بِسْمِ اللهِ الرَّحْمٰنِ الرَّحِيمِ
Майк Помпеонинг Хартум сафари британияпарастлар огоҳлантируви билан америкапарастлар тил бириктируви ўртасида
Адвокат Ҳатм Жаъфар (Абу Аввоб)
Ҳизб ут-Таҳрир – Судан вилояти вилоят мажлиси аъзоси
АҚШ Давлат котиби Майк Помпео яҳудий вужудига қилган сафаридан сўнг 2020 йил 25 август сешанба куни Хартумга келди. У ўзининг твиттердаги саҳифасида «Мен Тел-Авивдан Хартумга биринчи расмий парвозда бўлганимдан бахтиёрман», деб ёзди. АҚШ Давлат департаменти ўз саҳифасида Помпеонинг Судан сафари кун тартибига Судан билан яҳудий вужуди ўртасидаги муносабатларни кенгайтириш масаласи киритилганини хабар қилган эди. Бир неча соат давом этган сафари чоғида Помпео Судан бош вазири Абдуллоҳ Ҳамдук ва ҳарбий кенгаш раиси Абдулфаттоҳ Бурҳон билан учрашди.
Унинг Ҳамду билан учрашиши ортидан ҳукумат матбуот котибининг қуйидаги расмий баёноти нашр қилинди: «Судан бош вазири ўзининг америкалик меҳмонига унинг ҳукумати вақтинчалик бўлганлиги сабабли «Исроил» билан муносабатларни нормаллаштириш масаласини ўрганиш ваколатига эга эмаслигини билдирди. Бу масала фақатгина ўтиш даври бошқарув тизими, яъни, қуролли ҳаракатлар билан келишув имзоланиши ортидан қонунчилик кенгашини тайинлаш якунлангандан сўнггина кўриб чиқилиши мумкинлигини маълум қилди». Ҳамдук ҳатто АҚШ маъмуриятини Судан номини «терроризм» рўйхатидан чиқариш жараёни билан яҳудий вужуди билан муносабатларни нормаллаштириш масаласини бир-бирига боғламасликка чақирди. Учрашув пайтида кўриладиган бошқа масалалар, масалан, АҚШнинг Судан ўтиш даври ҳукуматини қўллаб-қувватлаши масаласи каби масала хусусида эса, Ҳамдук жамоатчилик эътиборини чалғитиш мақсадида учрашувдан сўнг ўзининг твиттердаги саҳифасида «мен улуғ декабр инқилобини қўллаб-қувватловчи аниқ ижобий қадамларни кутмоқдаман», деб ёзди. Аммо Помпеонинг Бурҳон билан учрашуви ортидан ҳеч қандай расмий баёнот бўлгани йўқ.
Помпеонинг Судан сафари шошилинч ва тўсатдан эълон қилинди. Бу яҳудий вужудидан бошланиб, Судан, Амирликлар, Баҳрайн, Қатар ва Уммон султонлигигача чўзилувчи сафар бўлди. Аср жиноятини ишга тушириш нуқтаи назарига тааллуқли бу сафардан кўзланган мақсадлар, мусулмонларнинг босиб олинган Фаластин замини масаласини еру кўкнинг душмани бўлган вужуд фойдасига йўқ қилиш, бу вужудни минтақага саратон ўсмаси сифатида қориштиришдан иборат. Токи, битта тана бўлган Умматда кофир Ғарб нуфузи мустаҳкамланиб, бу саратон ўсмаси газак олиб, Умматни ётқизиб қўйсин, Умматнинг офиятига ва тобора ривожланиб бораётган жонлилигига тўсиқ бўлсин. Мақсадлари мана шу.
Маълумки, мусулмонларнинг малай ҳукмдорлари кофир Ғарбнинг қурол ва воситалари бўлиб, Ғарб улар орқали ўзининг юртларимиздаги жинояткорлик режаларини, шу жумладан, Трамп бошлаган Аср келишувини амалга оширмоқчи. Давлат котиби Помпеонинг айни сафарлари ҳам шунга қаратилган. Шунингдек, унинг сайловолди мақсадларидан бири регионал тинчлик конференциясини ўтказиш ҳамдир. Бу ҳақда 2020 йил 25 август сешанба куни «Исраэл хайом» газетаси яҳудий ва америкалик расмий манбаларга таянган ҳолда «Помпеонинг Кўрфаз араб давлатларидан бирида Вашингтон раҳнамолиги остида регионал тинчлик конференцияси ўтказилишига тайёргарлик кўраётгани»ни хабар қилди. (Шарқул Авсат газетаси, 15247 сон).
Хўш, ҳукмдорлар мана шундай хоинлик қилишаётган бир пайтда, нега Помпео Ҳамдукдан истаганини ололмади, ахир, у Судан билан яҳудий вужуди ўртасида муносабатларни нормаллаштиришни истаётганини маълум қилганди-ку?! Маълумки, Шарқул Авсат газетасининг 15247 сонига кўра, АҚШ давлат департаменти матбуот баёнотида «икки томоннинг Судан-«Исроил» муносабатларидаги ижобий ўзгаришларни муҳокама қилганликлари» айтилган эди-ку?!
Помпео ўлжасиз қайтиб кетишга рози бўлавердими?! Нега Ҳамдук бундай позиция тутди, ахир, унинг Помпеога менинг ҳукуматим яҳудий вужуди билан муносабатларни нормаллаштириш ваколатига эга эмас, деган жавобни қайтарганлиги содда кишига маълум-ку?! Помпео ўз итоаткори Бурҳондан истаган нарсасини олдими, яъни, Суданнинг даъво қилинаётган регионал тинчлик конференциясида иштирок этишини кафолатладими?!
Ҳамдук ва унинг ҳукумати барча соҳада халқчиллигини йўқотиб, омадсизликка юз тутган. Ҳатто бу ҳол Ҳамдукни хору заиф аҳволда чиқиш қилишга ва «агар халқ мендан истеъфо беришимни талаб қилса, қабул қиламан ва халққа таъзим бажо келтираман», дейишга мажбур қилди. (Суданий газетаси, 2020 йил 21 август).
Шуларни ҳисобга олган ҳолда айтиш мумкинки, Ҳамдук ҳукуматини расмий ҳомийси бўлган Британия элчихонаси уни Помпео сафаридан огоҳликка чақирди. Бу нарса ҳукуматнинг хатти-ҳаракатидан маълум. Масалан, унинг сафаридан олдин 2020 йил 24 августда муваққат ташқи ишлар вазири Умар Қамариддин ўз баёнотида «Хартум ҳеч қачон «Исроил»га нисбатан бирор позиция эгаллашини муҳокама қилган эмас», деди. Кейин «Бу олий масала бўлиб, ҳеч кимнинг у ҳақда рухсатсиз гапиришга ҳаққи йўқ, Судан ҳукумати буни муҳокама қилмаган», дея қўшимча қилди. (Арабий 21).
Тўсиқ қўйиш қабилида, душанба куни Ҳамдук Озодлик ва Ўзгартириш кучлари билан марказий қўмита учрашувини чақирди. «Baj News» манбаларига кўра, «Ҳамдук яҳудийлар билан муносабатларни нормаллаштиришга оид АҚШ давлат котибига етказиш мумкин бўлган раддия хусусида қўмита билан маслаҳатлашди ва ушбу сиёсий доиралар Помпеога ўтиш даври ҳукуматининг айни нормаллаштириш масаласида ваколатга эга эмаслигини етказишга келишиб олдилар». Шундай қилиб, Ҳамдук АҚШ Давлат котибининг нормаллаштириш масаласида ўтиш даври ҳукуматидан айни босқичда фойдаланиш мақсадига тўсиқ қўйди.
Шубҳасиз, яҳудий вужуди билан муносабатларни нормаллаштиришга нисбатан шаръий позицияни Ҳизб ут-Таҳрир – Судан вилояти аъзолари кўтариб чиққан плакатлардан билиш мумкин. Улар Республика қароргоҳидан бир неча метр нарида ўтказган норозилик намойишида бундай шиорларни кўтариб чиқдилар: «Фаластин муборак Ислом заминидир, барча мусулмонлар уни рошид Халифаликни барпо этиш орқали озод этишга ҳаракат қилмоқлари лозим», «Яҳудий вужудига қиличдан ўзга жавоб йўқ, ҳар қандай хоинона келишувлар ва малай ҳукмдорларнинг жойи тарих ахлатхонасидир».
Аллоҳ Субҳанаҳу ва Таоло рози бўладиган позиция мана шу. Аммо яҳудий вужуд билан муносабатларни зимдан нормаллаштираётганларга келсак, улар нормаллаштирувни ҳокимият тўлиқ тузилишига боғлаб, бу ҳақда фосиқлар, жоҳиллар ва алданганлардан фикр олишяпти гўё. Улар билдирадиган фикрлар эса, барчаси аввалдан тайёрланган фикрлар бўлиб, Аллоҳ Субҳанаҳу ва Таолони ғазаблантиради, Аллоҳга, Росулига ва мўминларга хоинлик ҳисобланади.
Ҳамдук ҳукумати позициясига, яъни, яҳудий вужуди билан муносабатларни нормаллаштириш масаласини кечиктиришга асосланган позициясига келсак, бу бир тактикадир. Бу тактикани Судан сиёсий майдонида эски Британия қутби билан янги АҚШ қутби ўртасида кетаётган курашда тушуниш мумкин. Бу позициянинг мабда ва қадриятларга алоқаси йўқ, чунки динни давлатдан ажратишга асосланган сиёсат қомусида мабда ва қадрият, деган сўзлар йўқ.
Бурҳон 2020 йил 3 февралда Уганданинг Антеббе шаҳрида яҳудий вужуди бош вазири билан учрашишга фақатгина Помпео билан телефон орқали суҳбатлашганидан кейиноқ чопиб борган. Шундай экан, бу муте кимса бу сафар Помпеонинг ўзи Республика қасрига келган бўлса, ундан нима кутиш мумкин, ахир?! Ҳеч шубҳа йўқки, Помпеонинг таълимотлар ҳақидаги гапи яқинда Бурҳонда ва бошқа америкапарастларда кўринади, улар мутелик қилишгина эмас, ҳатто муқаддаслашлари ҳам турган гап. Бу нарса яқин кунларда хиёнат ва босқинчи душман билан муносабатларни нормаллаштириш йўлида ташлайдиган қадамларида кўринади!
Бир кечадаёқ ҳокимият тепасига ўтирган ва Судан аҳли бойликларини ўғирлаган бу сиёсий элитага ваъда қилинган вақт субҳдир. Субҳ яқин эмасми?!
إِنَّ مَوْعِدَهُمْ الصُّبْحُ أَلَيْسَ الصُّبْحُ بِقَرِيبٍ
«Уларга ваъда қилинган вақт субҳдир. Субҳ яқин эмасми?!» [Ҳуд 81]
Бу субҳ қудрат аҳли орқасидаги айрим холис инсонлар даъватни қабул қилиб, ҳокимиятни Ҳизб ут-Таҳрирнинг қўлига олиб берадиган ва Ҳизб Пайғамбарлик минҳожи асосидаги иккинчи рошид Халифалик барпо этилганини эълон қиладиган субҳдир. Бу юртларимиздан мустамлакачи кофирни илдизи билан қўпориб ташлаб, унинг ифлослигидан поклайдиган, яҳудий вужудини битта қўймай супуриб ташлайдиган, Умматимизни бирлаштирадиган Халифаликдир. Буларнинг барчаси Исломни татбиқ ўрнига қўйиш ва бутун оламга етказиш билан амалга ошади.
لِمِثْلِ هَذَا فَلْيَعْمَلِ الْعَامِلُونَ
«Бас, амал қилгувчилар мана шундай (мангу бахт-саодат) учун амал қилсинлар!» [Соффот 61]
Роя газетасининг 2020 йил 2 сентябр чоршанба кунги 302-сонидан
