруҳлар учун тобе малайлар билан алоқани узиб, қатъият кўрсатиш ва бор имконият билан зарба бериш имконияти эди. Шунингдек, бу пайт армияларнинг ҳукмдорларга қарши исён қилишлари ҳамда Фаластин ва Ливанга ёрдам кўрсатиш сари олдинга интилишлари учун қулай имконият эди. Агар Аллоҳ улар томонидан Тавба сурасининг 15 оятида «Улар билан жанг қилинглар» деб келган буйруғини амалга ошириш учун жанг сари илк қадам ташланганини, яъни самимий ташаббусни кўрганида, улар учун Ўз изни ила оятнинг қолган қисмидаги нарсани рўёбга чиқарар эди. Аллоҳ Таоло айтади:
﴿قَٰتِلُوهُمۡ يُعَذِّبۡهُمُ ٱللَّهُ بِأَيۡدِيكُمۡ وَيُخۡزِهِمۡ وَيَنصُرۡكُمۡ عَلَيۡهِمۡ وَيَشۡفِ صُدُورَ قَوۡمٖ مُّؤۡمِنِينَ + وَيُذۡهِبۡ غَيۡظَ قُلُوبِهِمۡۗ وَيَتُوبُ ٱللَّهُ عَلَىٰ مَن يَشَآءُۗ وَٱللَّهُ عَلِيمٌ حَكِيمٌ﴾
«Улар билан жанг қилинглар, (шунда) Аллоҳ уларни сизларнинг қўлингиз билан азоблайди, расво қилади ва сизларни уларнинг устига ғолиб қилади ҳамда мўмин қавм дилларини қондириб, кўнгилларидаги ғам-андуҳни кетказади. Аллоҳ Ўзи хоҳлаган кишиларнинг тавбаларини қабул қилур. Аллоҳ билим ва ҳикмат соҳибидир» [Тавба 14-15]
Акс ҳолда, кейинги 16 оятда келган нарса уларга тегишлидир. Аллоҳ Таоло айтади:
﴿أَمۡ حَسِبۡتُمۡ أَن تُتۡرَكُواْ وَلَمَّا يَعۡلَمِ ٱللَّهُ ٱلَّذِينَ جَٰهَدُواْ مِنكُمۡ وَلَمۡ يَتَّخِذُواْ مِن دُونِ ٱللَّهِ وَلَا رَسُولِهِۦ وَلَا ٱلۡمُؤۡمِنِينَ وَلِيجَةٗۚ وَٱللَّهُ خَبِيرُۢ بِمَا تَعۡمَلُونَ﴾
«(Эй мўминлар), балки сизларнинг орангизда (ҳақ йўлда) курашган ва Аллоҳдан, Унинг пайғамбаридан ва мўминлардан ўзга бирон кимсани дўст тутмаган зотларни, Аллоҳ билмасдан (яъни, имтиҳон қилмасдан ўз ҳолига) қўйиб қўйишини ўйлагандирсизлар?! Аллоҳ қилаётган амалларингиздан хабардордир» [Тавба 16]
Оятнинг маъноси қуйидагича: эй мўминлар, уларга қарши жанг қилинглар, Аллоҳ уларни сизларнинг қўлингиз билан азоблайди ёки Аллоҳ қай бирингиз Исломда ростгўю, қай бирингиз ёлғончи эканини билиш учун сизларни синамасдан, шунингдек, орангизда Ўзининг йўлида жиҳод қилишга лойиқ зотлар ким эканини, бу борада Аллоҳ ва Унинг Росулидан ҳамда мўминлардан ўзга бирон кимсани сирдош тутмаган зотлар билан Аллоҳнинг амрини зое кетказаётган ва бефарқлик қилаётганлар ким эканини текширмасдан, ҳеч бир машаққат билан синамасдан, ҳеч бир имтиҳонга солмасдан сизларни тек ташлаб қўяди, деб ўйлаяпсизми?! Йўқ, Аллоҳ сизларнинг қилаётган барча қилмишларингизни, жумладан, Аллоҳ ва Унинг Росулидан ва мўминлардан ўзгани сирдош тутганингизни яхши билади, зотан, У сизни бундан қайтарганди. Аллоҳга бу ва бошқа амалларингиз маълум ва У сизни шу амалларингизга қараб, яхши амал бўлса яхшилик билан, ёмон амал бўлса ёмонлик билан тақдирлайди.
Роя газетасининг 2024 йил 2 октябр чоршанба кунги 515-сонидан
