بِسْمِ اللهِ الرَّحْمٰنِ الرَّحِيمِ
Йиллаб миқ этмаётган Рошид Ғаннушийнинг тили чиқди-ю, аммо мункар гапни гапирди!
Ал-Жазира нет (ҳижрий 1442 йил 6 шаввол, милодий 2021 йил 18 май сешанба куни) нашр қилган хабарда бундай дейилади:
Тунис парламенти депутати, Наҳза ҳаракати раиси Рошид Ғаннуший – Фаластин қаршилик ҳаракатининг қаҳрамонлиги янги келажак яратади, яқинда ишларнинг ўз ўрнига тушишига, шу орқали Фаластин масаласи яна ўзининг тўғри йўлини топиб олишига бутун араб олами ва Шом минтақаси гувоҳ бўлади, деди.
Ал-Жазиранинг тўғридан-тўғри эфирга узатилувчи каналига сешанба куни берган интервьюсида Ғаннуший озодлик йўли Фаластин қаршилик ҳаракатидир, музокара эмас, муваффақиятнинг сири ҳам мана шунда, деди. Айни нуқтаи назарда, Ақсо масжиди ва Ғазо сектори бошдан кечирган сўнгги ҳодисалар ортидан, нусрат аломатлари очиқ кўринганини таъкидлади».
Роя:
Мана, йиллаб гапирмаётган Ғаннушийнинг тили чиқди-ю, аммо мункарни гапирди. Бунинг ўрнига, армиялар ва ҳукмдорларни Фаластин ва унинг аҳлига нусрат беришга даъват қилса бўларди. У бўлса, қаршимизга чиқиб олиб, жарангдор, лекин ичи тўла фитнали гапларни гапиряпти. Чунки у Фаластин масаласини Фаластин аҳлига хосламоқда, ваҳоланки, бу заминнинг озодлигини шахс ва ҳаракатларга боғлаб қўяётган кимсаларнинг барчаси тил бириктирувчилар ҳисобланади. Улар Фаластинни босқинчилик остида қолишни исташяпти, мана шундай баландпарвоз баёнотлари билан мусулмонлар ва уларнинг армияларини Фаластинни озод этиш имкониятларини пучга чиқаришга уринишяпти.
Бу Ғаннуший деганлари «қаҳрамон қаршилик ҳаракати», дея артистлик қиляпти, аммо бу билан у ўзининг шунча вақт Фаластин аҳлини ёрдамсиз қолдирганлигини оқлолмайди. Зотан, кимда-ким Фаластинга нусрат бериш учун армияларни ҳаракатга келтиришга даъват қилмас экан, у яҳудийлар босқинчилигининг мустаҳкамланишига бевосита ёки билвосита ҳисса қўшган бўлади, буни жимжимадор гаплари ва жарангдор шорлари билан ёпа олмайди.
Роя газетасининг 2021 йил 2 июн чоршанба кунги 341-сонидан
