Туркияни юз йилдан бери мафия қонунлари бошқариб келади

481
0

بِسْمِ اللهِ الرَّحْمٰنِ الرَّحِيمِ

Туркияни юз йилдан бери мафия қонунлари бошқариб келади

Устоз Маҳмуд Кор

Ҳизб ут-Таҳрирнинг Туркиядаги матбуот бўлими раиси

Адолат ва Тараққиёт партияси барча диққат-эътиборини Брюсселда бўлиб ўтадиган Байден-Эрдоган учрашувига қаратди. Эрдоган ҳам бу учрашувга бир неча ойдан бери катта орзу-умидлар билан қараб келганди. Чунки айни учрашувда унинг яна бир муддат ҳокимиятда қолиши ёки қолмаслиги тўғрисида тиниқ тасаввур пайдо бўлади. Байден маъмуриятининг Хитойга босим қилиш сиёсати ва Россия билан олиб бораётган совуқ уруш сиёсати ҳамда Яқин Шарқдаги қайноқ масалалар бўйича белгиламоқчи бўлаётган янги йўли, буларнинг барчаси Туркиянинг эътиборини тортмоқда. Чунки Адолат ва Тараққиёт партияси ҳам, Эрдоган ҳам бу янги сиёсатлар асосида ҳамда Байден маъмуриятининг ахлоқ қоидаларидаги ўзгаришларга биноан ҳаракат қилиш билан Байден маъмуриятининг ишончини қозониши мумкин. Бунинг акси ўлароқ, агар Байден маъмурияти Эрдоганда етарли куч борлигини кўра олмаса ва Эрдоган ҳам бу маъмуриятнинг ишончини қозона олмаса, у ҳолда, Эрдоган ва унинг партияси ҳукумати 2023 йилдаги сайловларга қадар ўзининг Байден маъмурияти билан муносабатларида оғир дамларни бошдан кечиришига тўғри келади.

Ҳозирда АҚШ-Туркия муносабатлари билан боғлиқ вазият мана шундай. Бошқа томондан қарасак, Туркиянинг ички сиёсатида Эрдоганга бош оғриғи бўлаётган бир масала кун тартибида турибди. Маълумки, ўтган ой Туркиянинг кун тартибини уюшган жиноятчилик тизими етакчиси Седат Пекернинг давлат ва мафия алоқалари тўғрисидаги баёнотлари эгаллаб келди. Седат Пекер Бирлашган Араб Амирлигидан туриб тарқатган ўзининг қатор видеоларида ички ишлар вазири Сулаймон Сўйлу, собиқ бош вазир Бинали Йилдирим, Эрдоганнинг куёви бўлмиш собиқ молия вазири Барот Албайроқ ҳамда Адолат ва Тараққиёт партиясидаги баъзи депутатларни нишонга олди. Пекер ўз видеоларида гиёҳванд моддалар савдосидан тортиб пулларни ювишгача, Сурияда нефть ва қурол савдосидан тортиб Туркиядаги йирик тендерлардаги бузилишларгача қадар кўп айбловларни илгари сурди… У шулар орқали Туркияда давлат билан мафия ўртасидаги алоқаларни ва бу борадаги давлатнинг ифлос ўтмишини фош қилди. Унинг баёнотида нишонга олинган мазкур исмларга назар ташлайдиган бўлсак, бу ерда асл нишонга олинган фигура Эрдоган, дейишимиз мумкин. Пекер ўтган йиллар давомида «Эргенекон» яширин ташкилоти иши бўйича судланиб келган. У ҳойнаҳой бошқа бир фуқароликка ҳам эга бўлса керак. Ҳозирда Пекернинг бундай шахсий амбициясидан фойдаланаётган Британиядир, десак хато қилмаган бўламиз. Афтидан, Адолат ва Тараққиёт партиясининг коронавирус пандемияси ва иқтисодий кризисга қарши курашда муваффақиятсизликка учрагани, Америка-Туркия муносабатларида ишончсизлик мавжудлиги ва халқ орасида овоз бериш имкониятларининг пасайиб кетганлиги, мана шулар барчаси Туркия ичкарисидаги англияпараст партияларга журъат берган кўринади. Биз бу жараённинг қаерга олиб боришини ҳамда Эрдоган ва унинг партияси бундан қанчалар зарар кўришини июндаги Эрдоган-Байден учрашуви натижаларидан кейингина аниқ баҳолашимиз мумкин.

Туркиянинг давлат билан мафия муносабатларидаги ифлос ўтмишига тўхталадиган бўлсак, аслида, кечаги кундан бугунги кунга қадар ҳеч нарса ўзгаргани йўқ. Янги ҳукумат қанчалар тоза бўлмасин, ҳукумат биз «тоза қўллар операцияси» орқали юртни мафия бошқарувидан тозаладик, дея даъво қилмасин, буларнинг ҳеч қандай қиймати йўқ бўлиб, Туркия Республикасининг тарихи давлат ва мафия ўртасидаги муносабатлар билан тўлиб кетган. Чунки ҳукумат қандайдир йўл билан яна ўзининг ифлос мафия тизимини қуриб олаверади. Мисол учун, Адолат ва Тараққиёт партияси ҳукумат тепасига келган пайтда асосий сиёсати «Туркияни тўқсонинчи йиллардан қутқариш ва ўтган йилларга қайтмаслигини таъминлаш»дан иборат эди. У Гулен ҳаракати билан ҳамкорликда тўқсонинчи йиллардаги мафия гуруҳларига қарши қатор операциялар олиб боришга муваффақ бўлди. Бироқ, эски мафия гуруҳлари тўхтагандан сўнг Эрдоган ҳам, Гулен ҳам ўзлари учун хос гуруҳларни тузиб олишди. Бу янги мафия гуруҳлари билан эски мафия гуруҳлари ўртасидаги фарқ шуки, эски мафия гуруҳлари жинояткор кўринишдаги ташкилот ва шахслардан ташкил топган бўлса, янги мафия гуруҳлари улардан услуб ва танлаган йўлларидагина фарқ қилади, холос. 2013 йилда бошланиб, 15 июлдаги инқилобга уриниш ҳодисаларида давом этган Эрдоган билан Гулен ўртасидаги курашдан сўнг давлатнинг барча бўғимларига жойлашиб олган Гулен мафияси йўқ қилинди. Юзага келган бўшлиқни тўқсонинчи йиллар мафияси қайта эгаллашга уринди. Бошқача ибора билан айтганда, Туркияда давлат билан мафия ўртасидаги алоқа ҳар доим мавжуд бўлиб келди ва ҳамон мавжуд бўлиб турибди. Бунинг сабаби ушбу муаммонинг Туркия асосланган илмоний капиталистик тузумдан келиб чиққанидир.

Туркия Республикаси ҳуқуқий давлат эмас. Балки у номи ҳар доим қотиллик, сиёсий суиқасд ва ноқонуний жиноятлар билан чамбарчас боғланган ва ҳалигача йўқ қилинмаган давлатдир. Туркия бундай ишларнинг барчасини мафия билан биргаликда, яъни, мустаҳкам алоқа асосида содир этмоқда. Ўтмишда ҳам шундай эди, бугун ҳам шундай, эртага ҳам шундай қолади. Ҳукуматлар, партиялар, ҳатто бошқарув тизими ўзгарса ҳам, аммо бу ифлос мафия тизими ўзгармайди. Буни буткул ўзгартириш учун тубдан тозалаш ишларини олиб бориб, илмоний тузумнинг ҳеч бир қолдиғини қолдирмаслик лозим. Ушбу бузғунчи тузумдан қутулишнинг, юртимизни мафия, бошбошдоқлик ва террордан қутқаришнинг ягона йўли тўғри тузумни бунёд этишдир. Шубҳасиз, бу – Ислом тузуми бўлиб, уни Пайғамбарлик минҳожи асосидаги рошид Халифалик давлати татбиқ этади.

Роя газетасининг 2021 йил 16 июн чоршанба кунги 343-сонидан

LEAVE A REPLY

Please enter your comment!
Please enter your name here