Атамбаев: Текебаев каби сиёсатчилар парламентга жуда лозим
Собиқ президент Алмазбек Атамбаев 16-июл куни Кой-Ташдаги дала ҳовлисида ўз таравдорлари билан учрашув чоғида «Ата Мекен» партиясининг турмада жазо муддатини ўтаётган раҳбари Омурбек Текебаевнинг ишини қайта кўриб чиқилишига изоҳ берди. У журналистларнинг саволига жавоб берар экан, «Текебаевнинг иши бўйича оғир муаммога чидаб бериши керек»лигини такидлаб ўтди. Бу ҳақида маҳаллий ахборот воситалари ҳабар тарқатишди.
- – Фактлар судда ўз исботини топган. Бироқ у жазосини аллақачон ўтаб бўлган. Мен Текебаевнинг жинояти бўйича, оғир муаммога чидаб беришим керек эди. Чунки парламентда Текебаев каби одамлар жуда лозимлиги кўриниб турибди. Аммо у Атамабевнинг даврига нисбатан Сооронбайнинг (Жээнбековнинг – таҳририт.) даврида кўпроқ ўтиради,– деди Атамбаев. Манба “Азаттык радиоси”
Изоҳ: Текебаевнинг қамалиши – Атамбаевнинг шахсий амбицияси ёки манфаатидан келиб чиққан мустақил қарори эмас эди. Балки бу ўша давр сиёсий воқелигининг талаби эди. Яъни Текебаевнинг қамалиши Атамбаевнинг Путин томонидан тасдиқланган лойиҳасидан кейин амалга оширилган қарор бўлган эди. Мазкур лойиҳага кўра, Атамбаев эски сиёсий доирани сиёсий майдондан четлатиб, ўрнига янги етакчи гуруҳни сиёсий майдонга олиб келишни режааштирган эди. Ўзини сиёсий элита деб ҳисоблаётган янги етакчи гуруҳ, ҳозир ҳам ўз ўрнида янги президентга сиёсий хизмат кўрсатиб келмоқда.
Текебаев ҳозир ҳам ҳали пишиб етилмаган, яъни сиёсий доира ичида мустаҳкам ўрнаша олмаган ўша етакчи гуруҳ олиб бораётган қалбаки сиёсий жараёнлар учун катта муаммолар пайдо қилиши мумкин бўлган кучли сиёсатчилардан биридир. Демак у ўзининг “Ата мекен” партияси билан, кутилаётган депутатлар сайловида жиддий муаммолар пайдо қилиши мумкин. Шунинг учун Атамбаев ўзини сотиб кетган депутатлар учун Текебаевнинг кераклигини айиб, уни уларга раво кўряпти.
16 июнда ўтказилиши керак бўлган Текебаевнинг суд жараёни 21 августга кечиктирилди. Жээнбеков ҳам худди Атамбаев сингари кутилаётган сайловда парламентга ўзига тобе сиёсатчиларни олиб келишни мақсад қиляпти. У ҳам шу масалада ўз лоиҳасини Путин билан маслаҳатлашиб, тасдиқлатиб кейин амалда иш юритиб боряпти. Текебаев ва бошқа бир қатор актив сиёсий доира асосчилари бўлган эски сиёсатчиларни етакчи гуруҳ таркибига киришига йўл бермаяпти. Шунингдек у суд тизимини ҳам бутунлай ўз таъсири остига олди. Демак ҳеч нарса ўзгаргани йўқ, ўзгармайди ҳам.
Шунинг учун бу қалбаки сиёсатчилар, бизда янги умидлар пайдо қилишга ҳаракат қилиб, бизни сайловга қатнашишга чақиришади. Ўзларини халқпарвар, ватанпарвар ва баъзилари диндор қилиб кўрсатишга ҳаракат қилишади. Аниқки ҳеч нарса ўзгармайди. Шу пайтгача Атамбаев тарафдори бўлиб келган гуруҳ энди бошқа либос кийиб, Жээнбеков тарафдори сифатида намоён бўлади! Ҳеч нарса ўзгармайди….
Абдураззоқ Мўъмин.
