بِسْمِ اللهِ الرَّحْمٰنِ الرَّحِيمِ
Иорданиялик фаоллар ҳукуматга қарши чиқиб виждон тутқунларини озод этилишини талаб қилмоқдалар
«Step News» ахборот агентлиги веб-сайти (ҳижрий 1441 йил 19 робиул-аввал, милодий 2019 йил 16 ноябр шанба куни) нашр қилган хабарда бундай дейилади:
«Ижтимоий тармоқлар, айниқса, Иордания газеталари «Қамоққа олишларни бас қилинг» номли кампанияси билан тўлиб тошди. Кампанияда минглаб иорданияликлар иштирок этиб, виждон тутқунларини озод этилишини ва ҳибсга олишлар тўхтатилишини талаб қилишди.
Иорданияликлар хавфсизлик хизмати зўравонликларига, оғиз очишга қўймаслик сиёсатига чек қўйилишини ҳамда фаолларнинг сиёсий позиция ва қарашлари сабабли уларга тазйиқ ўтказиш тўхтатилишини талаб қилдилар. Хаштаг орқали иштирок этганлар ҳуқуқбонлар, журналистлар ва Иордания жамоат арбобларини ташкил қилди.
«Юртни вайрон қилган сиёсий тутқунлар эмас. Йўқ, бу юртни ҳокимиятдагилар ва биров уларнинг қилмишларига «тўхта», дея олмайдиганлар ҳамда Иордания халқини оғиз очишга қўймаслик сиёсатидан манфаатдор бўлганлар вайрон қилишди», дея ёзди иорданиялик ёзувчи Валид Алимот».
Роя газетаси шарҳи:
Шуни таъкидлаш жоизки, ўтган ҳафта Иордания режими хавфсизлик кучлари Ҳизб ут-Таҳрир аъзоларидан Анвар Абдудоим (Абу Ҳорис) билан Ҳисом Баракот (Абу Усома)ларни ваҳший ва макр йўли билан ҳибсга олишган. Бу хусусда Ҳизб ут-Таҳрир – Иордания вилояти матбуот бўлими баёнот чиқариб, қуйидагиларни таъкидлади:
«Ушбу қамоққа олишлар Ҳизб ут-Таҳрир аъзоларининг исломий ҳаётни қайта бошлашга даъват қилиш йўлидаги ҳаракатларига ҳаракат ва қатъиятига қатъият қўшади, холос. Бу билан улар ўзларининг ҳақ, ростгўйлик ва адолат йўлидан кетаётганларига бўлган имон-ишончлари, қаноатлари янада ошади. Улардан фарқли ўлароқ, бу сифатлар на Иордания режимида бор, на унинг гумашталарида, на хавфсизлик ходимларида ва на коррупциячи доираларда.
Роя газетасининг 2019 йил 20 ноябр чоршанба кунги 261-сонидан
