Сўнгги ҳодисалар Умматнинг қайта қўзғалишга қодирлигини кўрсатдими?!

61
0

بِسْمِ اللهِ الرَّحْمٰنِ الرَّحِيمِ

Сўнгги ҳодисалар Умматнинг қайта қўзғалишга қодирлигини кўрсатдими?!

Муҳандис Муҳсинмуҳаммад Жаъдабий – Яман

Ислом Уммати ўз тарихида кўп кризисларни бошдан кечирди… Жумладан, мўғул уруши унинг бир неча юртларини ва Аббосий Халифалик пойтахтини вайрон қилди. Бир неча марта Қуддусга салиб юришлари бўлди. Бу ҳужумлар гарчи Умматга оғир бўлган бўлса-да, бироқ улардан қутулиб, қайта ўз улуғлигини ва дунёга ҳукмронлигини қўлга киритди. Уммат аввалда сиёсий ва ҳарбий заифлик даврини ўтказган бўлса, лекин сўнгги икки асрда шундай бир фикрий инқирозни бошдан кечирдики, бу унинг давлатини йиқитди, ўзини бўлиб-парчалади… қайта тикланишига тўсиқ қўйди. Шунинг учун биз Ғарбнинг Ислом давлатини йўқ қилишда ташлаган асосий қадамларини ёритамиз, сўнг ушбу фикрий инқирозга якун ясаш, бинобарин, мусулмонлар давлати ва куч-қудратини қайта барпо этиш учун қандай ечим мавжудлигини баён қиламиз.

Биринчи: Милодий 1648 йил Вестфаль келишуви бўлди. Европалик муфаккирлар, сиёсатчилар ва папалар ўртасида бўлиб ўтган ушбу конференцияда қандай қилиб Исломнинг Европа бўйлаб кенгайишини тўхтатиб қолиш ва давлатини йиқитиш муҳокама қилинди. Кенг муҳокамалардан сўнг иштирокчилар муаммо мусулмонларнинг бирлигида ва давлатларининг бўлишида, чунки бу икки нарса Ислом ақидаси устига бино бўлган, деган хулосага келишди. Сўнг конференцияда муҳим қарорлар қабул қилишди. Бу қарорлардан муҳимлари:

  • Исломга ва унинг давлатига қарши курашиш учун ўз сафларини бирлаштириб, ўзаро келишмовчиликларини бартараф этиш.
  • Шарқшуносларни Ислом давлати фуқароларига айланишга ҳамда давлат раҳбарияти, муфаккирлари ва уламолари орасига кириб бориб, Ислом ва тарихини ўрганишга сафарбар қилиш… сўнг давлатни ичкаридан парчалаш. Бу тарихда кофир Ғарбнинг мусулмонларга ва давлатларига қарши ташлаган энг хавфли қадами саналади. Яъни бу нарса мусулмонларнинг давлатини ағдариш, сўнг бирликлари ва куч-қудратларини йўқ қилишда асосий қурол бўлиб хизмат қилган.

Иккинчи: Вестфаль конференцияси бандларининг амалга оширилиши арафасида 1907 йил Кэмпбелл конференцияси бўлиб ўтди ва унда қуйидагилар қабул қилиниб, ижро этишга тавсия қилинди:

  • Ислом давлатини йўқ қилиш.
  • Мусулмонларни давлатлар, дея аталган майда кантон давлатларга бўлиб ташлаш.
  • Керак бўлганда муаммолар ва низолар келтириб чиқариш учун ушбу кантон давлатлар орасига қарама-қаршилик марказларини ўрнатиш.
  • Мусулмонларнинг илм-фан ва саноатда ривожланишларига йўл қўймаслик. Фақат чекланган ҳолда бўлса, мумкин.
  • Мусулмонлар ҳукмдорларининг тайинланишини назорат қилиш ва улар орасида мунтазам равишда молиявий, маъмурий, маънавий коррупцияни ёйиш. Дарҳақиқат, айни бандлар амалга оширилди ҳам ва бунга қуйидагилар далил бўлади:

Биринчи: Англия бош вазирининг гапи. У ўша пайтдаги парламент қуйи палатасида «мусулмонлар бугундан кейин асло оёққа туришолмайди, чунки биз уларнинг икки таянчини йўқ қилдик: Ислом ва Халифалик», деган.

Иккинчи: Сайкс-Пико шартномаси. Биринчи Жаҳон урушида ғалаба қозонган Британия билан Франция мусулмонларнинг давлатини ағдариб, бўлишиб олишгач, ўзаро ўрталарида Сайкс-Пико шартномасини имзолашди. Унда исломий юртлар ўртасини алоҳида чегаралар билан бўлиб, алоҳида байроқлар беришди. Шу орқали мусулмон юртларини сохта чегаралар ва хаёлий манфаатлар устида бир-бирлари билан курашга тиқишди ва буни мусулмон фарзандларидан иборат ўз одамлари қўли билан амалга оширишди.

Бироқ, Ислом Умматининг бошига тушган шунча мусибатлардан заифлашганига қарамай, ҳамон тириклигини ва тузалишга ҳаракат қилаётганини кўриб, Ғарбнинг кўзи косасидан чиқиб кетди, ҳаммаларининг умиди пучга чиқди. Чунки қачон мусулмон юртларидан бири мусибатга учраса ва кофирлар улардан бирига ҳужум қилса, мусулмонлар унинг ҳимоясига отланаётганларига гувоҳ бўлишди… Масалан, Афғонистон, Ироқ, Сурия, Чеченистон, Босния ва Герцеговина ва бошқа юртларда бўлгани каби.

2000 йилдан кейин Ғарб тадқиқот марказлари араб режимлари ўртасида катта қулашлар бўлишидан башорат қила бошлади. Жумладан, 2007 йил АҚШ чиқарган ҳисоботда ўн йил ичида Ямандаги вазият издан чиқиши ва иқтисоди вайрон бўлиб, режимининг қулаши ҳақида гапирилди. Шунингдек, «Янги Ўрта Шарқ лойиҳаси» пайдо бўлди ва бўлинган исломий юртларни яна бўлиш ва парчалашга ҳаракат бошланди. Ғарб айрим исломий юртларда ҳукмдорлардан мусулмонларнинг жонлари бўғзига келаётганини ва айниқса, Тунисдаги қўзғолондан сўнг халқ ҳаракатлари кўзга кўринаётганини англаб етди. Шунда мусулмон юртларида нуфузга эга ҳар бир Ғарб давлати ўйин карталарини икки жиҳатдан тартиблаштириб ола бошлашди:

Биринчи: Сохта қўзғолон қиладиган ёки ҳақиқий қўзғолонни жиловлаб оладиган ҳаракатлар пайдо қилиш орқали ўз нуфузлари кўламини сақлаб қолиш. Бундан мақсад ўзгариш қилишни истаган халқларнинг имкониятини пучга чиқариш бўлса, яна бир мақсад, йирик давлатнинг қўзғолон бўлаётган юртдаги ўз одамларига қарши бошқа бир йирик давлат томонидан халқ қўзғолонига етакчилик қилинишига йўл қўймаслик бўлди.

Иккинчи: Йирик давлатлардан бири бошқа бир йирик давлатнинг нуфузи остидаги исломий юртда аввалдан мавжуд бўлган ҳаракатларни қўллаб-қувватлайди ёки пайдо қилади. Шу орқали у ерда ўзининг одамлари ёрдамида ўз нуфузини ўрнатишга уринади ёки ўз нуфузи остидаги бошқа давлатлардаги одамларига қилинаётган босимларни енгиллаштириш учун музокара олиб боради. Бунга мисоллардан, масалан, Абдуроббиҳ Мансур Ҳодий «улар Дамашқ ўрнига энди Санъони исташяпти», дея бир неча бор баёнот берди. Шунингдек, Сурияда Британия Американинг малайларига зарба бериш учун қўзғолонни жиловлашга уринди, сўнг Башарни кетишига келишишди. Аммо қўзғолонни жиловлашга муваффақ бўлишолмай, Сурия халқи ўз лойиҳасини яхши англаганидан сўнг барча йирик давлатлар қўзғолонга зарба беришга, ҳатто шаҳарларни одамлари билан қўшиб вайрон қилишга келишиб олишди. Дарвоқе, ўша пайтда бу ҳақда Башар Асад «муаммо террористларда эмас, балки миллионлаб сондаги одамларнинг қўзғолонни қўллаб-қувватлаётганидадир, шунинг учун айни қўллаб-қувватловга зарба бериш керак», дея баёнот берди. Ҳақиқатда ҳам шундай қилинди. Ҳатто Башар билан халқаро коалиция тузилди ҳамда Эрон, Россия ва Туркия давлатлари ўртасида иттифоқ тузилганлиги – ваҳоланки уларнинг ортида ўнлаб давлатлар ва жангарилар бор эди – яққол кўриниб турарди.

Ливия ҳам яққол мисол. Америка Ливияда ўз ҳукмронлигини ўрнатишга уринди ва бунинг учун Ҳафтарни, яъни Америкада ўнлаб йил яшаган ўзининг одамини тайёрлаб, Британиянинг малайи бўлган Саррож режимига қарши ўз манфаати учун ишлатди.

Уммат ўзининг аксар юртларида мана шундай адашишларга учраб, қўзғолон жиловланса ҳам, одамлар аҳволи ёмонлашса ҳам, барча-барчасига қарамай, Аллоҳнинг изни ила яхшиликка қараб кетмоқда. Бунда қуйидаги аломатларни кўриш мумкин:

Ҳукмдорлар ва «уламо»ларнинг ниқоби тушиб бўлди… гарчи ҳамон баъзи одамлар уларга лаққа тушиб-ишонаётган бўлсалар ҳам.

Ўзларини исломий дея даъво қилаётган баъзи жамоаларнинг башараси фош бўлди. Буларнинг ниқоби тушиб, фош бўлишига қуйидагилар сабаб:

а)   Улардан кимки ҳокимиятга чиққан бўлса, Исломни татбиқ қилмади ва ҳокимиятга етиб бормаганларининг ҳам бу борадаги позицияси фош бўлди.

б)   Уларнинг қўлида Умматни ривожлантирувчи бирорта ҳам исломий лойиҳаси топилмади.

в)   Ғарб билан алоқа қилишлари очилиб қолди.

г)   Уммат ўнлаб йиллар давомида бўлганидек, илмонийлик ва миллийлик лойиҳаси эгалари атрофида бирлашмай қўйди

д)   Жарангдор маъруза қилувчиларнинг лойиҳаси фош бўлиб, сохталиги очилиб қолди.

е)   Ҳар хил нарсалар билан бошини айлантирган шахс ва партиялар сабабли Уммат саросимага тушиб қолди. Бу бир ҳисобда яхши, чунки Умматнинг уларга эргашиб хато қилганлиги уни ўйлашга ва уларга кўр-кўрона эргашганлигини тушуниб етишга ундайди.

ё)   Халифалик, Ислом давлати ва шариат билан яшаш каби сўзлар тез-тез гапириладиган бўлиб қолди ва бу халқларнинг эътиборини тортмоқда.

ж)  Кофир раҳбарлар, масалан Франция ташқи ишлар вазири «биз Халифалик барпо бўлишини тўхтатиб қололмаймиз, аммо уни кечиктиришга ҳаракат қиламиз», дегани каби баёнотлар янграмоқда.

з)   Қўзғолонлардан кейин келган ҳукмдорларга Уммат рози бўлмаяпти. Чунки уларни ё эскиларнинг копияси ёки улардан ҳам ёмон, деб биляпти.

Юқоридагиларни баён қилганимиздан сўнг, энди 2011 йил ҳодисаларида қуйидагилар исботланганига эътибор қаратамиз:

1)   Мусулмон юртларидаги ҳукмрон режимлар ўзларининг қонунийлиги ва куч-қудратини халқидан олмайди. Бунга Эрон ва жангариларининг Яман, Ироқ ва Ливандаги аралашуви, шунингдек, Россия, Эрон ва бошқа давлатларнинг Башарни очиқ қўллаб-қувватлашдаги аралашуви далил бўлади. Булар биргаликда иштирок этаётганини очиқ айтмасдан аралашаётган кўплаб давлатлардан ташқари.

2)   Бу режимлар ўз қонунийлигини ўзларининг босқинчи хўжайинларидан олади. Бунга Мисрда бўлган нарса далилдир. Ўшанда Ҳусни Муборакнинг тахтдан кетганлиги ўзига ҳам айтилмай, мудофаа вазири орқали билдирилди. Шунингдек, БМТ Башар Асадни тахтдан кетказишни муҳокамага қўйди, бироқ, Суриядаги қўзғолонни назоратга олиб бўлмаслигини кўргач, бундан воз кечди.

3)   Бу режимлар ақидада ҳам, урфда ҳам Уммат жинсидан эмас, бинобарин, ағдарилиши яқин қолган заиф режимлардир.

Юқоридагилардан хулоса қиладиган бўлсак, биз Умматнинг бу режимларни ағдаришга ва тўғри шаръий тузумни барпо этишга қодирлигини кўряпмиз, аммо бунинг учун у бир неча шартларни қилиши керак бўлади:

1 – Уммат қайтадан соғлом фикрлаш йўлига ўтсин.

2 – Динини қайта кўриб чиқсин ва шу орқали сўнгги икки юз йил ичида Исломга қасддан киритилган миллатчилик, ватанпарварлик, социализм ва демократия каби нопок чанг-ғуборларни қоқиб ташласин.

3 – Халифаликни барпо этиш учун фаолият қилаётганларга онг ва тафаккур ила қўшилсин, ҳар қандай жарчига эргашиб кетмасин.

4 – Репрессия, динни бузиб кўрсатиш ва ёрдамсиз қўйиш каби босимлар сабабли умидсизликка тушмасин, шуни унутмасинки, унга пайғамбарларнинг роли-бошқа инсонлар устида гувоҳ бўлиш роли топширилган:

﴿لِتَكُونُوا شُهَدَاءَ عَلَى النَّاسِ﴾

«Токи, сизлар бошқа инсонлар устида гувоҳларга айланинг»                                      [Бақара 143]

5 – Ўзгартириш учун олиб бораёт фаолияти фикрий бўлсин. Яъни куфр фикрларига зарба бериш билан бўлсин, жангарилар ва қурол-яроғ билан бўлмасин, чунки бу фақат мусулмонларни ўлдиришга хизмат қилади.

Сўзимиз ниҳоясида ҳар нарсани билувчи ва ҳар ишга қодир Аллоҳдан дуо қилиб сўраймиз, Ўзи рози бўладиган, Ислом ва мусулмонларни куч-қудратга тўлдирадиган, Исломни бутун оламга раҳмат қилиб улашадиган давлатнинг барпо бўлишини тезлаштирсин, У бунга албатта қодирдир.

Роя газетасининг 2022 йил 8 июн чоршанба кунги 394-сонидан

LEAVE A REPLY

Please enter your comment!
Please enter your name here