بِسْمِ اللهِ الرَّحْمٰنِ الرَّحِيمِ
Шом заминидаги шубҳали ҳаракатлар
Устоз Абду Дали
Бугун Шом дипломатик қатновларга гувоҳ бўляпти. Буни Россия Ташқи ишлар вазирлиги баёноти тили билан айтганда, Россия олий даражадаги делегациясининг Риёзга сафар қилиши манзарасида кўриш мумкин. «Россия Ташқи ишлар вазирлиги делегацияси Россиянинг Суриядаги махсус вакили Александр Лаврентьев, Россия Ташқи ишлар вазири ўринбосари Сергей Вершинин ҳамда Мудофаа вазирлиги вакилларидан ташкил топди», дейилади баёнотда.
Рус делегацияси Салмон билан учрашиб, Сурия масаласини ҳамда Женева конференцияси қарорларига асосан сиёсий якун ясаш зарурлигини муҳокама қилди. «Учрашувда БМТ Хавфсизлик Кенгашининг 2254-сонли резолюцияси асосида Сурияда сиёсий барқарорликни таъминлаш ва юрт реконструкцияси учун зарур ёрдамлар кўрсатишга тўхталинди». (Арабий 21).
Бу ташриф, Эрон Ташқи ишлар вазири Жавод Зарифнинг Дамашққа сўнгра Анқарага сафар қилган вақтга тўғри келди. Маълумки, Зариф жорий йил февралида истеъфо бериб, сўнг яна истеъфосини қайтариб олган эди. Шундан сўнг Асад режими билан қилган учрашуви хулосасини Туркияга маълум қилди: «Зариф Анқарадаги президентлик қароргоҳида Эрдоган билан учрашишидан олдин – мен Эрдоганга Асад билан олиб борган узун суҳбатим ҳисоботини тақдим этмоқчиман, деди». (Ал-Жазира сайти).
Бундан ташқари, маккорлик, каззоблик ва ёлғончилик сифатлари билан танилган у ёки бу томонлардан Шом қўзғолони ва унинг натижалари, Шом аҳли азоб-уқубатларига чек қўйиш вақти келгани… ҳақида қатор баёнотлар янгради. Бу баёнотларнинг барчаси бугун Асад режими йирик шаҳарларда ёнилғи маҳсулотлари етишмовчилиги, нарх-наво кўтарилиб кетиши, молларнинг касодга учраши ва доллар нархининг тўхтовсиз кўтарилиши каби оғир кризисни бошдан кечираётган бир пайтда янграмоқда. Шунингдек, бу баёнотлар Цезар кодекси¹ ҳақида гап сўзлар кўпаяётган бир пайтда янграмоқда.
Буларнинг барчасидан яққол кўриниб турибдики, айни дамда Асад режими ғоят заиф аҳволда қолган, у ҳатто шаббодага ҳам дош беролмайди, унинг нуқтасига урилса бўлди, ҳар лаҳзада ағдарилиши муқаррар… Нуқтасига уриб, ерга киритиб юбориш учун эса, Аллоҳдан ёрдам сўраган ва Унинг Ўзига таваккул қилган холис кишилар керак.
Юқорида айтганимиз воқеларнинг барчаси Сурияда Туркия патруль ҳаракати тинимсиз ҳаракат қилаётган ва унинг ҳаракати баробарида шаҳар ва қишлоқлар бомбардимон қилинаётган, йўлда кетаётган ёки уйда турган оддий фуқаролар қирғин қилинаётган бир пайтда бўлмоқда. Буни айни ҳудудларда яшовчи одамларнинг тўлқинланиб, нафрат билан «Туркия патруль ҳаракати ўтиши, бомбардимон ва қирғин бошланишидан дарак беради», дея айтган сўзлари ҳам ифодалаб турибди. Шунингдек, буни «кафил давлатлар» дейилаётган Россия билан Туркия айни нопок назорат кучлари ҳаракатини ҳамкорликда олиб боришаётгани ҳам тасдиқлаб турибди.
Ушбу манзара ва ҳодисалардан Шом аҳлини авраш кўзлангани аниқ… Бу давлатлар Шом аҳли миясига «қутулишингизга яқин қолди, биз сиз билан биргамиз, ҳамнафасмиз, адашишларингизга йўл қўймаймиз, Женева қарорлари ва бандларини татбиқ қилиш орқали яқинда ҳамма азоб-уқубатларингизга якун ясаймиз, бизнинг ёрдамимиз билан кўксингизга шамол тегишига яқин қолди», деган тушунчани қуймоқчи!
Бугун бу тил бириктирувчи давлатлар Шом аҳлига нисбатан шундай қилмоқчи бўлишяпти-ю, бироқ Шом аҳли фикри хусусан, ораларидаги ҳақ парвар ва ақлирасо инсонлар онги бу каби ўйин ва режалар ўтмайдиган даражада ўсиб кетганини ё унутишган ёки билишмаётган кўринади.
Фараз қилайлик, альтернатив пишиб етилди, тил бириктирувчилар Сурия масаласини ёпишди, янги малай излаш ҳам ниҳоясига етди… хўш, ҳокимиятга ким келади?! Шубҳасиз, ушбу қўзғолонда экилган ва бутун қўзғолон йиллари ўсиб, қурбонлар қони билан суғорилган ифлос дарахт – бадбўй илмонийлик дарахти – албатта ифлос мева беради… Яъни Дамашқдаги сўнгги илмонийлик қўрғонини сақлаб қолиш учун душман билан савдолашиб, унга сотилган қўзғолон дарахтидан аччиқ-манфур мева пишади.
Демак, қўзғолон бошлангандан бери айни давлатлар сиёсий ва ҳарбий жиҳатдан, фақат мана шу кунга етиб келиш учун ҳаракат қилишди. Бинобарин, бугун қўзғолоннинг ўтиш даври ҳеч қандай ғалва-жанжалсиз ўтмоқда. Шунингдек, ҳокимиятга ақидапарастларнинг келиши ва Дамашқдаги илмонийлик қасрининг қулаши мумкинлигига ҳушёр қараб келишди ва буни бир неча минбарлардан айтишди ҳам. Зеро, бу илмонийлик қасри авлоддан-авлодга ўтиб келаётган ҳамда кофирлар бағрида ўсиб, ривожланиб, янгитдан экилиб, кейинги босқичда қайтадан илмоний бошқарув шаклида яна давом этадиган нарсадир.
Бу ҳодисалар кўп нарсани англатади. Масалан, берилган қурбонликларни зое кетказиш, шаҳидлар қонига хиёнат қилиш, топталган номусларнинг қасоскор мўътасимларсиз қолдириш мумкинлигини англатади. Шунингдек, Ислом давлатининг гуллаб яшнаган маркази бўлган ва бугун золимларга қарши қўзғолон кўтариб, мусулмонларни зулмдан қутқараётган бир юрт, яна қайта илмоний ва илмонийлар ўчоғига айланиши кутилаётганини англатади. Бу ҳодисалар маъноларидан яна бири, зулматдаги золимларнинг одамлар бошига турли азоблар ёғдириши, холис инсонлар азоб-уқубат исканжасида қолишлари, Аллоҳнинг амри татбиқ этилмай, мусулмонлар бойликлари юлғич қарғаларга ем бўлиши, ўнлаб йиллар одамлар танасига зулукдек ёпишиб келган Ғарб цивилизациясига бутун юрт томорқага айланиши мумкин…
Ушбу содир бўлиши мумкин бўлган ҳодисалар, дарёдан бир томчи, холос. Бу ҳодисалар агар қўзғолон аҳли худди қўзғолон савдогарлари билан малайларга ўхшаб қўл қовуштириб, лоқайд қолаверадиган бўлса шундай бўлиши кутилади. Шунингдек, агар Уммат ўз сўзини айтишга қарор қилиб, бор овози билан ҳайқириб, сукут деворларини парчалаб ташламаса шундай бўлиши мумкин.
Асад режими оёғида аранг турибди, ағдарилишига бир бахя қолган ва бу ҳақиқат кундек равшан. Режимнинг ағдарилмаслиги учун оёқларига темир тақиб қўйишган бўлса-да, оёқлари чириб-қуртлаб бўлган. Қўлларида альтернативи бор холис инсонлар бу режимни қулатиш учун нуқтасига забар берсалар, кифоя. Мана шу зарба ўзи билан альтернативни олиб келади. Зотан, Ҳизб ут-Таҳрир бутун қўзғолоннинг аччиқ ва ширин, ёз ва қиш йиллари мобайнида тинмай баён қилиб келган ҳақиқат ҳам мана шу.
Ушбу вазият ва ҳодисалар чуқур ва ёрқин назар ташлаш кераклигини исботлади. Қўзғолонни бошқараётган кўплаб етакчиларда исломий лойиҳа етишмаётган бугунги кунда қилиш лозим бўлган вазифа Ҳизб ут-Таҳрир лойиҳасини қабул қилиш ва унинг етакчилиги остига киришдан иборатдир. Чунки йўлни кўра билаётган ҳам, мақсадини яхши англаган ҳам, қўлида шундай лойиҳаси бор ҳам мана шу ҳизб.
¹ Цезар кодекси, 2014 йил Асад армиясидан ажраб чиққан бир ҳарбий мусаввирга нисбатан қўлланмоқда. Мусаввирнинг Цезар, деб аташдан мақсад, унинг асл номини яшириш бўлган. Чунки у Асад қамоқхоналарида қийноқлар остида ўлдирилган 11 минг нафар маҳбуснинг 55 минг нафар тасвирини сиздириб чиқарган. Кейин бу расмлар АҚШ Конгрессига тақдим этилиб, жамоатчилик томонидан қаттиқ ғазаб билан қаршиланган.
Роя газетаси сайтидан олинди
