Тожикистон: Терроризмнинг заволи ёхуд муваққат сукунат?
Айни пайтда Тожикистоннинг Душанбе шаҳрида икки нафар мусулмонга қарши жиноий иш қўзғатилиб, суд жараёни кетмоқда. Терговчиларнинг хулосасига кўра, бу икки шахс ички ишлар бўлимига, айнан мажлис вақтида ҳамла қилиб, милиция ходимларини ўлдирмоқчи бўлган.
Шу каби ҳодисалар Тожикистонда шунчаки оддий иш қатори қабул қилинади. Зеро охирги ўн йиллар давомида Тожик ҳукумати терроризм ва экстремизмга қарши иш олиб бориш баҳонасида юзлаган бегуноҳ мусулмонларни турли туҳмат айбловлар билан қамоққа олди. Масжидлар сонини камайтириб, уларнинг аксариятини уйин кулги, гўзаллик салони ва спорт залига айлантирди.
Айниқса, 2018 йилда (махсус кучлар ёрдамида) содир бўлган туристларга қарши суиқасд ҳодисасидан буён бу кураш янада жиддий тус олди. Кун сайин мусулмонлар жиноий жавобгарликга тортилмоқда.
Эндиликда терроризм хатари устидан ғалаба ҳақида бонг урмоқда. Олий прокуратура раҳбари Юсуф Раҳмон Миллий мажлисда нутқ сўзлаб, мамлакат ички ишлари хусусида маълумот берди.
“Кенг кўламли тарғибот ва ташвиқот ишлари натижасида, экстремистик ва террористик оқимлар ҳажми сезиларли даражада камайган. Ҳатто 2017 йилга нисбатан 29% га озайди. Бу биз учун улкан ютуқ ҳисобланади”- деди Юсуф Раҳмон.
Дин ишлари бўйича мутахассис Рустам Азизий ҳам ўз фикрини билдириб шундай деди: – “Модомики шу каби мафкура ва идеологиялар зеҳнларда мавжуд экан, демак таҳдидлар ва хавф хатарлар ҳам мавжуддир. Террористик ақидаларга асосланган гуруҳларнинг қайта-қайта бош кўтариши хеч гап эмас. Шу нуқтаи назардан, биз иш услубини ўзгартиришимиз шарт, яъни зеҳнларга таъсир қила оладиган услубларни ўйлаб топиб ишга солиш лозим”.
Ислом дини келиб Ўрта Осиё халқи эътиқод қилган оташпарастлик динига барҳам берилди. Унинг ўрнига инсонлар зеҳнида покиза, Яратувчи рози бўлган муқаддас эътиқод жорий этилди. Ўн асрдан ортиқ муддат мобайнида мусулмонлар зеҳнига ўрнашиб олган ақидани биргина тарғибот ишлари, зулму зўравонлик билан бартараф қилишни имкони бормикан?! Ҳатто худосизликни тиқиштирган Шўро даврида ҳам инсонлар яширинча Парвардигорига ибодатда бўлди, никоҳсиз оила қурмади, бисмиллоҳ тиллардан кетмади. Шунча ўрнашиб олган соф иймонни айнан илмоний система югурдаклари йўққа чиқармоқчи. Шу мақсадда миллий урфу анъаналар, аждодлар динини ҳурмати баҳонаси билан, Тожик ҳукумати омма ичида жаддал суратда зардуштия динига таршвиқот ишини олиб бормоқда. “Сут билан кирган, жон билан чиқади”- деган мазмунда масал бор. Ислом дини Пайғамбаримиз (с.а.в.) олиб келган ва боболаримиз, момоларимиздан асраб авайлаб қолдирилган буюк мерос ҳисобланади. Ислом масаласи ҳаёт мамот масаласи демакдир. Дин душманлари гарчи минг ҳийла ишлатиб, турли услублар ўйлаб топмасин, фитратимиздан жой олган эътиқодни йўқ қила олмайди. Агар Аллоҳ ҳимоя қилса, илмоний система диний маърифатимизга зарар етказа олмайди. Фақатгина Аллоҳ розилиги учун ақидамизда собит турсак кифоя. Аллоҳ биз билан!
Мунаввара
