Шом қўзғолонини йўқ қилиш учун «Чумоли изи» стратегиясига ҳамон амал қилинмоқда…
Эҳтиёт бўлинглар!
Туркия расмий манбаларининг Ал-Жазира телеканалига маълум қилишича, Туркия асосан курдларнинг «Халқ ҳимояси отрядлари»дан иборат Сурия Демократик Кучларининг Сурия шимолидаги Манбиж, Айнул Араб, Кобани ва Талл Рифот шаҳарларидан чиқиб кетишларини шарт қилиб қўйган. Шунингдек, манбаларнинг қўшимча қилишича, Анқара «Сурия Демократик Кучлари», жумладан хавфсизлик ва чегара кучларига муқобил сифатида Сурия режими муассасаларининг қайтарилишини ҳам шарт қилган.
Эй муборак Шом заминидаги мусулмонлар!
Турк режимининг муборак Шом қўзғолонига қарши ўйнаган ва ҳамон ўйнаётган роли ҳеч кимга сир бўлмай қолди. У Ҳалаб шаҳрини ҳамда Мурек шаҳридан то Ҳалаб шаҳрининг шимоли ва шимолий ғарбигача бўлган ҳудудларни қонхўр режимга топширгандан сўнг, бугунга келиб бошқа ҳудудларнинг ҳам топшириш ҳаракатини давом эттиряпти. Мақсади – бу режимнинг қайта оёққа туришига ва Суриянинг барча ерларида ўз ҳукмронлиги ва нуфузини қайта тиклашига ёрдам беришдир.
Шунингдек, Турк режими Сурия Демократик Кучлари назорати остидаги айрим ҳудудларни ҳам Асад режимига топшириш билан яқинлашиб келаётган Туркия президентлик сайловларида «очко» тўплашга интилмоқда. Бир томондан, Сурия миллий хавфсизлик кучларини қўллаб-қувватламоқчи бўлса, бошқа томондан, Шом тоғути билан учрашишдан олдин айни ҳудудларни унга совға сифатида тақдим қилишни истаяпти.
Турк режими жангчи гуруҳларнинг етакчиларидан иборат ўзининг қўғирчоқлари ёрдамида Шом қўзғолонига қарши содир этган ва содир этаётган жиноятларга сукут қилмоқ қўзғолонга қарши жиноят ҳамда сиёсий жиҳатдан ўз жонига қасд қилиш ҳисобланади. Бундай қилаётганлар эртага ўз оқибатларига йўлиққанларида чуқур пушаймон бўладилар. Фарзандларининг тўкилган ҳар қатра қонини зое кетказганлиги учун надомат чекадилар… Кўчириб юбориш, вайроналар, қамоқлар ва қийноқлар кўринишидаги ҳар қандай азоб-уқубат ҳақида гапирмаса ҳам бўлади.
Турк режими тутаётган бу йўлнинг охири ҳар қандай оқил инсонга маълум. Хўжайинларининг яшил чироғисиз Сурия Демократик Кучларига қарши ҳарбий амалиётлар олиб боришга ожизлиги, унинг назорати остидаги айрим ҳудудларни озод қилинган ҳудудларга қўшиб олиш ва кўчирилган аҳолини ўша ҳудудларга жойлаштиришга уриниш ўрнига бу ҳудудларни жиноятчи режимга топширишни талаб қилиши ҳамда етакчилар билан тил бириктириб, жангчи гуруҳларни айни минтақаларни озод этишга жиддий ҳаракат қилишдан тўсиши Туркия режимининг асл башарасини ва Шом қўзғолонига нисбатан хиёнат даражасини очиқ кўрсатиб турибди.
Буларнинг барчаси кўчирилган одамларнинг ўз юртларига қайтиши шунчаки хомхаёлга айланганини, Туркия режими ёки бошқаларнинг қўллаб-қувватлаш даъвосига таяниб, Сурия режимини ағдариш ёки унинг жиноятлари учун жавобгарликка тортиш ўтмишда қолганини, шунингдек, қотил режим билан сулҳ тузиш ва Шом инқилобини йўқ қилиш учун олиб борилган «чумоли изи» сиёсати турли услуб ва сон-саноқсиз ҳийлалар билан жадал суръатда давом этаётганини англатади.
Эй Ислом маркази бўлмиш Шомдаги мусулмонлар!
Биз кофир Ғарбнинг муборак Шом қўзғолонига қарши тузган тузоқ ва тил бириктирувларини фош этишга ҳаракат қилдик ва ҳамон ҳаракат қилишда давом этмоқдамиз. Бу фитналарга қарши курашиш учун барча самарали услуб ва воситаларни ишга соляпмиз. Заҳри ҳалигача жангчи гуруҳларнинг хоин етакчилари томирларида оқаётган нопок сиёсий пуллардан огоҳлантиришимиз биринчиси эмас. Шунингдек, гуруҳларнинг ичида давом этаётган ўзаро қирпичоқ бўлишлардан ҳамда Женева, Сочи ва Остона каби барча халқаро конференциялар натижасидаги сулҳ, музокара ва қарорлардан огоҳлантириб келдик.
Мана, бугун ҳам биз Ҳизб ут-Таҳрир – Сурия вилояти аъзолари қайта шуларни таъкидлаймизки, ушбу ҳолатдан чиқишнинг ягона ечими нусрат ва муваффақият омилларини таъминлашдан, асосан, Аллоҳ Азза ва Жалланинг арқонини маҳкам ушлашдан иборатдир. Қолаверса, бунинг учун аввало барча давлатлар билан алоқани узиш ҳамда Ислом ақидасидан балқиб чиққан очиқ сиёсий лойиҳани қабул қилган ростгўй, холис ва онгли етакчилик атрофида халқ базаси ва моддий энергияни бирлаштириш лозим. Бундан бошқа йўл эса, вақтни ҳам, саъй-ҳаракатларни ҳам, қурбонликларни ҳам зое кетказади.
Шом қўзғолонига қарши жуда катта фитна ва макрлар қилинмоқда. Шу боис, буларга қарши туриш ҳақ-рост позицияни талаб қилади. Бундай позицияни эгалламоқ қўзғолоннинг содиқ фарзандларини бурчидир. Чунки муваффақиятимиз, нажотимиз ва ҳаётимиз мана шунда. Аллоҳ Таоло айтади:
﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُون﴾
«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар» [Анфол 24]
Ҳизб ут-Таҳрирнинг
Суриядаги матбуот бўлими
раиси Аҳмад Абдулваҳҳоб
