НАТО Туркиянинг НАТОга қўшган ҳиссасини юқори баҳоламоқда

507
0

بِسْمِ اللهِ الرَّحْمٰنِ الرَّحِيمِ

НАТО Туркиянинг НАТОга қўшган ҳиссасини юқори баҳоламоқда

Бу ҳисса Ислом манфаатига хизмат қиладими ё Туркия манфаатига?!

НАТО бош котиби Йенс Столтенберг 2020 йил 18 феврал куни Онадўли ахборот агентлигига Туркиянинг НАТОга аъзо бўлганидан бери унга улкан ҳисса қўшгани тўғрисида баёнот берди. У жумладан бундай деди: «Туркия 68 йилдан бери НАТО оиласи учун улкан аҳамиятга эга бўлган аъзо бўлиб келмоқда ҳамда ушбу Алянснинг Афғонистон, Косова ва Ироқ каби кўплаб давлатлардаги миссия ва операцияларига энг кўп ҳисса қўшган давлатлардан бири ҳисобланади. Туркия Яқин Шарқдаги тартибсизликлар, зўравонликлар ва беқарорликдан энг кўп зарар кўрган, «террористик» хуружларга энг кўп дучор бўлган иттифоқчидир. Мен Туркиянинг НАТОга қўшилганининг 68 йиллиги муносабати билан унга Алянсимизни доимий ва муҳим тарзда қўллаб-қувватлагани учун чуқур миннатдорчилигимни билдирмоқчиман. Туркиянинг Алянс ичкарисидаги ўзининг кучли аъзолиги ва қимматли ролини давом эттиришига шубҳа йўқ».

НАТО 1949 йил 4 апрелда ташкил топган бўлса Туркия унга 1952 йил 18 февралда аъзо бўлган. Ваҳоланки, бу Алянс коммунизмга ва Совет Иттифоқига қарши туриш ҳамда дунёда Ғарб қадриятлари ва манфаатларини ҳимоя қилиш учун таъсис этилган эди. Ўз навбатида, Совет Иттифоқи ҳам Варшава шартномасини таъсис этди. Совет Иттифоқи парчалангандан сўнг унинг иттифоқи ҳам парчаланди. Алянснинг ташкил топишига омил бўлган сабабнинг йўқолгани учун НАТО ҳам ўз-ўзидан тарқалиши керак эди. Бироқ, АҚШ уни давом эттиришга ҳаммани мажбур қилди. Мақсади, Алянсга аъзо давлатларни ҳимоя қилишни ниқоб қилиб, ўзининг жаҳон бўйлаб мустамлакачилигини давом эттириш ва айни давлатлар устидан, айниқса, Европа Ғарби устидан ўз ҳукмронлигини сақлаб қолиш бўлди. Зеро, Европа Америка ҳукмронлигидан қутулиб, ўзига махсус қудрат барпо қилишга ҳаракат қилаётган эди. Ушбу қудрат ҳақда Франция президенти Макрон баёнот бериб, НАТОни «ўлим тўшагида ётган Алянс», деб атади. Бироқ мана шуларга қарамай, Туркия Американи қўллаб-қувватлаш ниятида Алянснинг сақланиб қолишига қатъий турибди ва унга бўлган ўз ҳиссасини мустаҳкамлаш учун турк ерларида НАТОга базалар очиб беряпти.

Улар коммунизмга альтернатив душман сифатида Исломни танлашди. АҚШнинг собиқ Мудофаа вазири Дик Чейни 1992 йил Мюнхен халқаро хавфсизлик конференциясида «НАТОнинг эндиги душмани сиёсий Исломдир», деди. У 2011 йил АҚШ вице-президенти бўлгач, Буш билан бирга мусулмон юртларига қарши салибчилик урушини бошлади ва Афғонистон ва Ироқни босиб олди. Қолган барча мусулмон юртларини ҳам босиб олишни мақсад қилиб, янги Катта Яқин Шарқ йўл харитасини чизди. Аммо Афғонистон билан Ироқ мужоҳидлари Американи тийиб қўйишга ҳамда унинг ўз орзусига етишига ёки бирор ғалабага эришиш ниятини амалга оширишига йўл қўймасликка муваффақ бўлдилар. Уларнинг қўли билан Американинг халқаро позицияси ларзага келди.

Ҳақиқатдан Туркия НАТО ривожига катта ҳисса қўшди. Масалан, НАТОни унга эргашиладиган олдинги сафдаги фронтга айлантирди ва бу билан Совет Иттифоқининг Ғарбий Европага босимини пасайтирилишига ҳисса қўшди. Оқибатда Совет Иттифоқи ўзининг Кавказ минтақасидаги йигирма бешта ҳарбий бўлинмасини, яъни, уч юз минг нафар аскарини Туркиядаги НАТОга қарши жойлаштиришга мажбур бўлди. Бошқача айтганда, Шарқий ва Марказий Европадан бурилиб, Туркиядаги Ғарбга қарши турди, натижада, европаликларнинг хавфсизлик харажатлари озайиб, обод турмуш, фаровонлик ва хавфсизликдан баҳраманд бўлишди.

Туркия 1950-1953 йилги Корея урушида иштирок этиб, НАТО байроғи остида ўзининг 15 минг аскари билан АҚШ фойдасига хизмат қилди. Бу урушда АҚШ ўзи ёриб киришга ожизлик қилган минтақаларга турк аскарларини киритди, оқибатда ҳитойликларга қарши олиб борилган «Коннери» жангида нобуд бўлганларнинг 60 %ини турк аскарлари ташкил қилди. Туркия эса, ҳеч қандай фойда кўрмади, фойдани АҚШ кўриб, Жанубий Кореяга ҳукмрон бўлиб олди.

Туркия НАТОнинг Босния ва Герцеговинадаги «Айфор» кучлари билан «Сафор» кучларига, Косоводаги «Кафор» кучларига, Халқаро Хавфсизликнинг Афғонистондаги «Исаф» кучларига, Жанубий-Шарқий бригадасига, Ироқдаги машқлар миссиясига, Ўрта Ер денгизи, Эгей денгизи, Қора денгиз ва НАТОнинг Африка мугузидаги ҳарбий денгиз кучларига ҳамда Болтиқбўйи минтақасидаги ҳаво разведка операцияларига салмоқли ҳисса қўшди.

2002 йил Прагада бўлиб ўтган НАТО саммити қарорларига мувофиқ, Туркияда 2005 йилда «TMMM» (Терроризмга қарши Кураш бўйича Олий Марказ) тузилди. Бу марказда НАТОга аъзо саккиз давлатнинг офицерлари фаолият олиб бориб, НАТОга аъзо давлатларга ҳисобот ва тадқиқотлар тақдим этишади. «Террористлар ресурсларини қуритиш», «Террористларга қарши кураш», «Терроризм билан оммавий ахборот воситалари ўртасидаги умумий муносабатлар», «Мафкуравий терроризм асосларини ўрганиш» ана шу ҳисобот ва тадқиқотлар жумласидандир. Буларнинг барчаси Ислом ва мусулмонларга қарши курашдан бошқа нарса эмас.

Ғарб Шарқдан чиқиб кетишни Ғарбнинг ҳаёт тарзига таҳдид солади, деб ҳисоблайди, Туркия эса, миллионлаб мигрантлар тўлқинидан Ғарбни ҳимоя қилади ва бу ишидан ғурурланади.

Араб давлатларида қўзғолон аланга олганда НАТО унга қарши тайёргарлик кўриб, «Патриот» ҳаво мудофааси тизимини ўрнатди. АҚШ, Германия ва Голландия давлатлари яратган бу тизимни НАТО 2012 йил Туркиянинг Сурияга чегарадош ерига жойлаштирди. Шунингдек, НАТОнинг Чикаго саммитидан сўнг 2012 йил Туркиянинг Малатя вилоятидаги Қаражик посёлкасига ракеталарга қарши мудофаа комплекси қурилди.

Ҳозирда Туркияда АҚШ ва НАТОнинг 15та ҳарбий базаси бор. Уларнинг энг каттаси Инжирлик шаҳрида жойлаштирилган бўлиб, бу базадан Америка ўз иттифоқчилари билан бирга Афғонистон ва Ироққа қарши ифлос урушида фойдаланиб келмоқда. 2015 йилда Эрдоган Американинг Инжирлик базасидан «терроризм»га қарши кураш ниқоби остида Сурия қўзғолонига қарши фойдаланишига рухсат берди.

Шуларнинг барчасига қарамай, Ғарб Туркия манфаатларига қарши туради. Масалан, 1963 йил Кипр Румлари туркларга ҳужум қилганда Туркия туркларни ҳимоя қилиш учун Кипрга кирган. Ана шунда 1964 йил АҚШ президенти Линдон Жонсон Туркиянинг Британия сиёсати бўйича юрувчи бош вазири Исмет Инёнюга мактуб ёзиб, бундай дейди: «Бу ишга Совет Иттифоқи аралашган тақдирда, АҚШ ва бошқа НАТО давлатлари ҳаргиз Бешинчи моддада кўзда тутилган қўшма мудофаа принципи бўйича ишламайдилар». Шунингдек, Эжевит ва Эрбаканлар раҳбарлигидаги Туркия 1974 йил инглизлар буйруғи билан Кипрга киради. Чунки у ерда америкапараст Юнон Миллий Ҳаракати инқилоб қилган эди. Ўшанда Америка 1975-1978 йилларда Туркияга қурол сотилишини тақиқловчи санкция жорий қилади.

Яқинда Сурияда Туркия билан Россия ўртасида келишмовчилик келиб чиқиш эҳтимоли айтилди. Шунда НАТО давлатлари Бешинчи моддани фаоллаштиришни хоҳламасликларини билдиришди. Бу модда НАТОга аъзо давлатларни мудофаа қилишни ўз ичига олган.

Туркия америкалик руҳоний жосусни ушлаб олганда Америка унга санкция жорий қилди ва 2018 йил 11 августда Эрдоган Нью-Йорк Таймс газетасига мақола ёзиб, мана бундай деган: «Америка қандай қилиб бизга санкция қўллаяпти, ахир, АҚШ билан Туркия НАТОда олтмиш йилдан бери шерик бўлиб келаётган бўлсалар… Икки давлат совуқ уруш ва ундан кейинги даврларда машаққатларга шериклик қилаётган бўлсалар?! Йиллар бўйи ҳар доим Туркия Америкага ёрдамга чопиб келди. Ўзаро кучларимиз Кореяда жанг қилди. Турк кучлари 1962 йилда Кубада ракеталар инқирозида Америкага ёрдам қўлини чўзди. Турк кучлари НАТО миссияси муваффақияти учун Афғонистонга юборилди. ИШИД ташкилоти НАТО ҳудудига етиб бормаслиги учун турк кучлари Сурияда икки йирик операция олиб борди».

Шундай қилиб, демак, Туркия АҚШ ва Ғарбнинг мустамлакачилик манфаатига хизмат қилаётган давлатларнинг энг пешқадамидир, ҳолбуки, улар ҳар доим Туркия манфаатларига қарши туришди, Ғарбдан энг кўп зарар кўрувчи Туркия бўлиб қолди. Оқибатда Туркия на ўзи фойда кўрди, на Исломга фойда келтирди. Аксинча, у НАТОга ҳисса қўшиш орқали Ислом ва унинг аҳлига зарар келтирди. Унинг бугунги кундаги раҳбари Эрдоган Туркиянинг АҚШ ва Ғарбга хизмат кўрсатаётгани билан фахрланиб ётибди. Аллоҳ Субҳанаҳу кофирлар билан иттифоқ тузганларни кофирлар, золимлар ва дилларида мараз бўлган мунофиқлар билан баробарлигини, мусулмонликни иддао қилса ҳам, ўрталарида фарқ йўқлигини айтиб, бундай деган:

يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ‏

«Эй мўминлар, яҳудийлар ва насронийларни дўст тутмангиз! Уларнинг баъзилари баъзиларига дўстдирлар. Сизлардан ким уларга дўст бўлса, бас, у ўшалардандир. Албатта, Аллоҳ золим қавмни ҳидоят қилмас» [Моида 51]

Роя газетасининг 2020 йил 4 март чоршанба кунги 276-сонидан

LEAVE A REPLY

Please enter your comment!
Please enter your name here