بِسْمِ اللهِ الرَّحْمٰنِ الرَّحِيمِ
Кушнернинг Нобел мукофотига номзод сифатида кўрсатилиши босқинчи яҳудийларни дастаклагани учундир
«Арабий 21» веб-сайтида (ҳижрий 1442 йил 19 жумодуссоний, милодий 2021 йил 1 феврал душанба куни) нашр этилган хабарда бундай дейилади:
«АҚШнинг Гарвард университетининг ҳуқуқшунос фахрий профессори Алан Дершовиц Оқ уйнинг собиқ маслаҳатчиси Жаред Кушнер ва унинг ёрдамчиси Ави Берковицларни Нобел тинчлик мукофотига номзод сифатида кўрсатганини эълон қилди».
Нобел мукофоти комиссиясига ёзган мактубида Дершовиц Кушнер билан Берковицнинг араб давлатларини босқинчи «Исроил» билан муносабатларни нормаллаштиришга ундаш ролларини юқори баҳолаган».
Роя:
Катта жиноятчи-қонхўрларга ва уларнинг малайларига биринчи марта бундай икром кўрсатилаётгани йўқ. Катта жиноятчиларнинг кўрсатган меҳнатлари мусулмонларни қирғин қилиш ва уларга урушлар очишдан иборат бўлган бўлса, юртларимиздаги малайларининг меҳнатлари уларнинг режаларини бажариш ва Ғарб фойдасига ғарбча сақофатни юртларимизда кенг ёйишдан иборат бўлди.
Нобел мукофоти, деб аталган совриннинг рўйхатида Фаластин аҳлига қарши сон-саноқсиз қирғин ва жиноятлар содир этган Шимон Перес билан Исҳақ Рабин ҳамда Мьянма собиқ давлат маслаҳатчиси Аун Сан Су Чжи ҳам бор. Аун Сан Су Мьянмада давлат маслаҳатчиси лавозимида ишлаган бўлиб, унинг бу мансаби мусулмонларга қарши даҳшатли қатли ом жиноятларини содир этаётган давлатдаги бош вазирлик манбасига тенг ҳисобланади.
Яҳудий вужудига муборак заминимизнинг аксар ерларини топшириш, юрт аҳлини қирғин қилиб, қочқинга айлантириш, қишлоқларни аҳолиси билан қўшиб вайрон этиш, ҳар куни Фаластин аҳлини азоб-уқубатларга гирифтор этиб, уларни барча ҳаётий заруратлардан маҳрум этиш ва муқаддас даргоҳларини оёқ-ости қилиш… буларнинг барчаси мустамлакачилар наздида мукофотлаш ва тақдирлаш лозим бўлган хизматлар ҳисобланади. Бас, уларга ҳам, уларнинг мукофотларига ҳалокат етсин.
Роя газетасининг 2021 йил 10 феврал чоршанба кунги 325-сонидан
