Садир Жапаров амалдорларни исрофгарчиликка йўл қўймасликка чақирди
Хабар: Президент Садир Жапаров 28-декабр куни Вазирлар маҳкамасининг йил якунлари бўйича йиғилишида ортиқча сарф-харажатларга йўл қўяётган амалдорларни танқид остига олиб, исрофгарчиликка қарши курашда халққа ўрнак бўлишга чақирди.
“Айрим амалдорлар халққа ўрнак бўлиш ўрнига ортиқча сарф-харажатлар қилаётганлари бор. Исрофгарчилик бўйича халқдан талаб қилишдан аввал шу ерда ўтирганлар, бизнинг маъмурият, вазирликлар, вилоят, туман ва қишлоқ ҳукуматларида ишлаётганларнинг ўзлари ўрнак бўлишлари керак. Тўй қилсак 500-1000 кишини чақириб, данғиллатиб тўй қиламиз. Кейин бир-бирини кўриб оддий халқ чўнтагида пули йўқ бўлса ҳам номусланиб тўй бериб, сизларга эргашади. Шунинг учун биз уларга ўрнак бўлишимиз керак. Исрофгарчиликка қарши иш олиб боринг, назоратга олинг. Сўзда айтиб, амалда бажармаслик масъулиятсизлик”, – деди Жапаров.
Изоҳ: Амалдорларни исрофга йўл қўймасликка чақираётган Жапаровнинг ўзи расмий учрашувларда энг арзони 1000 долларлик туфли кийиб чиқиши, мамлакат бўйлаб амалга оширган сафарлари ва дам олишларида 5-10 минг долларлик куртка ва спорт кийимларида пайдо бўлиши оддий ҳол бўлиб қолди. Бундан ташқари, футбол бўйича Жаҳон чемпионатининг финал учрашувини бевосита стадиондан томоша қилиш учун 50-60 минг доллар сарфлаб Қатарга бориши халқ тўлаган солиқлар ҳисобидан тўлдириладиган бюджет пулларини исроф қилишлик эмасми? Ёки бу маблағлар Жапаровнинг шахсий мулкидан сарфланмоқдами? Агар шундай бўлса, Жапаров бу бойликка қачон ва қандай йўллар билан эришган? Сўзи бошқа, амали бошқалик нафақат масуълятсизлик, балки мунофиқлик аломатидир. Агар Жапаров ўз халқига жони ачишиб, халқ фаровонлигини ўйлаганида сентябр ойида қирғиз-тожик чегарасида содир бўлган қуролли тўқнашувларда жабр кўрган ва ҳозирга қадар уй-жойсиз сарсон-саргардон бўлиб юрган боткенликлар ҳақида қайғурган бўлар эди. Унинг бир дона курткасини пулига бир нечта хўжалик вайрон бўлган уйини қуриб битказиб, қишли-қировли кунларда ўз уйда ўтирган бўлар эди. Аммо одатдагидек, Жапаров бу сафар ҳам популистик ҳаракатдан нарига ўтмаяпти. Чунки, у ва у каби амалдорлар ўзларига берилган ваколатни омонат ва жавобгарчилик деб эмас, балки бойлик орттириш воситаси сифатида кўришади. “Чиллаки чиллакини кўриб чумак уради” дейилганидек, Жапаровнинг бу сарф-ҳаражатларини кўриб турган бошқа амалдорлар ҳам кимўзарга пойга ўйнаши аниқ.
Ислом тарихидан маълумки, Умар розияллоҳу анҳу ўрнидан турганида тўни йиртиқ, қорни эса очликдан “қурул”ларди. Шунда у қорнига қараб: “Эй қорним! Хоҳла қурулла, хоҳла қуруллама, токи мусулмон гўдаклар тўймагунича сени тўйғизмайман!” – дер эди. Умар розияллоҳу анҳу тақвода ўзлари ўрнак бўлар ва бошқа волилардан ҳам шуни талаб қилар эдилар.
Умар ибн Хаттоб розияллоҳу анҳу халифалиги даврида у зотга Каъбапўшни янгилаш таклиф қилинганда: “Мусулмонларнинг қорни мен учун Каъбага ипак тўшамоқдан муҳимдир!”, деган эдилар. Чунки, Хулофаи рошидинлар ва улардан кейин келган халифалар ўзларига берилган ҳокимият ва салтанатни мансаб ёки лавозим, шахсий бойлик орттириш манбаси деб эмас, балки жавобгарлик-масъулият деб тушинишган. Қиёматда бунинг учун ҳисоб қилинишларини, агар масъулиятларини адо эта олишмаган бўлишса, Аллоҳнинг ғазабига дучор бўлишларини аниқ англаб етишган. Шу сабабли ҳам ҳар бир фуқаросининг асосий эҳтиёжлари таъминланишига жиддий эътибор қаратишган.
Эй мусулмонлар, сизлар ишларингизни ғамхўрлик ва адолат билан бошқарадиган, сизларни бу дунёда хотиржамлик ва фаровонликка олиб чиқадиган, охират саодатига етаклайдиган раҳбар устиларингда бош бўлишини хоҳласизми, у ҳолда Халифалик давлатини тиклаш йўлида бор имкониятиз билан ҳаракат қилинг. Халифа халқ устидан бўлган раҳбарликни мансаб ёки амал деб эмас, балки жавобгарлик ва масъулият сифатида қабул қилади ва бунинг учун Аллоҳнинг олдида жавоб бериши кераклигини билади.
Пайғамбаримиз Муҳаммад соллаллоҳу алайҳи ва саллам дедилар:
“Барчангиз раҳбарсизлар ва ўз қўл остидагиларингиздан сўралурсизлар. Одамлар устидан турган имом раҳбардир ва у ўз қўл остидагидан сўралур. Эр киши ўз аҳли байтида раҳбардир ва у ўз қўл остидагидан сўралур. Аёл киши эри ва (эрининг) Ўғли уйида раҳбардир ва у ўз қўл остидагидан сўралур…”. (Бешовлари ривоят қилганлар).
Абудраҳмон Одилов
