بِسْمِ اللهِ الرَّحْمٰنِ الرَّحِيمِ
Уммат қўзғолони то Халифалик барпо бўлгунга қадар давом этади
Жорий йил 17 декабрда Тунисда қўзғолон бошланганига ўн икки йил тўлди. Ислом ва Халифалик Тунис дохил мусулмон юртларида афкори оммага айланган бир пайтда, Мустамлакачи кофир Ғарб ҳамда унинг ҳокимиятдаги вакиллари Тунис аҳли иродасини синдириш, қўзғолон оловини юракларидан ўчириш ва Ислом асосида туб ўзгариш қилишга бўлган ҳар қандай уринишни йўқ қилиш учун барча восита ва имкониятларини сарфлашяпти.
Ҳа, кофир Ғарб ушбу қўзғолон унинг минтақадаги нуфузига улкан хавф туғдиргани учун биринчи кундан бошлаб уни ҳаракат йўлидан адаштиришга уринди. Шу мақсадда 2011 йилнинг майида Франциянинг Довиль коммунасида G8 саммити ўтказилди. Саммитнинг якуний хулосаси мазмуни Тунисни халқаро шартномалар билан занжирбанд қилиш, ташқи қарзлар ботқоғига ботириш ва унинг келажагини инсон томонидан яратилган конституция орқали Ғарбнинг ҳаётга бўлган қарашларига мувофиқ чизишдан иборат бўлди. Маълумки, Ғарб Исломни ҳокимиятга яқинлаштирмайдиган ва ўз манфаатларини ҳимоя қиладиган ушбу конституция орқали сиёсий майдонда гегемонлик қилиб, истаган одамларини ҳокимият тепасига олиб келади. Мана шундай макр-ҳийлаларга қарамай, Ғарб ҳам, арзонгаров қўғирчоқлари ҳам қўзғолон оловини ўчиришга муваффақ бўлишолмади. Ана шунда 2021 йил 25 июл ҳаракати пайдо бўлди. Бу ҳаракат бир малай ўрнига бошқа бир малайни ўтқазиш ва 2014 йилги конституцияни бошқа конституцияга алмаштириш орқали Тунисда жар ёқасига келиб қолган илмоний режимни сақлаб қолишга қаратилди. Ғарб шундай қилса, юртни аввал Исломидан, тузумидан ва аҳкомларидан айириб, сўнг қонунчилик ва бошқа ижро соҳаларида ўз ҳукмронлигини сақлаб қолишни таъминлаган бўлади.
Ушбу Тунис қўзғолонининг ўн икки йиллиги хотирасида, Ҳизб ут-Таҳрир – Тунис вилояти матбуот бўлими баёнот нашр қилиб, қуйидагиларни таъкидлади:
«Парламент сайловлари, деган бу саҳна ўйини Аллоҳ билан қонунчилик талашиш жиноятидир. Бу жиноятнинг президент Қайс Саид томонидан айнан Уммат қўзғолони хотираси пайтида қилинаётгани эса, саҳна ўйинининг иккинчи бўлимидир. Бундай тил бириктирувдан қўзғолон ишини ёпиш ва барча машаққату бахтсизлик сабабчиси бўлган илмоний тузумни мустаҳкамлаш кўзланган. Бундан ташқари, айни тил бириктирув Ғарб давлатларига янги парламент тузиш орқали фавқулодда ҳолатдан чиқиб олиш, шу орқали Ғарб манфаатларини сақлаб қолиш ва президент ҳокимиятининг Халқаро Валюта Фонди олдидаги мажбуриятларини бажаришда олдинга силжитиш имконини беради.
Ҳақиқатда, умид чироқларини ёқаётган нарса шуки, бу сайловлар режимни мустаҳкамловчи бир ўйин эканини, сайловларда Ғарб доираларининг функционал мулозимларидан бошқа кимсалар келмаслигини Уммат тушунмоқда. Мана, Одамлар конституция бўйича референдумни бойкот қилиб, келаси сайловларда қатнашишдан бош тортдилар ва бу мустамлакачи билан унинг малайлари юзига тортилган қақшатқич тарсакидан бошқа нарса эмас».
Матбуот баёнотида Тунис аҳлига хитобан бундай дейилди:
«Туб ўзгаришни амалга ошириш бугун зиммамиздаги фарз амали ҳисобланади. Бузуқлигига ўзлари гувоҳ бўлган бу воқеликни ўзгартириш учун одамларнинг жиддий ҳаракат қилишдан бошқа алтернативаси ҳам, ихтиёри ҳам йўқ. Зеро, ҳозирда қўзғолон аро йўлда қолиб, оғир имтиҳонга дуч келди. Яъни баъзилар уни илдизи билан қўпориб йўқ қилишни, ҳаракат оловини ўчириб битиришни истаётган бўлса, уларнинг қаршисида, қўзғолон мафкурасини сақлаб қолиш, оловини алангалатиш ва ҳаракатини ўзининг сиёсий лойиҳаси асосидаги стратегик назарияга мувофиқ тўғри йўналишга солиш учун фаолият қилаётганлар турибди. Шубҳасиз, бу Пайғамбарлик минҳожи асосидаги рошид Халифалик лойиҳасидир…
Биз Ҳизб ут-Таҳрир – Тунис вилояти аъзолари сиз тунислик аҳлимизга қўзғолонингизни Ислом билан охирига етказишингизни ва сизларга тақдим этаётганимиз альтернативани қабул қилишингизни насиҳат қиламиз. Буюк Исломга асосланган ушбу альтернатива Умматни боши берк кўчадан чиқаришга ва қўзғолонни ўзгармас мақсадларини амалга оширишга қодир ягона альтернативадир. Шубҳасиз, қўзғолоннинг ўзгармас мақсадлари қонхўр режимни барча башаралари, арконлари ва рамзлари билан бирга ағдариш ҳамда Исломга асосланган ҳокимиятни барпо этишдан иборат. Зеро, Аллоҳ бизга амр қилган ушбу Пайғамбарлик минҳожи асосидаги рошид Халифалик ҳокимияти адолат тарозини қўяди».
Роя газетасининг 2022 йил 21 декабр чоршанба кунги 422-сонидан
