Бишкекда 500дан ортиқ аёлларга ҳижоб кийгизиш тадбири бўлиб ўтди
13 март куни Бишкекдаги спорт саройида 500 дан ортиқ хотин/қизларга Аллоҳнинг фарзи бўлган ҳижоб кийгизиш тадбири бўлиб ўтди. Бу ҳақда мазкур тадбир ташкилотчиларидан бири Муҳаммад Асма маълум қилди. Ушбу воқеа ижтимоий тармоқларда мусулмонларни хурсанд қилган бўлса, Ғарбпараст демократларни ғазаблантирди.
Бундан аввал, собиқ президент Роза Отунбаева “Даврни ўзгартирган аёллар раҳбарияти” номли форумда нутқ сўзлар экан, қирғиз жамиятининг исломийлашувидан хавотир билдирган эди. Давлат масъулларини масжидлардаги воқеаларга эътибор беришга чақирган Отунбаева “Эртага булар бизга: “Бугундан бошлаб ҳаммангиз қора рўмол кийишингиз керак”, дейишади” дея ўз ташвишини изҳор қилган эди.
Аслида ушбу икки тадбири демократия ва Ислом дунёқараши ўртасидаги очиқ курашни акс эттиради. Демократик дунёқарашга кўра, аёллар бу – “фойдаланилиш ва лаззатланиш керак бўлган мато”дир. Шунинг учун “эркинлик” ва “тенг ҳуқуқлик” ниқоби остида аёлларни ечинтириб, кўчаларга олиб чиқишга ҳаракат қилади. Бунинг натижада, жамиятда ахлоқсизлик, фоҳишабозлик каби иллатлар кенг тарқалмоқда.
Аммо Ислом дунёқараши аёлга “ҳимоя қилиниши керак бўлган ор-номус” сифатида қарайди. Шунинг учун унинг барча ҳукмлари аёлларни ҳимоя қилишга қаратилган. Ҳатто сафарда ҳам унинг номуси шубҳа остида қолмаслиги учун ўз маҳрами билан бирга юришини шарт қилади. Шунингдек, у жамиятда салбий ҳолатларга сабаб бўлмаслиги учун унга танасини ёпиб юришни фарз қилади. Оилага ризқ топиб келиш вазифасини аёлга эмас, эркакка топширади. Аёлга ғамхўрлик қилишни никоҳ маросимидаёқ эркакнинг зиммасига юклайди. Агар эркак ушбу ҳукмга эътиборсиз қараса, у шаръий ҳукм тўғрисида огоҳлантирилади. Натижада, бугунги кунда биз кўриб турган барча оилавий ва ижтимоий муаммолар ҳал этилади.
Мумтаз Маверанаҳрий
