بِسْمِ اللهِ الرَّحْمٰنِ الرَّحِيمِ
Эй Шом аҳли сизнинг халос бўлишингиз сизни ёрдамсиз қолдирганлар қўлида эмас, балки ўз қўлингиздадир
Шом қўзғолонидаги баъзи жангчи гуруҳлар раҳбарлари, ислоҳотчилар ва уларнинг ҳайбаракаллачиларининг очиқ-ошкор хатти-ҳаракатига назар солган киши кўп мунофиқ кимсаларга гувоҳ бўлади. Бу кимсалар Шом қўзғолонига қарши тил бириктирувчи донор давлатлар томонига ўтиб олиб, ўз ваъдаларига хилоф қилишди, қасамларидан тониб, орқага тисарилишди ва ўзларига «шартнома» ва «келишув», деган нарсаларни ниқоб қилиб, Умматларига хиёнат қилишди. Ваҳоланки, Уммат уларга умид кўзи билан қараб, ўзининг бор имкониятлари билан уларга ёрдам берганди. Ҳатто Уммат бу кимсаларга қонхўр режимни ағдаришади ва харобалари устидан Ислом ҳокимиятини барпо қилишади дея ишониб, ўзининг энг қимматли нарсаларини фидо қилганди. Бу кимсалар эса, Шом аҳли ишончини оқлаш у ёқда турсин, ҳатто уларга зўравонлик қилишяпти. Тоқат қилиб бўлмайдиган солиқ ва тўловлар солиш баробарида, қарор-иродаларидан маҳрум этишяпти. Ҳокимият ва нуфуз учун ҳамда азбаройи хўжайинларининг буйруғини бажариш мақсадида бир-бирларига қарши жанг қилишдан, қонларини тўкишдан ҳам тойишмаяпти. Сиз уларнинг мана шу хатти-ҳаракатларига боқсангиз, шунча қилмишларидан кейин бугун Россия-Туркия патрул хизматлари ва улар ортидаги қонхўр режим кучларини қўриқлаб, уларнинг аввал М5 автотрассасини, бугун М4 автотрассасини ўз назоратларига олишларига ёрдам беришаётганига гувоҳ бўласиз.
Бироқ уларнинг бу хиёнат ва қасамхўрликлари, Аллоҳнинг изни ила, Шом қўзғолонига ҳаргиз зарар етказолмайди. Аллоҳ Таоло бундай деди:
فَمَنْ نَكَثَ فَإِنَّمَا يَنْكُثُ عَلَى نَفْسِهِ وَمَنْ أَوْفَى بِمَا عَاهَدَ عَلَيْهُ اللَّهَ فَسَيُؤْتِيهِ أَجْرًا عَظِيمًا
«Ким (ўз қасамини) бузса, бас, у фақат ўз зиёнига бузур. Ва ким Аллоҳ билан аҳд-паймон қилган нарсасига вафо қилса, у ҳолда (Аллоҳ) унга улуғ ажр-мукофот ато этур» [Фатҳ 10]
Эй Шомдаги аҳлимиз!
Шуни билингки, сизнинг халос бўлишингиз ўз қўлингизда сизни ёрдамсиз қолдирганлар қўлида эмас. Аллоҳ Таоло бундай деди:
وَلاَ تَكُونُوا كَالَّتِي نَقَضَتْ غَزْلَهَا مِنْ بَعْدِ قُوَّةٍ أَنكَاثًا تَتَّخِذُونَ أَيْمَانَكُمْ دَخَلاً بَيْنَكُمْ أَنْ تَكُونَ أُمَّةٌ هِيَ أَرْبَى مِنْ أُمَّةٍ إِنَّمَا يَبْلُوكُمْ اللَّهُ بِهِ وَلَيُبَيِّنَنَّ لَكُمْ يَوْمَ الْقِيَامَةِ مَا كُنْتُمْ فِيهِ تَخْتَلِفُونَ
«Ва сизлар бир миллат бошқа бир миллатдан (сон ё бойлик жиҳатидан) ортиқроқ бўлгани учун қасамларингизни (бузиб) алдов воситаси қилишингиз билан (яъни, бошқа бойроқ ва кучлироқ қавмни топсангиз, аввалги қасамингиздан кечиб кетаверишингиз билан) худди ўзи тўқиган нарсасини пишиқ-пухта бўлганидан сўнг парча-парча қилиб бузиб-чуватиб ташлаган хотинга ўхшаб қолмангиз! Албатта, Аллоҳ бу (аҳдга вафо қилишга буюриш) билан сизларни имтиҳон қилур ва албатта қиёмат кунида сизларга ихтилоф қилиб ўтган нарсаларингизни баён қилиб берур» [Наҳл 92]
Роя газетасининг 2020 йил 12 июл чоршанба кунги 299-сонидан
