بِسْمِ اللهِ الرَّحْمٰنِ الرَّحِيمِ
Ҳизб ут-Таҳрир – Британия
«2019 йил Кашмир конференцияси»
Жорий йил 27 октябр якшанба куни Ҳизб ут-Таҳрир – Британия мамлакат жанубидаги Лутон шаҳрида конференция ўтказган эди. «2019 йил Кашмир конференцияси» номли ушбу йиғинда асосан тўртта маъруза тингланди. Улардан бирида янги халқаро вазият, унда Хитойнинг Қўшма Штатларнинг кучли рақибига айлангани, Кашмир ва унинг теварагида кечаётган ишларнинг барчаси асосан мана шу рақобат доирасида бўлаётгани, АҚШ Хитой фаолиятини «блокада» қилиб, чеклашни истаётгани ҳақида сўз юритилди.
Маърузаларда АҚШ ўзининг минтақадаги манфаатларини амалга оширишда Покистон ўрнига кучли иттифоқчи сифатида Ҳиндистондан фойдаланмоқчи бўлаётгани ёритилди. Нотиқлар ўз нутқларида қуйидагиларни таъкидладилар: Бу ҳукмдорлар дажжол ролини ўйнашяпти. Чунки улар Покистонни Ҳиндистонга нисбатан заиф давлат сифатида кўрсатиб, Кашмир муаммосини АҚШ ва БМТ ёрдамида ҳал қилиш керак қабилида иш тутишяпти. Аммо аслида Уммат камбағал ҳам, заиф ҳам эмас. Аксинча, шахслар ва ресурсларга шу даражада бойки, у бутун дунёни бошқаришга лойиқ. Умматга етишмаётган нарса холис етакчилик, холос.
Конференцияда нутқ сўзлаган нотиқларига кўра, Кашмир муаммоси Кашмир аҳли ёки Покистон аҳлининг ички муаммоси эмас… Йўқ, у бутун мусулмонлар муаммосидир. Ҳамма бало шундаки, Покистон ҳукмдорлари бу масалани Кашмирнинг ички иши, дея Кашмирдаги мусулмонларни ёрдамсиз қолдиришяпти, аммо Афғонистондаги АҚШга ёрдам беришга кучларини аяшмаяпти.
Маърузалар ниҳоясида муҳим бир нуқтага диққат қаратилди. Яъни, мусулмонларнинг мусибати ва бўлинишига сабаб, Аллоҳ нозил қилган аҳкомлар билан бошқарувчи раҳбарнинг йўқлигидир. Чунки бу раҳбар-халифа мусулмон юртларини Ғарб кирларидан тозалайди ва нафақат Ислом давлати ичкарисида, балки бутун дунёга адолат ва омонлик улашади.
Роя газетасининг 2019 йил 13 ноябр чоршанба кунги 260-сонидан
