Тунис бош вазирасининг Франция ғазначилиги бош директори билан учрашиши тобеликни кучайтириш ва кризисни мураккаблаштиришдан ўзга нарса эмас!

1523
0

بِسْمِ اللهِ الرَّحْمٰنِ الرَّحِيمِ

Тунис бош вазирасининг Франция ғазначилиги бош директори билан учрашиши тобеликни кучайтириш ва кризисни мураккаблаштиришдан ўзга нарса эмас!

Бир йил олдин (2022 йил 31 декабрда) Тунисга келган Франция ғазначилиги бош директори Эммануэль Мулен 2023 йил 24 январ сешанба куни Тунис бош вазираси Нажло Будин Рамазон томонидан Қасабадаги ҳукумат саройида яна кутиб олинди. Унга Франциянинг Тунисдаги элчиси Агдре Паран ҳамроҳлик қилди.

Ҳукумат чиқарган расмий баёнотга кўра, бу учрашув Тунис билан Франция ўртасида турли соҳаларда, хусусан, иқтисодий ва молиявий соҳаларда ўзаро маслаҳатлашув ва фикр алмашув йили доирасида бўлиб ўтмоқда.

Бу хусусда, икки франциялик расмий Франция иқтисодий ривожланиш, ўсиш суръати ва ижтимоий фаровонликни тиклаш учун зарурий ислоҳотларни амалга оширишдаги Туниснинг саъй-ҳаракатларини қўллаб-қувватлашини таъкидлади.

Ўз навбатида, Ҳизб ут-Таҳрир – Тунис вилояти матбуот бўлими бу ҳақда қуйидагиларни таъкидлади:

«Ушбу шубҳали учрашувдан Тунис билан мустамлакачи Франция ўртасида логистика бўйича билимларни мувофиқлаштириш ҳамда тажриба ва фикр алмашиш мақсад қилингани айтилмоқда. Бироқ, учрашувнинг моҳиятига умумий сиёсий оқим бўйича ҳамда Тунис бошдан кечираётган хорларча қарамлик ва барча соҳадаги, айниқса пул-кредит соҳасидаги кризислар бўйича қараш лозим…

Минг афсуски, бугун юртимизда шундай ҳукуматни кўриб турибмизки, у мустақилликни ва коррупцияга қарши курашни даъво қилиб, қўзғолон шиорларини кўтариб чиқяпти-ю, бироқ бир вақтнинг ўзида, одамларнинг жонини, нонини ва ишлари бошқарувини биз тўғримизда ваъдага ҳам, бурчга ҳам боқмайдиган мустамлакачи кофирга топшириб қўймоқда. Аллоҳ Таоло бундай деган:

 وَلَن يَجْعَلَ اللَّهُ لِلْكَافِرِينَ عَلَى الْمُؤْمِنِينَ سَبِيلاً 

«Аллоҳ ҳаргиз кофирлар учун мўминлар устига йўл бермагай» [Нисо 141]

Айни дамда, бу илмоний ҳукмрон синф бутун олам Парвардигори нозил қилган қонунчилик тизимидан қасддан кўз юмиб, такаббурлик қилмоқда. Ваҳоланки, ушбу ваҳи тизими инсоннинг озиқ-овқат, кийим-кечак, соғлиқни сақлаш соҳасидаги ҳамда молиявий-иқтисодий ишларни бошқариш бўйича ҳаётининг ҳар бир тафсилотидаги муаммоларини унга инсон деган эътиборда қараб, ҳал қилади. Шундай экан, бу синф Аллоҳнинг аҳком ва қонунчиликларига қачонгача такаббурлик қилади?! Қачонгача Ислом тузуми ва тафсилотларига бунчалик қарши чиқиб, бизга зиён етказиш пайида юрган мустамлакачи кофирнинг қўйнига киришда бир-бирлари билан мусобақалашадилар?!

Роя газетасининг 2022 йил 1 феврал чоршанба кунги 428-сонидан

LEAVE A REPLY

Please enter your comment!
Please enter your name here