Эрдоған ифторлик дастурида Туркиянинг янги юз йили ҳақида сўз юритди

881
0

Эрдоған ифторлик дастурида Туркиянинг янги юз йили ҳақида сўз юритди

Туркия президенти Ражаб Тоййиб Эрдоған президентлик академияси кўргазмалар залида зилзиладан жабр кўрганларга ифторлик дастури ташкил қилди. 27 нафар давлат депутатлари ҳам иштирок этган дастурда нутқ сўзлаган Эрдоған ушбу ифторлик дастури 85 миллионлик Туркия халқининг бирдамлиги ва ҳамжиҳатлигининг рамзи эканлигига ишонишини билдирди.

Президент Эрдоған нутқи давомида, олти аср ҳукм сурган Усмонли давлати тарих саҳнасидан чекиниши ортидан ташкил этилган Туркия давлати “жумҳурият”нинг биринчи юз йилини ортда қолдирганини таъкидлар экан, сўзларини шундай давом эттирди: “Жумҳуриятимизнинг биринчи юз йили юксалиш ва пасайишлар билан ўтди. Биз бир партиялилик давридан кўп партиявий сиёсий ҳаётга ўтишни, ундан кейинги тўнтаришларни, қатор меморандумларни, демократия ва тараққиётга интилишларни, иқтисодий қийинчиликлар ва террор хуружларини бошдан кечирдик. Бугун биз жумҳуриятнинг биринчи юз йилини ортда қолдирмоқдамиз. Аммо бу – бундан сўнг интилаётганимиз жумҳуриятимизнинг янги иккинчи юз йили учун қўйилаётган биринчи қадамдир. Бугунги кунгача “2023 йил”ги мақсадларимизга етиш учун олдинга интилдик. Бундан буён Туркиянинг янги юз йили сари олға қадам ташлаймиз”, “ҳеч қандай тўсиқ бу юксалишнинг олдини олишига ва бизни тўхтатиб қолишига йўл қўймаймиз. Келгуси даврда мамлакатимизни дунёнинг иқтисодиёти энг кучли 10талик давлатлар қаторига киритиш мақсадимиз сари Аллоҳнинг изни билан дадил ва олға қадамлар ташлаймиз”.

Изоҳ: Президент Эрдоған бугунги кунгача моҳирлик билан амалга ошириб келган “Туркиядаги мусулмонларнинг қўйнини пуч ёнғоқ билан тўлдириш” ишини эндиликда тез-тез тилга олаётган “Туркиянинг янги 100 йиллиги” шиори билан давом эттирмоқчи бўляпти. Аслини олиб қаралганда, Халифалик давлати қулатилиб, Туркия “жумҳурият”, деб эълон қилингандан буён нафақат Туркиядаги мусулмонлар, балки бутун дунёдаги мусулмонларнинг бошига келмаган бало қолмади. Мана юз йилдирки, Ислом олами қашшоқлик, жаҳолат, заифлик, қолоқлик, ижтимоий таназзул ва ғарбга қарамлик каби иллатлар гирдобида қолиб кетмоқда. Ваҳолангки, Ислом цивилизацияси асрлар мобайнида дунёни нурга тўлдирган ва ўзи ҳукмронлик қилган юртларни ривожлантириб, илм-фан ва маданиятнинг кенг тарқалишига сабабчи бўлган эди. Бугунги кунда халифалик давлати эшик қоқиб турган бир пайтда, Эрдоғаннинг “Туркиянинг янги 100 йиллиги” дея жар солиши хўжайинларининг манфаатидан келиб чиққан ҳолда ўз мансабини сақлаб қолиш учун Умматни қурбон қилишдан ўзга нарса эмас.

Аммо бу Ислом Умматига қарши қилинаётган бундай ҳаракатлар инша Аллоҳ пучга чақади. Чунки бу Уммат кундан кунга тобора уйғониб, ўзлигини таниб бормоқда. Адолат кўзи билан қараган киши Ислом Умматининг кўзи анчагина очилиб қолганини кўриши мумкин. У яна 100 йил жаҳолат ва разолат узра тентираб юришга асло рози бўлмайди. Масалан Сурияда 10 йилдан ортиқ қирғинга дучор бўлса ҳам, бу Уммат яна Шариат билан яшашни талаб қилиб чиқишда давом этмоқда. Халифалик давлати соясида ҳаёт кечириш орзуси Умматнинг тилига кўчиб ўтди. Бу ва бунга ўхшаш ҳолатлар ҳамда ғарбнинг сиёсий Исломнинг уйғониши хатаридан тинимсиз огоҳлантиришлари Ислом Умматининг ўзлигини таниб бораётганлигига ёрқин далилдир.

Фақат шуни англаб етмоғимиз лозимки, Ислом Умматининг азизлигини қайта тиклаш Исломнинг ўзига хос ягона бошқарув тизими бўлган Халифалик давлатини тиклаш билангина амалга ошади. Демак, мусулмонларнинг олдида турган энг муҳим вазифа Умматга яна ҳаётийлигини қайтарадиган мана шу Халифалик давлатини тиклаш учун ҳаракат қилишдир.

Зоҳид Заргар

LEAVE A REPLY

Please enter your comment!
Please enter your name here